🎁DAY55 : I Got a gift today

24-02-2026 | Ramadan – Day 6 🌙

Hii bolu ya Assalamualaikum?
Aaj kal lag raha hai main pakki Muslim mode mein hoon 🤍

Subah office thoda late entry… aur senior khade the apni beti ka diya hua gift dene ke liye. Aur guess what? Mujhe mil gaya! 🎁
Ek cute sa mobile holder jo purse ki tarah use kar sakti hu. Words mein explain nahi kar pa rahi, but imagine something stylish and useful — bilkul mere jaisa 😉

Phir market ne mood thoda off kar diya. Nifty 500 points neeche. Sirf “English bhai” ki wajah se (samajh jao global news wala scene 😒).

Office mein meetings hui, product discussion with Pinky ma’am — overall vibe productive thi.

Lekin aaj ek important observation hua.
Alhamdulillah, meri communication strong hai. Log sunte hai mujhe. Confidence bhi hai.
Bas ek lack hai — product understanding aur side knowledge.
Woh ho gaya na, toh I can truly say I’ve achieved my personality.

Aaj maine ek insurance product meeting open ki. Closing ke liye Rinki ma’am ko bulaya —office  mein woh meri inspiration hai. Knowledge, personality, confidence — perfect combo.
Lekin unhone closing kisi aur head ko de di. Respect hai unke liye, lekin dil mein laga — “isse accha main khud kar leti.”

Par haan… lalach buri bala hai.
Closing ke chakkar mein ab meeting re-open karwani padegi.

Galti hui hai.
Par aaj aur abhi theek karni hai.
Seedha pen uthaya aur product samajhna start. Dekhte dekhte 5 baj gaye.

Phir kya? Ghar ki taraf full speed — iftaar time! 🌙🍽️
Aur sach mein… mummy poora kaam akeli karti hai aur khate hum sab hai.
Yeh Saturday se help compulsory. InshaAllah. 🤍

Abhi 11:54 pm ho rahe hai.
Namaz, thoda padhai, aur yeh blog.
Ab seedha neend.

Ramadan mujhe discipline sikha raha hai.
Aur thoda thoda mujhe mujhse milwa bhi raha hai. ✨

— Safarnama 🌙

💞DAY 54:Ghar ki Takraar, Dil ka Pyaar – Ramadan 5 🌙

23-02-2026 | Ramadan – Day 5 🌙

Abhi abhi sehri karke seedha laptop khola… kyunki blog delay ho sakta hai, lekin likhne ka sukoon delay nahi hota.

Sach kahu toh lag hi nahi raha ki Ramadan ko 5 din ho gaye. Pehle 3–4 din toh bas mera “trial period” chal raha tha — sleep schedule set karo, office timing adjust karo, ibadat ka routine balance karo. But now… I’m feeling settled. Ek ajeeb sa sukoon hai.

Late ho jaati hu phir bhi ghabrahat nahi hoti. Office bhi aaram se jaati hu, kaam bhi aaram se karti hu. Aaj ek meeting thi T.L ke saath. Aur woh “mendak” (😂) mana karne ke baad bhi saath aa gaya. Ya Allah, mujhe acha insaan banna hai — ignore mode ON.

Aur haan… 15k ki monthly SIP done. “Maal laoo.” 💸
Dhoop itni thi ki 4 baje tak thak ke haal kharab. Lekin office pahochte hi AC ki thandi hawa ne jaan daal di.

Bas ek cheez buri hui — 15 min late nikli aur namaz kaza ho gayi. Dil ko bura laga. Aaj se pakka jaldi niklungi.

Andheri ki bina AC wali bus… uff. Ghar pahochte hi scene change. Garma garam aloo vada, mirchi pakode, kanda bhajiya… aur abbu chicken bhi laaye the.

Sach me, maa-baap ka dil bohot bada hota hai. Apne liye shayad kabhi kharch na kare, lekin hamare chehre par smile lane ke liye poori koshish karte hai. 🤍

Iss baar abbu ne Eid ki shopping bhi kar li — bohot saalon baad. Alhamdulillah. Abbu ka kaam chal raha hai, namaz schedule me nahi aata lekin iss baar woh holiday mood me hai aur hum sab ke saath dastarkhan par baithna… woh feeling alag hi hoti hai.

Haan, shanti kam hoti hai ghar me 😂
Lekin ronak hai.
Pyaar hai.
Takraar hai.
Aur sabse zaroori — saath hai.

Allah ne itni cheeze di hai, phir bhi hum shukr kam karte hai. Pagal bande hai hum.

Aur haan — sabse important baat!
Mere lala ka aaj pehla board exam tha. Jo meri darr wali feeling thi na… shayad usse bhi zyada usko hogi. Par Allah se sirf itni dua — zyada nahi, bas usse pass kara dena. 🤲

Busy day tha. Thakaan bhi thi.
Lekin dil me sukoon bhi tha.

— Safarnama ✨

🍽️DAY53: We all made iftaari together

22-02-2026 | Day 4 – Ramadan 🌙✨

Chahe main kitni bhi “boss lady” banne ki koshish kar lu 💼🔥
Independent personality play kar lu…

Par mere andar ek Indian keeda hai 😭
Indian soch matlab — family hi sab kuch hai.

Pehle pata tha…
Aaj mehsoos hua. 🤍

Aaj wali thakaan… uff 😩
Aisi kabhi nahi hui.

Sehri ki 🌙
Namaz ada ki 🤲
Aur so gayi…

Par yeh 1 glass paani = 3 glass susu wala system alag hi test hai 🚽😭
Half sleep mein uthna… jaana… phir aana… phir uthna…
Neend ka full khichdi ban gaya 🍲😂

11 baje aankh khuli ⏰
Sidd (Adi ka dost) ka message — collab mail bhejna hai 💻✨
Fatafat laptop open.
Kaam start.

Par song ka title hi nahi pata 😭
Aur yeh log night workers… mujhe pata tha reply nahi aayega.
Phir bhi mail draft, edit, re-edit…

Phir so gayi.
2 baje uthkar seedha bathroom 🏃🏻‍♀️😭
Wazu ka alag tension… fart se wazu toot jaata hai yaar 😭😂
Phir nahayi 🚿
Namaz padhi 🤲
Aur finally Sidd ka mail complete.

1 mail ke liye 24 ghante lag gaye 🥲
Yeh pucho, woh pucho… but ho gaya.
Allah please usko collab mil jaye… Ameen 🤍✨

Phir hamari Kallo ka daily natak 🎭😂
3–4 din se phone phone phone…

Aaj Abbu ne haan bol diya.
Aur mujhe saath le jaake 14k ka Oppo F6 (6GB RAM, 128GB ROM) 📱✨ le liya.

Battery 6500 mAh bol rahe the (watt nahi hota madam 😭😂).

Sach kahu? Mujhe bhi chahiye tha.
Par need nahi hai.
Toh bas window shopping ki… phone touch karke hi khush ho li 😌📱✨
Kabhi kabhi sirf dekh lena bhi kaafi hota hai.

Shaam ko sab milke iftaar ready ki 🍽️🤍
Maine ek line likhi hai…
Par feeling 10/10 wali thi 🌟

Hum bahot ladte hai.
Bahot argue karte hai 😤
Mera gussa toh blood mein hai shayad 😂🔥

Par phir bhi…
Pyaar bhi wahi sabse zyada hai. 🤍

Mast khaya 🍛
Mast piya 🥤
Namaz ada ki 🤲

Aur ab dekho… blog likhte likhte 1:12 AM ho gaye ⏳✨

Kal mere Lala ka life ka first board exam hai 📚🥺
Mujhe dar lag raha hai…
Par yakeen bhi hai — Inshallah sab subjects mein pass hoga 🤍

Subah usse acche se revision karwaungi 💪
Motivate karungi ✨
Phir office jaungi 💼

Okay bye…
Kal se pakka daily blog aayega 😉
(But no guarantee 😭 schedule bahot hectic hai.)

Ramadan mujhe sikha raha hai —
Boss lady ho ya emotional fool…
End mein main bas ek family wali ladki hu 🤍🌙

-safarnama

🛍️DAY52: Iftaar ke baad ki craving aur shoping

21-02-2026 | Ramadan – Day 3 🌙✨

Hii… Ki haal? 🤍
Sach batau? Mujhe yaad hi nahi aa raha tha ki pura din maine kya kiya 😭

Itne din baad blog likhne baithi hu… sorryyy 🙈
Par kya karu… yeh mera favourite month hai 🌙
Main bas iske routine mein fit ho rahi thi. Sehri, office, iftaar, namaz… aur phir fatigue 😴
Ramadan ki thakan alag hi level ki hoti hai… manage toh sabko karna padta hai 💪✨

Ab jab mujhe kuch yaad karna hota hai na… toh main seedha gallery open karti hu 📱😂
Kyuki chahe kuch karu ya na karu… photos full bhari hoti hai meri gallery 😌
Aur wahi se yaad aaya…

Mujhe na iftaar ke baad craving hoti hai 🍟🤭
Khane se halak tak bhara hota hai… phir bhi dil kehta hai — aur khana hai 😭😂

Aaj Saturday tha 🎉
Full chuttiii ✨

Aur haan… ek interview ke liye maine finally reject kar diya ❌
Jiske liye itne din se confused thi.
Alhamdulillah 🤲 Div ke saath discuss karke at least right decision toh le rahi hu.

