30-03-2026 | Safar Nama 🌙
Oh no… March toh bilkul hawa ki tarah aaya aur chala gaya, bilkul horse race ke ghode ki speed se.
Abhi raat ke 12:26 ho rahe hai. Ghar mein sab log chill mode mein hai, aur main bhi apna mast blog likh rahi hu. bed par sokar.. on m bed
Sach kahu toh bahot thak gayi hu, aur head mein halka pain bhi hai.
Laptop bhi charge nahi tha, isliye maine table fan ka plug nikal kar laptop charge par lagaya.
Hamare yaha sirf do plug points hai —
ek mein fridge laga hai, aur dusra phones, laptop aur fan sab ke liye.
Kabhi kabhi mujhe lagta hai meri life simple aur thodi gareeb type hai, lekin phir bhi main grateful hu.
Aur dil mein ek strong belief hai —
ek din main apni aur apne khandaan ki life change karungi.
Mujhe yakeen hai Allah meri life mein ek miracle zaroor karega, jo mujhe aasmaan tak le jayega — jiska koi limit nahi.
Kabhi kabhi main imagine karti hu…
ek din mere paas itna kaam hoga ki mere 3–4 managers honge jo mera schedule manage karenge — events, hosting, awards sab ke liye.
Mere outfits bhi woh arrange karenge —
aur main hamesha cultural dresses pehnungi… salwar kameez, saree, bilkul Pinterest wali aesthetic look.
Aur jab main stage par chalungi…
toh log inspire honge ki kaise ek ladki jo bahot mistakes karti thi, seekhti rahi aur phir khadi ho gayi.
Kabhi kabhi main imagine karti hu ki main TV news par aa rahi hu, newspapers mein headline ban rahi hu — bilkul waise jaise Narendra Modi ka naam roz news mein aata hai.alee Trump bhai ko kaise bhulu unke bhi tarah... hukum ka ekka is he
Aur us din Abbu mujhe call karke bolenge — “Proud of you Khush.”
Waise bhi Abbu ne mere sir par haath rakha hai, aur mere liye woh hi sabse bada blessing hai.
Main apni life mein 3 houses kharidna chahti hu —
1️⃣ Ammi-Abbu aur family ke liye
2️⃣ Ek mere liye
3️⃣ Ek meri dearest friend ke liye
Aur us ghar se roz samundar dikhega, jahan hum roz milenge, hasenge, kabhi ro lenge… par saath rahenge.
Ameen.
Sapno ki list toh bahot lambi hai, lekin agar sab likhungi toh blog hi bhar jayega.
Bas itna belief hai ki Allah ek din sab kuch dega.
Aaj main dawat par bhi gayi thi.
Aur wahi typical family scene — sab log shaadi, education aur rishton ki baatein kar rahe the.
Lekin maine topic hi change kar diya.
Main friendship par bolne lagi.
Aur mujhe khud feel hua ki meri speaking skills kaafi achhi ho gayi hai, kyunki sab log dhyan se meri baat sun rahe the.
Conversation start hua ki:
“Hamare ghar mein Khush hi sabse zyada ghoomti hai.”
Maine bola — haan bilkul.
Phuppu bhi recently aaye the toh obviously unhone sabko bata diya hoga ki
“Yeh raat mein walk karti hai, garden jaati hai.”
Bahot baatein hui… lekin maine apne saare cards open nahi kiye.
Yeh kaam main usually strangers ke saath hi karti hu.
Lekin meri zubaan par mujhe khud kabhi bharosa nahi hota. 😅
Honestly mera focus toh bas sone par tha.
Sunday ko main usually bed par hi rehti hu.
Mujhe bas khana de do aur sone do, kyunki next day office bhi jaana hota hai.
Chalo ab bata deti hu aaj maine kya kya khaya.
Subah:
☕ Chai aur butter
Phir mujhe medu vada khane ka bahot mann tha meri favourite aunty ke stall ka.
Main 1 ghante tak mummy se 30 rupees maangti rahi.
Finally jab mummy khala se video call par thi, maine khala se bola —
“Ammi ko bolo mujhe paise dene.”
Phir finally paise mile…
main 12:30 ki dhoop mein daud kar stall par gayi…
Aur pata chala gas shortage ki wajah se stall band hai.
Life. 😅
Phir main Maggi le aayi aur fried rice bhi kha liya.
Dawat mein:
🍜 Sewai
🍗 Malai seekh biryani
🥤 Fanta
Hum 10:30 tak ghar aa gaye.
Uske baad maine match dekha — aur khushi ki baat yeh ki Mumbai Indians ne finally apna first match jeet liya.
Balle balle! 🎉
Aur bhi bahot baatein hai…
lekin ab 12:53 ho gaye hai.
Ab mujhe thoda phone scroll karna hai aur phir sona bhi hai.
Allah, main hamesha shukr guzar hu.
Aap hamesha mujhse mohabbat karte ho… bas mujhe namaz ke liye bhi bulaya karo.
Ameen. allhumdulillah for all .
— Safar Nama 🌙
Sapne bade ho toh raaste khud ban jaate hai,
Bas yakeen aur shukr ho… toh safar bhi dua ban jaata hai. ✨
No comments:
Post a Comment