28-03-2026 | Saturday | Half Day Office | Safar Nama 🌙
Hii… kaise ho aap sab?
Abhi 12:02 a.m. ho rahe hai. Light off hai aur mere paas ek choti si battery wali light hai jo mere sir ke upar on hai.
Abbu so rahe hai.
Daraksha mere right side par mehndi laga rahi hai.
Ammi, as usual, YouTube shorts dekh rahi hai aur awaaz laga rahi hai mujhe bula kar bolti hai — “dekho kitna mast hai.”
Lala Abbu ke pair daba raha hai, aur Kallo so gayi hai. Aaj office se aane ke baad usse Abbu ki daant bhi padi, kyunki woh raat 9:44 p.m. par ghar aayi thi. Ab exam ka time chal raha hai aur itna late kaam… Abbu ko pasand nahi aaya.
Ghar ka scene apni jagah chal raha hai… lekin mere dimaag mein ek alag hi baat ghoom rahi hai.
Aaj mere ek friend ne DP change ki.
Woh ek boy hai, aur usne ek girl ki inappropriate type picture lagayi hai. Mujhe pata hai woh kisi Google image ya internet se hogi, kisi real known person ki nahi.I know it.
I Ignored,
Lekin phir bhi mujhe bahot ajeeb feel hua.
Kuch time pehle bhi maine dekha tha ki mere ek aur friend ne aise hi reels like ki thi.
Phir mere dimaag mein ek sawaal aaya —
yeh sab meri feed mein kyun aata hai?
Kya yeh bas algorithm ka game hai, ya phir mujhe stress dene ke liye?
Ya phir Allah ka koi ishara hai ki mujhe kuch friendships rethink karni chahiye?
Aur phir mujhe realize hua…
shayad main overthinking kar rahi hu.
Mujhe pata hai Allah ne aurat aur mard dono ko izzat aur dignity ke saath banaya hai.
Lekin kabhi kabhi society mein kuch log aurat ko sirf ek object ki tarah treat karte hai, aur woh cheez mujhe andar se disturb karti hai.Sometimes I cry...
Kabhi kabhi aisa lagta hai ki kuch boys unnecessarily touch karne ki koshish karte hai, ya boundaries respect nahi karte. Aur us moment par gussa bhi aata hai aur frustration bhi.
Lekin phir main deep breath leti hu aur khud ko control karti hu.
Sach yeh hai ki respect dono taraf se hona chahiye.
Agar koi ladka ya ladki kisi ki dignity hurt karta hai, toh woh galat hai — simple.
Bahot sochne ke baad...
Aaj maine us friend ko message bhi kiya aur poocha —
“Is this DP really cool to show?”
Usne reply kiya: “There is a reason behind it.”
Maine us message ko ignore kar diya.
Lekin jab mujhe phir se aisi clips feed mein dikhi, The current trending series:Chiraya.. mai bahot frustrate ho gyi like i was out of my mind and I messaged
Jab Tak DP nahi remove hogi “Don’t dare to talk to me with that DP.”
Sach kahu toh meri life mein yeh pehli baar hai jab maine aise kisi matter par voice raise ki.
Main usually aise topics par bolti hi nahi thi, kyunki — mere kehne se kya hi hoga ....
Respect aur dignity har insaan ka right hai.
Kabhi kabhi life mein aisa lagta hai ki jab main 4 din hass leti hu, tabhi koi heavy thought ya trauma type feeling aa jaati hai.
But still…
main bas yeh hi chahti hu ki duniya mein hum ladkiyo ke liye respect aur understanding ho.
Aur ab main aapse ek sawaal poochna chahti hu —
Kya aapne kabhi apne dil ki koi baat likhi hai?
Woh baat jo aapke mann mein bahot time se chal rahi ho… lekin kisi ko keh nahi pa rahe ho?
Kabhi kabhi likhna hi sabse bada relief hota hai.
— Safar Nama 🌙
as I promised on last blog that I will post daily, and I wrote this phir mai post nahi karne wali thi but jo awaaz mai apne life mai pehli baar uthai hai (messaging my friend for that dp)
No comments:
Post a Comment