Allah 🤍 shukr hai aapka usse meri life mein bhejne ke liye.
Please mujhe hamesha uske saath rakhna.
Jab hum kisi se dil se mohabbat karte hai na… toh aap azmaish bhejte ho 🥺
Bas Allah… zyada nahi.
Halki phulki chalegi… main abhi nazuk kali hu 🌸
Abhi toh khilna shuru bhi nahi kiya maine 🥹

Iftaar ke baad plan bana — Saturday Market chalte hai 🛍️✨

Main aur meri dono sisters 💕
Aur yeh meri behan Kallo 😤😂
Iska alag hi nautanki mode tha — “mujhe nahi aana, tum log bas tp karte ho”
Half raste se hi gayab 😭

Aur meri Daraaksha bhaiiii 😭🔥
Shopping mein toh yeh bullet train hai 🚄
Har dukaan pe rukna.
Har cheez dekhna.
Full bazaar explore karna.

Aur meri darling bechari circle ke paas kab se mera intezaar kar rahi thi 🤍

Humne 2 bottle coke pii 🥤🥤
2 plate momos khaye 🥟🥟
Aur 10 baje ke baad tak full market explore kiya 🌃✨

Yes… itni raat tak market open thi 😳
Mujhe toh thoda dar lag raha tha… daant na pad jaye ghar pe 😭
Par woh shanti wali daant hoti hai na… jo 5 minute ki hoti hai 😌😂

Ghar aake 5 minute break…
Namaz ada ki 🤲
Fan full speed pe on 🌬️
Aur phir sab sanataaa… seedha neend 😴

Aaj wala din…
Yeh wali main… mujhe pasand aayi 🤍

Hasi thi.
Darr tha.
Decision tha.
Dua thi.
Family thi.

Alhamdulillah 🤲 for the people around me.
Shayad Ramadan mujhe tod nahi raha…
Mujhe bana raha hai. 🌙✨

🕌DAY51: Mai Badi ho gyi hu

 20-02-2026 | Ramadan – Day 2 🌙✨

Yeh saal ka Ramadan… alag hai.
Bilkul alag. 🤍

Pehle main bacchon jaisi hoti thi —
Khush 😄
Chill 😌
Befikr 🌸
Bas roza rakhna hai aur din nikal jaata tha…

Na zyada soch.
Na zyada bojh.

Lekin iss baar… dil heavy hai. Par saath hi saath thoda sa conscious bhi. 🌿

Maine koi special taiyaari nahi ki thi. Na shopping. Na list. Na goals.
Bas Ramadan aa gaya… aur main uske saamne khadi ho gayi.

Aaj shaam 5 baje jab office se laut rahi thi 🏢🚶🏻‍♀️
Traffic ka noise, logon ki bheed, thakan…

Tab achanak se ek feel aayi.
Bilkul seedha dil par. 💭

“Yaar… mujhe iss Ramadan bas ek accha insaan banna hai.”

Par accha insaan matlab kya?

Accha insaan matlab —
Jo kisi se jale nahi 🔥❌
Jo badla lene ka na soche ⚔️❌
Jo maaf karna seekhe 🤍
Jo har baat par roye nahi 😢❌

alee ladai tho mai bhul hi gayi yeh tho mera main tigger point hai. mujhe gussa control karna hai logo se bin faltu ki behas aur ladai nahi
Jo har situation ko samajhne ki koshish kare 🧠✨
Jo positivity choose kare, chahe andar toofan hi kyun na ho 🌊➡️🌸

Mujhe sirf duniya ke liye nahi…
Aakhirat ke liye bhi taiyaari karni hai. 🌙🤲

Iftar ka waqt aaya…
Kabab aur pav se plate bhar li 🥙🍞
Dil bhi thoda bhar gaya.

Video shoot ki 🎥✨
Namaz padhi 🤲
Tarweeh padhi 🕌🌙

Aur phir sukoon se so gayi 😴🤍

Aaj mujhe feel ho raha hai…
Main perfect nahi hoon.
Par main aware ho rahi hoon.

Aur shayad Ramadan ka asli magic yahi hai —
Woh tumhe ek better version banne ki khwahish de deta hai. 🌿✨

Now I’m ready.
Ready to live Ramadan…
Not just fast it. 🤍🌙

-safarnama

🪞DAY50: Day 1 of Ramadan

 19-02-2026 | Day 1 – Ramadan

Subah ka waqt tha. Sehri ki halki si roshni,  aur ghar ki woh sehri ka joosh sab mai jo sirf Ramadan ki subah mein hoti hai.

Main dastarkhan par baithi thi… saamne meri favourite Maggi rakhi thi. Haan, meri hi favourite. Par aaj maine use haath tak nahi lagaya.

Aaj maine thande chawal aur dal khayi. Chup chaap. Bina shor ke. Bina complain ke. Bina taste ke.

Aisa lag raha tha jaise andar koi janaza nikal raha ho. Khushi ka. Umeed ka. Ya shayad mera hi.

Abbu saamne the. Woh kuch bol nahi rahe the… par dekh rahe the.
Woh hamesha dekhte hain. Parents na, detectives hote hain emotions ke.

Unki aankhon mein sawal tha — “Kya hua?”
Aur meri aankhon mein jawab — “Bahut kuch.”
Par hum dono ne kuch nahi kaha.

Kabhi kabhi na… dil chahta hai koi bas gale laga le. Zor se. Itna zor se ke andar ki sari takleef cheekh kar bahar aa jaye. Aur woh sirf itna kahe —
“Main hoon na.”

Par shayad galti hamari bhi hai.
Hum kab unhe samajh paaye? Kab unke darr, unki thakan, unke sapne dekhe?
Jab hum unhe nahi samajh paaye, toh shayad hum yeh umeed kaise kar sakte hain ke woh humein poori tarah samajh lein…

Sehri halki thi. Dil usse bhi halka.
Maine niyat ki. Bas niyat.
Na namaz. Na durood. Na kitaab.

Aur phir main so gayi — mayus si.

Rozah shuru hua. Office ka routine shuru hua.
Din bhar main chalti rahi… kaam karti rahi… logon se baat karti rahi…

Shaam tak jaise meri battery automatically charge ho gayi. Mood on. Smile on.
Par raat ko jab akeli hui… ek realization ne dheere se darwaza khatkhataaya —

“Mere paas sab kuch hai… par main khud nahi hoon.”

Main kahaan kho gayi?
Woh ladki jo Ramadan ka pehla roza excitement se karti thi… jo sehri mein hasi karti thi… jo duaon ki list banati thi…

Main usse wapas chahti hoon.
Main khud ko wapas chahti hoon.

Shayad Ramadan marham isliye nahi lagata ke dard gayab ho jaye.
Shayad Ramadan dard ko saamne laata hai… taaki hum sach mein theek ho sakein.

Aur aaj ka sach yeh hai —
Main perfect nahi hoon.
Main toot rahi hoon thodi si.
Par main koshish karna chahti hoon.

Mujhe sirf ek cheez chahiye —
Na perfect life.
Na perfect log.

Bas yeh…
Ke main dobara se ek acchi insaan ban jaun.
Aur jab Allah mujhe dekhe, toh woh kahe — “Yeh meri bandi koshish kar rahi hai.” 🤍

🌙DAY49: BINA CHAND KI CHAND RAAT

 18-02-2026

Aaj ka din shuru toh bilkul usual hi hua. Wahi routine, wahi subah ki halki si neend bhari aankhen, wahi ghar ki awaazein. Sab normal.

Lekin jaise jaise din shaam mein badalne laga na… meri nazrein bas aasman pe tik gayi.

Dil se ek hi dua nikal rahi thi —
“oo pyare chand, Ramadan ke… jaldi milo.”

Bas ek jhalak mil jaaye. Main toh ready thi — poori list lekar. Socha tha jaise hi tum dikhoge, main seedha apni duaaon ki diary khol dungi — “yeh chahiye, woh chahiye… aur sab fatafat qubool bhi kar dena.”

Aaj aasman ka rang bhi kuch alag hi tha. Thoda narangi, thoda gulabi, thoda shaant. Hawa mein ek alag si raunak thi. Ek intezaar. Ek halka sa excitement.

Meri mummy toh alag hi mode mein thi. Itna zyada paise spend kar leti hain bina soche, lekin bargaining mein full expert.

Jaise hi main bus stop pe utri, peeche se awaaz aayi —
“Aapa!”

Lala tha.

Aur saamne kya scene? Mummy fruite wale ke saath full bargaining mood mein.
“Bhaiya itna mehenga kyun? Thoda kam karo…”

Main bas dekh kar muskura rahi thi. Ramadan ka chand chahe dikhe ya na dikhe… ghar ka Ramadan mood officially shuru ho chuka tha.

Lekin phir… chand nahi dikha.

Har jagah debate chalu.
Koi keh raha hai dikha.
Koi keh raha hai nahi dikha.
Koi Saudi ka reference de raha hai, koi allegations laga raha hai — “waha bhi confirm nahi hai…”

Sach kya hai, kya nahi — Allah jaane.

Par ek baat simple hai —
Humein kya?

Roza rakhna hai.
Niyat saaf rakhni hai.
Sehri ka intezaar karna hai.
Aur phir shuru karni hai ibadat.

Ab bas raat ka intezaar hai. Sehri ka alarm. Thodi si neend. Thoda sa sukoon.

Aur ek nayi shuruwat.
Roza.
Sabr.
Duaa.
Aur bahot saari ibadat. 🌙✨

🌸DAY48: The Day Spend with pain but full of memories..

17-02-2025

Naya week shuru. Monday ka din… aur iss baar Monday bilkul bhi boring nahi tha. Mast tha. Pura din jaise hawa thodi alag chal rahi thi.

Subah ka safar tha Haji Malang ki taraf. Upar chadte waqt thoda struggle, thoda paseena, thodi hasi. Aur jab wapas utar rahe the na, tabhi maine Adi ko bola —
“Yaar, phir se same jail…”

Woh hansa. Shayad use pata tha main kya feel kar rahi hoon.

Kabhi kabhi na, life bhi aise hi lagti hai — ek hi pattern, ek hi circle, jaise kisi chhote se pinjre mein ghoom rahe ho. Lekin phir yaad aata hai… jab mujhe iss “pinjre” se sach mein pyaar hua tha, tab tumne hi mujhe azaad kiya tha. Bahot baar mujhe yahi feel hua hai — ki shayad bandish utni buri nahi hoti, jab tak dil azaad ho.

Phir aaya Tuesday.

Subah ka scene — main bistar mein leti hui, aankhen aadhi band. Sabse pehle mission: check karna ki pairon mein kitna dard hai. Thoda sa… halki halki si jalan. Maine socha, “Arey theek hai, manageable hai.”

Full confidence mein ready ho kar office nikal gayi. Lekin dhere dhere… woh halki si dard ne apna asli roop dikhana shuru kiya. Pehle halka sa pinch. Phir tightness. Aur phir — bhaiii baap re! Halat kharab. Har kadam yaad dila raha tha ki kal ka adventure free nahi tha.

Lekin main bhi ziddi.

Dard ko aur dard dene ke liye — main walk pe nikal gayi. Haan, bilkul ulta logic. Par kabhi kabhi na, bhaagna solution nahi hota. Seedha saamna karna padta hai.

Walk karte karte maine Div ko call kiya. Thoda mann halka kiya. Thoda hasi mazaak. Thoda complain session. Aur jaise jaise baat hoti gayi, dard thoda side mein ho gaya.

Phir Adi se baat hui —
“Kitna maza aaya na…”

Aur sach mein, maza aaya tha. Dard ke bawajood. Thakan ke bawajood. Kyunki yaadein dard se badi hoti hain.

Aur aise hi… din guzarte rehte hain.
Kabhi jail jaisa feel, kabhi azaadi jaisa.
Kabhi dard, kabhi walk.
Kabhi complain, kabhi hasi.

Bas life… yohi bus aise hi chalti rehti hai. 🌸

-safarnama

🐒🐒🐒🐒DAY47: The First Trip of the Year(2026)

16-02-2026 — The Day That Will Stay in My Heart 🤍🌙

Subah ke 5:30 baje alarm baja ⏰ lekin sach kahun toh main soyi hi kab thi? 🌃 Puri raat aankhon ne bas band hone ka natak kiya tha 😔 dimaag mein ajeeb si bechaini thi — bina wajah, bina naam ke 💭🤍 kabhi kabhi lagta hai mujhe apni hi soch se azaadi chahiye 🕊️ Phir bhi main uth gayi, kyunki aaj ka din alag tha ✨ Maine black farshi salwar aur kamiz pehni 🖤 haathon mein silver ki 6–6 choodiyan ✨ grey sports shoes 👟 aur dark pink–black dupatta jisme chhoti chhoti latkanein hil rahi thi 💕 hair open 🌬️ Dress pyara tha… par uss waqt mujhe khud mein woh roshni mehsoos nahi ho rahi thi 🌫️ 6:01 a.m. par main nikal chuki thi 🌄 halki andheri, thandi subah 🌌 khali sadak 🚶🏻‍♀️ sirf main aur meri soch 💭 Main jaa rahi thi Haji Malang Dargah 🕌🤍 lagta hai Baba ne bulawa bhej diya tha ✨ Cash ki problem shuru ho gayi 💳🚫 PIN error, account freeze — subah subah hi test shuru 🧪 Phir bhi main pillar no. 21 ki taraf nikal gayi 🚏 auto se pahunchi 🛺 wahan Adi mil gaya 🖤 Royal Enfield entry hui 🏍️🔥 bilkul Kabir Singh vibe 😎 smooth ride, thandi hawa 🌬️ khula aasman ☁️ beech beech mein hansi 😄 safar khud hi khoobsurat ho gaya ✨

9:40 ke aas paas pahunch gaye 🕘 main excited thi 😍 par galat rasta nikal gaye — ropeway only 🎢 parking ke paise waste 💸 Neeche marketing shuru aur maine 500 ki 2 chadar le li 🧕🏻✨ phir steps shuru 🪜 dhoop tez ☀️ heavy bag 🎒 2 litre paani 💧 saans tez 😮‍💨 chakkar jaisa 🌀 ek pal laga shayad nahi pahunch paungi par dil se dua nikli “Ya Haji Malang, apne darbaar tak pahucha do” 🤲🏻 Durood Shareef padhti rahi 📿 ruk ruk kar chadhi, Adi ne bag aur shoes le liye 🤍 aur phir… main pahunch gayi 🕌✨ Alhamdulillah 🤍 Gumbad dekhte hi waqt ruk gaya ⏳ aankhon mein sukoon 🕊️ dil halka 🤍 Namaz padhi 🤲🏻 Surah Yaseen 📖 thoda rest bhi kiya 😴 4:30 par phir dargah gayi 🌤️ nafl aur shukrana ada kiya 🤍 Dua mangte waqt dimaag freeze — “Allah maangu bhi toh kya? Sab kuch toh hai” 🤍 bas yahi maanga ki sab hamesha khush rahein 🌸 Ameen 🤲🏻

Phir 5 Peer ki mazar ki taraf nikle ⛰️ bandar dekh kar main ruk gayi 🐒 thoda darr laga 😅 woh teen chale gaye aur main network pakad kar baithi 📶🚫 messages bhi nahi ja rahe the, bas yahi dua thi ke sab safe wapas aa jayein 🤍 5:40 par woh wapas aa gaye aur jaan mein jaan aayi 🤍 Neeche cigarette scene 🚬 aur main pahadon ko dekh kar aasman se baatein kar rahi thi 🏔️☁️ overthinking mode on 💭 kuch mahine mujhe badal gaye hain 🌫️ pehle mohabbat zyada thi, ab anxiety aur thakan 😔 mujhe present mein jeena hai 🌿 aankhon mein aansu the par gira nahi 🥹 shayad Baba ko mera tootna pasand nahi 🤍 Aakhri salaam diya 🕌 nazrein hat hi nahi rahi thi, dil mein bas yahi tha — “Phir bulaiyega” 🌙 Utarte waqt haathon mein paseena 🤲🏻 Adi ne help ki 🤍 neeche network aaya 📶 aur meri bak bak shuru 😄 wapas bike ride 🏍️ baal khol diye 🌬️ hawa ke saath khud se milna 🤍 Aaj ka din sirf ek trip nahi tha ✨ yeh meri rooh ka safar tha 🕊️ Main shukr guzaar hoon 🤍 Alhamdulillah 🤍 aur agar phir bulawa aaya… main zaroor aaungi, Inshallah 🤲🏻🤍 grateful for the 3 monkeys 🐒🐒🐒 Allhumdullilah 🤍 — safarnama ✨🌙🤍

🤍DAY46: A DAY SPENT IN CONFUSION.....

15-02-2026 | Sunday Storytime 💭✨

Hiii… welcome back to my another storytimeee.
Ya phir bolo — ek aur din jo kahani ban gaya.

Sach bolun? Zindagi hi kahani hai… nahi nahi… kahaniyon se meri zindagi hai.
Aur jab main kabhi is duniya se jaungi na, chahe log saath ho ya na ho… unki yaadein mere saath meri kabr tak zaroor jayengi. Acchi wali. Dil se wali. 🤍

Aaj Sunday tha. Main chah rahi thi ki yeh Sunday mast mast jaaye… woh bhi fast fast.
Lekin dil ke kisi kone mein ek aur cheez chal rahi thi…

Kal raat se ek message ka intezaar.
The confirmed plan. 👀

Haan haan… wahi plan.
Main, mere do friends… aur yes yes… boys.
Meri kismat bhi na ajeeb hai. Jo cheez casually maang leti hoon, Allah turant de dete hain.
Lekin jis cheez ki dil se tamanna ho… wahan bas intezaar.

Allah aap bhi na…
But still — I love you the most most most. 🤲🏻❤️

Main usual mode mein — bina nahaye, chill karte hue.
Aur mummy? Full kaam mode ON.

4:30 pm pe hi cooker ki seeti.
Main: “Yaar Sunday ko bhi sukoon nahi milta kya?” 😩

Tabhi mummy ki friend aayi — kitty party invitation.
Obviously mummy ready.
Phir aunty ne bola — “Tum bhi chalo.”

Main andar se: NEKI AUR PUCH PUCH? 😌

Bahane se bola — “Main nahayi nahi hu…”
Seedha haan bolna risky tha.

Par ullu banana?
Arey usmein toh main maha expert hu. 😎

Aur bas… ready ho gaye free ki chai aur samose ke liye!

Full fast train speed mein ready.
Black full sleeves T-shirt.
Track pant.
Open hair.
Socks. Shoes.

Aur main?
Heroine mode ON. ✨

Iss poore din mein Sid ka bhi thought aaya.
Haan, woh mere friend ka friend.

Usne mushkil time mein help ki thi — uske liye thankful hu.
Lekin mere friend banne ke liye?
Abhi bhi thodi mehnat baaki hai. 

Main sawal bahut karti hoon.
Nakhre bhi.
Aur haan… main thodi ziddi, thodi irritable hu.

Shayad isi wajah se kuch log mujhe pasand nahi karte.
But main main hoon. Aur mujhe fake banna nahi aata.

Shaam ke around 6 baje…
Adi ka call.

Aur bas — woh plan…
Jiska wait New Year se tha…
Finally confirm.

“Kal subah 6 baje. Bike se.”

Bike.
Morning ride.
Wao wao wao. 😳✨

Dil khush bhi.
Thoda nervous bhi.

Main walk pe gayi Daraksha ke saath — socha kuch kharche kar lenge.
Par Daraksha ke saath ho toh unnecessary kharcha impossible.

Usko momos craving thi.
Par shop band — Mahashivratri ki wajah se.

Toh pani puri kha kar wapas.
Happy Mahashivratri by the way. 🙏🏻✨

Plan confirm ho gaya.
Par meri feelings kab seedhi hoti hain?

Gol gol.

Excitement bhi.
Dar bhi.
Bechaini bhi.

Main kabhi sirf boys ke saath trip pe nahi gayi.
Shop pe kaam kiya hai alone girl banke…
Par ghoomna?
Woh alag hota hai.

Raat ko neend hi nahi aa rahi thi.
3 baj gaye the.
Shayad sirf 1 ghanta ya aadha ghanta hi soyi hongi.

Dil bas yeh keh raha tha:

“Kal kya hoga?”

Exciting?
Ya awkward?
Ya unforgettable?

Aur bas…
Yeh tha mera Sunday.

Kal subah 6 baje bike ride hai.
Neend kam hai.
Par adrenaline high.

Good night…
Take care…
Aur dua karna — kal ka din kahaniyon mein add hone layak ho. 💫🤍

🛌DAY45: I did nothing Today...

14-02-2026

Abb kal boss toh full khush the—daru peeke wahhhh 🍻😂. Aur isi nashe ka fayda uthate hue maine bhi chutti ki maang kar li 😌. Aur phir kya… Qubool hai ho gaya 💍. Aur ek aur Qubool hai bhi ho gaya—woh aapko kal ya parson pata chal hi jaayega 😏✨.

Waise roz-roz subah uth uth ke meri ek nayi habit ban hi gayi hai—jaldi uthne wali ⏰. Matlab max 10:00 a.m. tak toh main uth hi jaati hoon. Haan, kuch logon ke liye yeh late hoga, par mere jaise aalsi logon ke liye yeh bahot badi achievement hai 🛌🏆.

Uth kar sirf 1 hour maine full TP kiya 😵‍💫. Aur jabki rule hai ki subah uthte hi phone use nahi karna chahiye 📵… phir bhi maine wahi kiya—phone chala liya 📱🙈. Sabse pehle Valentine’s Day wish kiya apni 4lyferz ko 💌. Woh 3 girls jo literally mere dil hain 💕.

Uske baad main, mummy aur lala milkar cockroach maarne lage 🪳⚔️—kyunki itne zyada ho gaye the ki ghar ka kitchen aur poora ghar lag raha tha jaise tufaan aa gaya ho 🌪️. Ghar ka kaam dekh kar mujhe waise hi bahot ghabrahat hoti hai 😰. Toh main phir bas phone chalate-chalate so gayi 😴.

Aur aankh khuli… seedha shaam ke 5 baje 😳. Wahh! Aisi hoti hai meri chhutti. Dekh lo—main aaj nahayi tak nahi hoon 🚿❌. Itna sone ke baad headache hona toh fix hi hai 🤕. Na koi kaam, na koi plan.

Phir yaad aaya mujhe cash lene tha 💸. Toh main chali ek chhoti si walk par—metro station tak 🚶‍♀️. Upar se hi cash nikaala, aur jab wapas aa rahi thi… tab mujhe meri ek friend mil gayi 🥹✨. Hum sirf ek month ke liye saath kaam kiye the, bas Insta ID share ki thi, aur phir aaj achanak mil gaye—aur officially friends ban gaye 💬💞.

Sach bolun?
Usse milkar bahot accha laga 🌷.
Poore din ki laziness, headache, mess… sab thoda sa light ho gaya.
Shayad life chhoti-chhoti random meetings se hi cute banti hai 💫🫶.

-safarnama.

🫶DAY 44: A Day where I Feel Special....

13-02-2026

So, baat kuch aisi hai ki main kaafi dino se ek confusion ke saath jee rahi hoon—job chhodun ya isi job mein rahi jaun. Reason bahot saare hain, par pareshani  yeh hai ki un reasons par main khud bhi clear nahi hoon. Kabhi lagta hai valid hain, kabhi lagta hai bas overthinking. Haan, maanti hoon, main thodi stupid bhi hoon—kyunki main bahot jaldi impulsive ho jaati hoon. Par phir bhi, I accept myself. Jo hoon, jaisi hoon, wahi hoon. Aur haan, I promise myself—main apna better version banne ki poori koshish karungi.

Is confusion ke beech maine ek strong decision le liya tha. Maine soch liya tha ki 13-02-2026 mera last day hoga office ka. Monday se nayi jagah, nayi shuruaat. Khatam. Tata. Bye-bye. Full dramatic exit.

Par sach kahun? Jab hum dimaag se soch rahe hote hain na, tab dil beech mein aa jaata hai. Aur phir sab kuch gadbad ho jaata hai. Aaj bhi wahi hua.

Aaj, is bhagam-bhag ke din mein, kisi ne mujhe special feel karwa diya. Boss ne introduce kiya. TL ne introduce kiya. Lunch ke time log bol rahe the, “Yeh boss ki ladli hai.” Chhoti-chhoti baatein hui, par un chhoti baaton mein itna pyaar tha ki mujhe laga—yeh log mujhe sirf employee ki tarah nahi, balki apne bachche ki tarah dekhte hain. Office mein har kisi ka behaviour aaj alag hi tha mere liye. Warm. Soft. Real. Roz bhi hota hai but aaj jyada hi hogya

Aur phir mera decision?
Wahi ka wahi. Main abhi bhi confused hoon. Abhi tak kisi last conclusion par nahi pahunchi hoon.

Isliye shayad ek hi solution hai—khud ko thoda aur time dena.
Market mein opportunities bhar-bhar ke hain. Par mujhe apni energy stress mein waste nahi karni. Mujhe apni energy lagani hai—khud ko improve karne mein, naye skills seekhne mein, naye concepts samajhne mein. Sabse zyada zaroori—khud ko dhoondhne mein.

Main kaun hoon?
Main kya chahti hoon?
Mujhe zindagi se actually chahiye kya?

Main hamesha kehti thi ki mujhe mood swings nahi hote. Kyunki mujhe “ladka banne” ka bada shauk tha—strong, practical, no emotions. Par aaj main proudly kehti hoon—
I’m a girl. A corporate lady.
Aur haan, mujhe mood swings hote hain.
Kabhi-kabhi main galat decisions bhi leti hoon.
Main ladti hoon.
Main confuse hoti hoon.

Aur shayad… yehi toh insaan hone ka sabse real part hai.

-safarnama.

😋DAY43: mY fOOD dAY..

12-02-2026 ✨

I can’t believe how fast time is moving ⏳💨 Almost half the month is already gone — just like water slipping through our hands 💧🤲 No matter how tightly we try to hold it, it flows away… because that’s its nature. And maybe we just have to accept that 🌊

Today was one of those slow, lazy, “doing nothing but still doing everything” kind of days 😌

Honestly… I did nothing productive 🙃
I just ate. And ate. And ate again 🍽️😂

Afternoon started simple — patti samosa 🥟✨ crispy, flaky, warm… that perfect crunch in the first bite 🤌 And rice 🍚 comforting and filling, like a proper desi lunch.

But evening? Evening turned into a full emotional food festival 🎉🍴

First came the nostalgic cake 🎂💛 — soft, sweet, full of memories in every bite. Then vadapav 🌶️🍔 — spicy, chatpata, pure Mumbai vibes 😍 After that Chinese bhajiya 🥢🍘 crispy and tempting… and then pulao 🍛 (half plate only because stomach said “bas karo” 😭😂).

And just when I thought I was done… laddu appeared 🟡😋
Because why stop when you can complete the sweet ending? 🍬✨

At that point it wasn’t even hunger… it was mood 🥹 It was comfort. It was just filling something inside.

Later, bus mai khud hi soch mai 🚌💭, lost in my own thoughts… I slowly drifted into sleep 😴🌙

No big achievements today.
No dramatic moments.
Just a day full of food, feelings, and time slipping quietly by ⏳💫

Some days are productive 💼
Some days are powerful 💪
And some days are just about eating your heart out and letting life flow 🌊❤️

And maybe… that’s okay too 🤍

BY- safarnama..

📓DAY 42: mAI AUR Mera PyAAR🙈

Good Night… par dil abhi jaag raha hai 🌙💭

Good night… chalo so jaati hoon. 😴
Bin kahani sunaye.
Par mere dil ke kareeb ek shakhs ko chain kahan… 💌
Tumne aaj ka blog post nahi kiya… uff hayeee. 🙈

I’m in love. 🥹❤️

Jab main udaas hoti hoon na, toh bas usi ko yaad karti hoon… aur phir smile — oooo bhaaiii — full aa jaati hai. 😌✨

Agar tum mujhe full gusse mein dekhna chahte ho, toh subah 7:30 se 8–9 ke beech milna. ⏰😤 Tum bas kehte rehna, main kuch nahi bolungi… kyunki main ja rahi hoon uss kaam par jo mujhe bilkul pasand nahi. 🛤️💼

Aur wahi main…  bus se utar kar public bridge par, sad sad khadi thi. 😔 Aur maine bas usse yaad kiya.

Tu hi, tu har jagah aaj kal kyun hai… 🎶Itna main apna kahun na kisi aur ka,Aisa mere khuda kyun hai… 🤍

A friend can change everything. 🌍 Allah usse har woh cheez de.
Love you — everyday and night. 🤲💞

Aaj subah 7:20 uthi, alarm ki irritating awaaz se. ⏰😵‍💫
Phir snooze. Phir 7:30. Phir socha — office jaakar kaunsa main koi bada teer maar lungi?

Isliye ek message drop kar diya: “I’ll come by 11:30 a.m., visiting doctor.”  Jhoot. Jhoot. Jhoot. 😌

But honestly, mujhe farak nahi pada. Bas iss kaam se thoda door jaana tha. Last 8 months se same kaam, same routine, same thakaan. 🌀

Learning? Bahot kam. Environment? Bahot confusing.
Log? Bahot alag-alag.

Aur main? Main kuch aur chahti hoon. Zerodha.Groww,Angel One.

Ya phir seedha merchant banking — JP Morgan, BlackRock, Deloitte… 😮‍💨🔥

Haan, paisa bhi chahiye. Aur haan, main mehnat bhi karungi.Full dedication. Bas aur sales nahi yaar. 💔

Yeh final decision nahi hai.Abhi main khud ko observe kar rahi hoon. Apne aap ko. Apne environment ko.Apni thakaan ko. 

Waise… shayad main Monday ko Haji Malang ja rahi hoon. 🕌✨
I’m super excited.
Is this what life is?
Starting? 🌄

Ai zindagi… Allah ne mujhe tumhare paas bheja hai, par please life ka paper itna hard mat rakhna. 😭📄Aur achhe log bhejna meri zindagi mein,kyunki main thodi bad hoon. 🙈

Tumhe rule yaad hai na —
opposites attract.
Main bad hoon, tum good log bhejna. 🤍

Blog bada ho raha hai… isliye bye bye. 👋 Kal milte hain, Inshallah, agar main zinda rahi. 🌙🤲

Kyunki sach mein… main jeena chahti hoon. 🌱❤️

💌DAY41: I UNLOVE YOU...Zara & Keshav

10-02-2026

Khumno (Hi)… Say Khumne (Hello) 

Aaj ka din shuru bhi aapke didaar se hua, aur khatam bhi aapki yaad se. 💭
Socho, socho… kaun ho sakta hai? 👀The well-known writer — Chetan Bhagat ji. 📚✍️

Maine 2024 mein unki ek book padhi thi — The Girl in Room 105.
Aur sach bolun toh, yeh meri zindagi ki pehli aur shayad ek lauti novel thi jo maine poori padhi. Sirf 2–3 din… max ek week ke andar khatam kar di thi. ⏳💨

Aur ab 2026 mein… maine wahi book dobara padhi. Nahi, maine usse padha nahi — maine usse phir se jiya. 💔➡️❤️

Yeh book mere dil ke bahot kareeb hai. 💛 Itni kareeb ki main sirf story yaad nahi karti, main uske characters ko mehsoos karti hoon. 🫶

Especially Keshav. The loyal man. The pure soul. The one who loved too deeply. 🥺🤍

Agar poori story sunni ho toh bataungi… Par abhi main kisi ko bore nahi karna chahti. 🙈

Bas itna kahungi — jab last mein Keshav ne kaha: “I unlove you”…
main woh line dobara padh hi nahi paayi. 😭

Ek ghante tak royi. Sach mein royi. 🕯️💧

Sochti rahi — yeh kaise ho gaya? Zindagi itni mushkil kyun hoti hai? 😔 Parents itne strict kyun hote hain? Aur unki wajah se hum kabhi-kabhi galat raaston par kyun chale jaate hain? 🛤️

Story mein toh baat yahin tak nahi ruki… Zara ka murder ho gaya. 😶‍🌫️🔪

Ek love story, jo mystery ban gayi. Ek relationship, jo tragedy ban gayi. 💔🎭

Sach kehun toh, likhne mein bhi ek kala hoti hai. Aur woh kala Chetan Bhagat ji ke paas hai. ✨🖋️

Mera mann karta hai na, main sach mein Keshav se mil jaun aur usse bas itna keh doon:
“Tum bahot achhe insaan ho.” 🥹🤍

Love from Safarnama. 💌 Kaash hum mil sakte. 🌙

Kehte hain na — kahani toh kahani hoti hai. Par kuch kahaniyaan dil ko baar-baar chhoo jaati hain. 💞

Yeh kahani ne bhi mujhe na jaane kitni baar chhua hai. Kitni baar maine isse yaad kiya hai. Aur hazaaron logon ko recommend kiya hai: “Yeh book zaroor padhna.” 📖✨

Bas ek baat aaj bhi dil ko chubhti hai — Keshav ko “I unlove you” nahi kehna chahiye tha. 💔Kya pata Zara, uske efforts dekh kar, phir se pyaar karne lagi ho? 🥺🌸

Ab mere liye is story ka sabse important part yeh nahi hai ki story kaise khatam hui… Balki yeh hai ki maine isse kya seekha. 

Maine story enjoy ki, haan. Par thoda-thoda samjhi bhi: zindagi kya hoti hai. 🌍

Hum log milte hain. 🤝 Phir bichhad jaate hain. 💔 Kuch move on kar jaate hain. 🚶‍♀️
Aur kuch… ussi point par khade reh jaate hain, bas ek reply ka intezaar karte hue. 📱⏳

Aur haan — iss story ka soul sirf Keshav nahi tha. Saurabh bhi tha. 🫂

Aisa dost, jo har second Keshav ke saath khada raha jab woh completely toot chuka tha. 🤍🛡️

Main bahot royi hoon is kahani ke liye. 😭 Par aaj main bahot happy hoon. 😊✨

Shayad isliye kyunki kuch kahaniyaan hume todne nahi, hume zyada insaan banane aati hain. 🌙💛

Maine bina kahe hi saare characters reveal kar diye. 🙊Sorry agar bore ho gaye ho. Aur thank you agar tumne
mera dil padha,
mera dil suna. 🫶

A big hug. 🤗
Safarnama 🌙

🫥DAY40TH: A MONDAY AGAIN

 09-02-2026 📅

Hii, I’m back again… sorry for not being consistent and not posting the proper blog. Kya karu, corporate majdur jo hoon, and Monday ka din mere liye hamesha hectic hota hai, because mera office jaane ka bilkul bhi mann nahi karta. 😮‍💨💼

Wahi roz-roz wala din — office, ghar, phir ghar aakar bas chill kiya. 🛋️📱 Aur honestly, kuch khaas hua hi nahi. Bas ek normal sa din, jisme main zyada jee nahi paayi, sirf survive kar rahi thi. 🌫️

💻DAY 39: Just Me, My Laptop, and an Unfinished Feeling 💭

08-02-2026

The time was 8:26 p.m.
I'm sitting with my laptop, tears quietly sitting in my eyes, and my mind busy searching for reasons that didn’t even exist.

Yes. Officially, by now we were supposed to be at a wedding. But we cancelled it.
And the funny part? Even I don’t know the real reason behind it. Everyone has their own versions, their own excuses, but inside me — it’s just blank.

So here I am, with tears and a strange kind of aggression. The kind where I don’t want to break things…  just want to scream. Shout. Run. Run very far, so far that no one can find me. And honestly, at this moment, I don’t even care if anyone looks for me or not.

I don’t want answers.
I don’t want explanations.
I just want this heaviness to leave my chest.

So that’s it for today.
A day that ended without happening.
Just me, my laptop, my tears — and another unfinished feeling.

Bye.

🌤️DAY38: A SATURDAY:One small thing for you (not part of the story)

07-02-2026 📅
A Fresh Day, A Rest Day 🌤️💭

I woke up at 9:25 a.m., thanks to my brother — because today was his farewell. And we all know, farewell days are always special. 🎓✨ Maybe we forget many things with time, but somehow, the pictures of this day always stay fresh in our minds. 📸💫

I still remember my own school farewell. Honestly, our school did a lot of julm on us. 😅 We had a half day, came back home tired, and then again had to get ready and go back around 4 p.m. I’m from a Sikh school, so just like Muslims have Quran khani, our school also had a similar tradition. 🙏 Around 10–12 students would sit together, pray, and seek blessings. I think even the school cared in its own way — that we pass, score well, and do something good in life. 🌱📚

That day, everyone looked so beautiful. Girls were dressed differently, each in their own style, and boys in blazers — wahhh, it was such a sight. 😍 I wasn’t even that serious about getting ready, but everyone else looked so perfect, it felt like a movie scene. 🎬💛

Coming back to today, I helped my brother get ready. I handed him his phone and told him, “Bahot saari pictures lena, okay?” 📱😌 But as usual, he barely clicked any. No videos, no memories properly captured. Typical. 😒

And then, like always, the same argument. Same topic. Same people. Same words. I was so tired of it. My eyes filled with tears, not even because of the fight — but because of how people think, how they talk, how they judge. 💭💔 Sometimes I just feel like running away from everyone. But even if I run, I know I’ll still carry all these thoughts with me. 🛤️😞

Trust feels like a word that has lost its meaning. People change — everyone does. Even the ones who say they won’t. 🌫️

So my days go like this. Fighting with people. Fighting with my thoughts. Fighting with myself. 😮‍💨 Mood off since morning, and just like that… the day ended. Nothing special. Just another day that felt heavy for no clear reason.

A fresh day. 🌤️ But somehow, also a rest day — from pretending everything is okay. 🖤

✍️DAY 37: Office se acchi Sham hai

06-02-2026 | 🌙

It’s 1:02 in the night, and I’m doing my favourite thing—writing ✍️
But before this, I was lost inside a book 📖 An Unlove Story – The Girl in Room 105. The same book I read back in January 2024. Still, it felt new, like I was meeting an old friend after years 💭

Keshav, Zara’s ex-boyfriend, traveled from Kashmir to Pakistan and back to India 🌍, trying to find out who murdered her. And in the end, the biggest shock isn’t even the murderer—it’s the realization that Zara had moved on so easily. She never missed him the way he missed her 💔 That part always hits a little too close to the heart.

I already knew the story, yet when I found the book in my office library some days back, something inside me said—I want to live this again. Not just read it, but feel it again 💫 Maybe that’s why I recommend it to everyone. Sach mein, ek baar padhlo… you’ll get it.

Before all this, I had gone for a walk 🚶‍♀️
First, I spoke to Adi. He’s going through some family issues these days and keeps calling me. Shayad usse bas koi chahiye jiske saath woh baat kar sake 🤍 So I listen. I don’t say much.

Then I called Div 📞 I had a story to tell, and I needed some motivation too. Baat karte karte, I took a new route—one I had never taken before. And surprisingly, around 8:30–8:40 p.m., I found a garden… open 🌳✨ At night. I was shocked. I’m pretty sure this is the only one in our area. Bahot maza aayi jhula jhulne mai 😌

And just like that, I found a new adda 💚
It felt nice. Even while coming back, the walk felt different—lighter, calmer 🌬️

Next time, I want to try going for a walk without my phone 📵 Just me and my thoughts. Give myself some real time. But then again, I’m scared—kahin zyada hi na soch loon 🌀

Tomorrow is Saturday, and honestly, I’m so, so happy 🥹 After a long time, I finally get to sleep properly 😴 Do things I actually want to do. That kind of happiness that sits quietly in your chest 🌼

Although right now, that same chest is hurting a little. Acidity, maybe. A strange burning pain 🔥
But it’s okay.

It’s late.
Time to sleep 🌙

Good night.
Allah hafiz 🤍✨

🚶‍♀️DAY 36: fiNALLY I'M oN tRACK.

 

05-02-2026

Finallyyy aaj main true day par blog likh rahi hoon… matlab ekdum perfect day par 😌✨
Aur honestly, itna aasan bhi nahi tha. Ek bhi din walk par nahi gayi, par calls par itne steps complete kar liye jaise gym ka quota office mein hi ho gaya ho 📞🚶‍♀️

Aur haan, mujhe ek naya adda bhi mil gaya hai.
Pata nahi kitna safe hai ya nahi, par phir bhi main wahan chali jaati hoon 🙈
Mujhe uss raaste se jaana nahi chahiye, par phir bhi jaa hi leti hoon. Acchi jagah hai baat karne ke liye — thodi si meri wali space 🌿💬

Abhi 9:25 p.m ho raha hai ⏰
Mere chhote se ghar mein 7 log hain — matlab ab sab ghar par hi hain.
Aur ghar itna zyada ganda hai ki agar koi aa jaaye toh bole, “Baap re baap!” 😭🧹

Maine apni dress mast fit karwa li hai 👗✨
Aur main full khush hoon, shor-sharabe ke beech baith kar blog likh rahi hoon 😅
Chaos ke beech bhi apni duniya bana li maine.

Ab mujhe sach mein lag raha hai ki kal se main kuch accha-accha likhungi 🤍
Aur ek baat bataun — last year maine Chetan Bhagat ki ek book padhi thi The Girl in Room 105 📚
Usko maine har kisi ko recommend kiya tha, aur ab second time phir se padhne ka mann ho gaya.
Toh maine apne office ki library se mangwa li 😌
Yes, I’m using the library of MO — jo office ke bench tak aa kar book lene aur dene aate hain. Mast hai na? 😎📖

Aur ek aur nayi cheez jo maine  start ki —
newspaper padhna 📰✨
Wahh, kuch naya toh hua finally.  😌

🕚DAY 35:THE LATE ME

04-02-2025

So as planned yesterday, aaj main office late-late pahunchi 😌
8:30 a.m ki office hoti hai, aur main reached at 11:00 🕚
Mere calculation ke hisaab se kal hum jaldi aaye the, toh aaj late nikalna toh banta hi tha na 😏
Par boss logon ka logic alag hi hota hai — mar-mar ke kaam karo, phir bhi expectations full on 💼😮‍💨

Par chalo, itne bhi kharab boss nahi hain… iss baat ka shukar hai sach mein 🤲
Thoda bahot TP hum karte hi hain, toh sab chalta rehta hai 😅

Office aaye hain toh kaam toh karna hi padega — wahi boring routine, wahi same kaam, bas din nikalna hai 📞📊

Lekin shaam… meri shaam badi mastani thi 💖
Maine Div se baat ki, aur bahot accha feel hua.
Sach mein, I’m in love 🥺✨
Dil bilkul halka ho gaya, mood ekdum fresh 🌸

Ghar aakar turant khana khaya, aur phir ammi ke saath ek plate mein biryani 😋🍽️
Bahot tasty thi, dil se accha laga. Aisa laga jaise poore din ki thakaan thodi si kam ho gayi ho 🤍

Phir laptop on kiya 💻
Apne saare pending blogs — itne saare — finally complete kar diye 💪
Aur sabse best kaam jo maine kiya:
4 letters mail kiye, for the first time 💌✨

Aur ab maine decide kar liya hai —
main har month likhungi, Inshallah 🌙🤍 chalo Byee 

😏DAY 34: I wake up at 6.00 a.m

03-02-2026

Good Morning Everyone!! ☀️
Aaj ki subah meri thodi si alas ke saath shuru hui. Bina nahaye hi main nikal padi gym ke liye — humari company ka advertising karne 💼📢. Dil mein hope thi ki shayad kuch leads mil jaaye.

Subah-subah jaise hi main shoes balcony mein pehen rahi thi, toh dekha 8th–9th standard ke bacche ready hokar school ja rahe the… including mera lala (my brother) 🎒👦. Tab achanak dimaag mein aaya — agar yeh log roz uth sakte hain, toh main kyun nahi? Mujhe bhi har roz uthna chahiye, gym jaana chahiye, chill job karni chahiye full charge hokar 🔋✨

Phir kya, sabko salaam karke, Allah hafiz bolkar main nikal gayi andheri raat mein, andheri si gali se 🌃. Wahi Kir (my colleague) mera wait kar rahi thi. Dil se thanks to her — seriously, she came just to help me out 🤍. I just loved that.

Late hona toh obvious tha. Bina khaye-piye hum bas bhaagte rahe. 6:30 ka timing tha, aur hum pahunche 7:05 😅. Par chalo, phir full josh mein brochure lagaye, flyers nikale, aur main shuru ho gayi apni advertising 💪📄. Wahh maza aa gaya! Leads bhi target ke hisaab se mil gayi. Matlab party toh banti hai 🎉😌

Khush hokar hum dono office ki taraf nikle, par maine plan bana liya tha — 1 ghanta TP karke hi jaungi 😏. Toh hum gaye naasta karne. Mujhe postcards chahiye the, isliye post office gayi, par sab khatam ho gaye 💔📮. Thoda sa hurt hokar bahar nikli.

Mood already on tha, toh socha kuch accha hi khaya jaaye. Maine masala dosa order kiya, shoes nikaale aur bench par pair fold karke mast khana shuru kar diya 😋🫣. Sharam toh mujhmein hai hi nahi, par mere saath wale sharma jaaye. Poora scene gaon jaisa lag raha tha — simple, mast, peaceful 🌾✨

Yahan tak sab perfect tha.
Par office jaate hi sab normal ho gaya — wahi calls, wahi dialogues, wahi same din 📞😮‍💨. Shaam tak main full thak gayi. Ab plan hai ki kal office thoda late jaungi ⏰😴

Aaj Shab-e-Barat bhi thi 🌙, lekin meri naseeb mein nahi… main jaag hi nahi paayi. Allah mujhe maaf kare 🤲, par Ramadan mein pakka acche se karungi. Full ibadat, full on — Inshallah 🌙🤍

🔢DAY 33: HANGOVER

02-02-2026

Aaj date dekhi toh sab numbers even-even the — 2-02-2026. 🔢
Mast coincidence hai na? 😌 Pata nahi kyun, par mujhe laga iss saal mein kuch toh alag baat zaroor hogi. Same maine aur Div ne bhi yahi discuss kiya 🤝✨

Par haan, reality check bhi saath-saath free mein mil gaya. 😮‍💨
Month ka first Monday tha… wahi routine, wahi office jaana. 🏢 Upar se kal Sunday ko bhi office thi, budget ke chakkar mein. 📊 Weekend naam ki cheez bas calendar mein reh gayi hai. 📅💔

Kal shaam thoda sa rebel mode on ho gaya. 😎
Office ke baad main nikal gayi ghoomne, bilkul awara ban kar. 🚶‍♀️🌆 Par uska hangover aaj poore din tha — body bhi thaki hui, dimaag bhi. 😵‍💫 Office mein itna low feel ho raha tha jaise battery 5% par chal rahi ho. 🔋 Aur icing on the cake — meri TL ki visit thi. 😬 Matlab full system crash. 💥

Sach bolun toh ab toh dil se lagne laga hai: I’m hating this job. 💼❌
Itni mehnat, itna pressure, aur salary? Peanut money. 🥜
Kabhi-kabhi lagta hai main kya hi kar rahi hoon apni zindagi ke saath. 🤯 Samajh hi nahi aata aage kya karna hai.

Phir socha, chalo… life hai, jeena toh padega hi. 🌱
Toh daant bhi kha li thodi si, 😔 kaam bhi kar liya jam kar, 💪 fake smile bhi laga li. 🙂

Shaam ko ghar aayi toh lag raha tha jaise poora din mujhe nichod ke rakh diya ho. 😩
Itni zyada thakaan thi ki bas bed dikha aur main seedha so gayi. 🛏️😴
Kal subah phir 6 baje uthna hai… ⏰🥲

Adulting ka ek aur episode successfully survive kar liya. 🎬🫠

💛DAY: 32: hELLO FEB

01-02-2026

Hii February, this is me — Safarnama.
Aaj main tumhara official welcome kar rahi hoon pure 5 din baad 12: 06 am ko adhi raat mein. Sach bolun toh yeh saara drama Nilu Didi, humari Finance Minister ki wajah se hua hai. Budget bhi Sunday ko hi rakhna tha na! Isliye poora routine idhar-udhar ho gaya. Uff. Main toh Saturday ka bhi besabri se intezaar kar rahi hu ki apne sare kaam karungi aur chill bhii aur yeh Sunday bhi aaram nahi milega Q ki  shaadi mein jaana  hai.

Phir maine socha, khud ko happy karna hai toh hum khud hi kar sakte hain. Office toh waise bhi jaana hi hai, toh kyun na thoda ready ho kar, full ghoomne wali vibe mein jaaun — taaki office ka feel hi na aaye. Aur haan, lunch toh office mein Gujarati tha, new food try karne ka full mauka. Maine teen puri li, mixed vegetable wali sabzi( undeo), ek cheez thi gujiya jaisi jisme matar ki filling thi (naam yaad nahi aa raha), aur saath mein bhar ke gajar ka halwa. Wahhh, full mast!

Dekho na,  pehle khane ki baat karne lagi jabki lunch toh 2 baje hua tha. Subah se bas chill mode tha, main wait kar rahi thi 11 baje ka — Nilu didi aaye aur “khush news de” . Dil se ek hi dua thi ki economy mast chale, duniya ko takkar nahi, seedha tod ke first aaye, aur trading pe tax bilkul na lage.

11 baje sharp budget shuru hua. Main pen leke full notes bana rahi thi. Sab kuch theek lag raha tha, market bhi almost 300+ tha. Phir achanak ek news aayi — futures and options par STT charge change( increase). Bas phir kya… market gir gaya. Pehle 800 points, phir 1000, phir 2000, aur end mein almost 1500 points pe close. Koi sauda nahi, bas sanata. Jo log volume laate hain unke saath itna zulm kyun? Dil se hope karti hoon kuch zyada bura na ho.

4:50 pe office se nikli, phir Adi ke saath Bandra gayi Urban Money — usko shopping karni thi. Wahan kuch khaas nahi mila, toh Andheri wapas aa gaye. Phir ek new shop gayi jahan rap type ke clothes milte hain. Usne shopping ki, maine full suggestion diya. Uske baad Surbhi ke yahan gaye — jahan ki pani puri mujhe bahut pasand hai. Maine parcel bhi karwa li apne babies ke liye (mere siblings). Phir rickshaw se ghar aayi, maza aa gaya waooo!

Bas ek hi problem — pair aur kamar dono mein full pain, kyunki bahut time se bahar thi aur baithi hi nahi.
Thakaan toh thi, par maza bhi utna hi zyada. Masti full, February ka first din — ekdum filmi shuruaat 💛

jaise filmo mai hota hai ho raha hai hu ba hu.. jhubi jhubi pap para..... 

allhumdullah .. A good start 

🫂DAY 31: Allhumdulilah January...

Hii January,

tum jaa rahi ho aur mujhe sach mein thoda bura lag raha hai 😔 Thank you so much, tumne mujhe is month thoda sa hi sahi, par productive bana diya. Haan, maine apne saare tasks complete nahi kiye, par maine bahot kuch kiya bhi hai. Sabse favourite – Juhu! 🌊 Ek do baar nahi, bahot baar gayi. Hamesha se walk par jaana tha, aur is baar main sach mein walk par gayi 🚶‍♀️ Roz blog likhe – late late, par likhe ✍️ Apni streak nahi todi. Main ghumi, royi, giri bhi… par har din phir se khadi hui, phir se chali, phir se daudi 🥺✨ Aur mujhe pata hai, ek din main apne destination tak pahoch jaungi – money aur freedom 💸🕊️

Special thanks to my Allah 🤲, jinhone itne gunahon ke baad bhi mujhe woh sab diya jo maine manga bhi nahi tha. Jab main galat logon ke saath thi, toh unhone woh rishte tod diye aur mujhe acche logon se milwaya 💔➡️❤️ Special thanks to my chandyaari 🌙 – jisne mujhe phir se jeena sikhaya, jab main bas exist kar rahi thi, living nahi. Thanks to my parents 👨‍👩‍👧, bahot daantne ke liye, mujhe ghar mein rakhne ke liye aur pyaar karne ke liye. Thanks to my siblings 🤍, jinke saath main apna stress bhool jaati hoon. Aur 4lyfers 🔋 – jo mujhe charge karte hain, motivate karte hain. I love you all 🫂, aur main chahti hoon tum sab hamesha mere saath raho 🌈

So, let’s conclude the last day of Jan – jo mujhe laga tha best hoga… par thoda ulta ho gaya 😅

Subah uthi around 8 baje, ready hui Sion jaane ke liye. As I’m visiting faculty here for teaching – Financial Markets 📚. Reaching time 11:00 a.m. tha. Main Andheri mein rehti hoon, aur railway line harbour aur western dono se opposite. Dad se fastest route poochi toh, unhone bola bus no. 341 le jao mast aaram se 🚌. Aur honestly, yeh meri zindagi ka sabse kharab suggestion tha 😭 Woh bus itni slow thi jaise gaon se chal rahi ho.

Main 9:50 ko ghar se nikli, 10:30 tak bus stop par khadi rahi ⏰ Jab bus aayi, tab bhi itni slow thi ki mujhe neend aane lagi 😴 Main already late ho chuki thi, toh maine inform kar diya ki I’m coming late. Par bus ka speed dekh kar mera aggression full on ho gaya 😤 Maine uncle se boli, “Yeh bus slow chal rahi hai ya sirf mujhe hi lag raha hai?” Dusre passengers ne bhi haan bola. Tab mujhe laga, haan bhai, aaj phir universe ne mujhe hi choose kiya hai 🫠

Rote rote, baar baar time dekhte hue, jaise-taise main pohchi 😭 Utarte hi SRK ki tarah bhaagi – K3G movie wali running 🏃‍♀️💨 – par phir bhi 11:56 a.m. Full one hour late. Muh dikhane layak nahi thi main 🙈

Par phir class start hui. Jaise hi padhana shuru kiya, sab theek lagne laga 💖 Mujhe maza aaya, kyunki yeh kaam main dil se karti hoon. Yeh mera third visit tha, aur main bahot grateful thi 🥹 Thank you Allah 🤲, aur Sumeet sir for the reference. Us din school mein ek ma’am ka birthday bhi tha – samose aur gulab jamun ki line lagi thi 🤤 aur main first thi khane wali 😌 Baaki teachers aur students principal ke saath meeting mein the, aur main chup-chaap baithi hui unko dekh rahi thi. Thoda student life waala feel aaya 🎒

Shayad yeh mera last visit tha, kyunki students ke exams aa rahe hain aur next batch ko yeh subject nahi hai 😔 Thoda sad laga, par din bahot mazedaar tha. 1:30 tak nikal gayi main.

Wapas aate waqt Mumbai ne apna asli rang dikha diya – traffic 🚗🚕 Bhai sahab, itna traffic! Log sahi kehte hain, Mumbai mein bahot traffic hota hai 😩 Main almost 5 baje ghar pahochi. Body mein pain, aur dil mein aur zyada pain – kyunki next day wapas office jana tha, budget ke kaaran 😵‍💫 Matlab, office jaana hi tha.

Aur aaj 4 Feb hai, jab main yeh blog end kar rahi hoon. Socho, Feb ne mujhe kitna busy kar diya 😮‍💨 Ab aage aur blogs likhne hain.

Bye bye January 👋
I love you from the bottom of my heart 💛

Alhamdulillah, shukr Allah 🤲✨

👑DAY 30 - Aur jab tak khadi hoon, tab tak game mera hi hai.✨

 30-01-2026

Kal maine ek pyaari si chhutti li thi, pyaari isliye kyunki paid leave 💸, par enjoy nahi ki kyunki dimaag full loading mode mein tha 🧠⏳ aur heart buffering par 💔📶. Sach bolun toh office ab thoda mangalsutra jaisa lagta hai—ek baar pehen liya toh roz pati ke paas jaana hi padta hai 💍, aur haan ek na ek din talaaq bhi dena hai, par pata nahi kaunsi si mohabbat hai jo chhod bhi nahi pa rahi hoon 😮‍💨. Waise meri asli mohabbat toh freedom hai 🕊️, par freedom ka raasta paison ke dariya se ho kar jaata hai 💰🌊, toh phir kya… jhoota uthao, bag pakdo aur chal pado 🪥🎒🚶‍♀️. Aaj office pahunchi main heavy brain 🧠💭 aur heavy thoughts ke saath, par yahan bhi jeena haram 😵, TL bolti hai yeh karo woh karo aur dil karta hai zor se chillaaun “Bas! Ab nahi karna!” 😤📢, par phir ek baat yaad aati hai—maidan se bhaagna mujhe pasand nahi 🏟️, main fight karti hoon 💪 apne liye aur apne haq ke liye ✊. Ab result sirf do ho sakte hain, ya toh main jeet jaaun 🏆 ya phir woh, par bhaagungi nahi chahe mann kitna bhi kare 🚫🏃‍♀️. Phir thodi fight hui ⚔️, main ruki, sochi aur main yahin hoon 🤍, aur aaj maine khud se ek waada kiya ki main sab kuch karungi ✨ khud ke liye, apne sapno ke liye 🌙 aur un logon ke liye jo mujhe bina shart ke pyaar karte hain—meri family aur mere friends 🫂❤️. Shayad main thaki hui hoon 😔, confused hoon, par haari hui nahi hoon 🔥, main abhi bhi maidan mein khadi hoon aur jab tak khadi hoon tab tak game mera hi hai 👑🌙✨.

💭DAY 29: Ek chutti, ek interview aur bahot saara overthinking — zindagi ka mini crisis

29-01-2026

They say your 20’s are supposed to be magical.
Energy se bhari hui, sapno se loaded, full of main kuch bada karungi vibes.
Par meri 20’s thodi zalim nikli.

Energy toh hai, haan. Par woh 15 rupay ke job mein jaa rahi hai.
Roz subah uth kar lagta hai jaise main apni hi battery kisi galat  jagah mein charge kar rahi hoon.
Very bad. Very very bad.
College mein jo sapne dekhe the, unmein yeh scene toh nahi tha.

Mujhe koi bada tag nahi chahiye. CEO, manager, boss-lady—kuch bhi nahi. Bas sukoon chahiye. Aisi job jahan kaam karke lage: haan, main grow kar rahi hoon… main khud ko develop kar rahi hoon.

Par ab normal dating toh ho nahi rahi zindagi se,toh socha company ke saath hi date kar loon. 2–3 saal loyal rehne ka plan bana liya. Par sach bolun?This is not meeeee.
Main yeh nahi hoon jo apni hi life se compromise kar ke “adjust” kar rahi hoon.

Isi soch mein raat ko neend nahi aati. Subah uthna aur mushkil ho jaata hai. Aur phir isi chakkar mein maine chhutti le li.

Confession time:
Kal maine office se half-day bunk karke haircut karwa li.
Aaj full chhutti.
Aur dimaag mein ek hi thought:
Yeh main kya reputation bana rahi hoon apni?
Main toh school-college mein bhi itni badmaash nahi thi.

Phir , isi mental chaos mein maine decide kiya:“Chalo, interview de hi dete hain.” Friend ke office mein gayi. Interest zero tha. Bas gayi kyunki mann bol raha tha: kuch toh move karo zindagi mein.

Aur wahan… sir hi alag the. Main soch rahi thi: yeh kya ho raha hai? Overthinking ka naam de kar ignore kar diya. Interview mein maine double salary bol di. Aur woh… ready ho gaye.

Bas phir kya. Khushi obvious thi. Par ghar aakar maine sab rewind kiya. Pros, cons, red flags, green flags—Teen ghante baith kar khud se meeting ki. Aur end mein ek hi decision: Nahi jaana.

Aur tab mujhe samajh aaya— Problem job nahi hai.Problem interview nahi hai. Problem salary bhi nahi hai.

Problem main hoon. Ya shayad woh phase jisme main hoon.

Mujhe samajh hi nahi aa raha meri life mein ho kya raha hai, kyun ho raha hai. Roz wahi confusion, wahi overthinking. Main zindagi jee nahi rahi… bas usko survive kar rahi hoon.

Sab kuch theek hai, technically. Par most of the time hum office mein hi toh hote hain. Toh thoda trauma toh banta hai na?

Itni uljhan ke baad bhi, andar kahin ek chhoti si awaaz hai jo bolti hai: “Sab theek hoga.”

Aur sabse zyada yakeen mujhe apne Allah par hai. Shayad yeh sab bhi ek imtihaan hai. Shayad yeh confusion bhi growth ka hissa hai.

Par mujhe pata hai— chahe kitna bhi andhera ho,main asmaan ko chhoone wali hoon.
Jald.
Bahut jald. ✨