🎉DAY88: dost ke saath waqt ki tezi aur deep talks woh bhi majduri ke saath

 30-03-2026

30-03-2026 | Evening in the Garden 🌙

Shaam ki thandi hawa, aur  kau-kau karte kauwe aur dil mein bus shukr… aaj ka safar bhi ek choti si kahani ban gaya.

It’s perfectly 7:00 p.m. — suraj abhi abhi doob chuka hai.
Aas paas kauwe ki awaaz “kau kau kau” sunai de rahi hai.

Thode door 3 uncle baithe hai. Baal unke ab grey ho gaye hai, lekin awaaz abhi bhi jawaan, tez aur clear hai. Shayad beech wale uncle fruit business karte hai, kyunki phone par woh war ki wajah se supply par kya impact ho raha hai uske baare mein baat kar rahe the.

Mere peeche chaand bhi nikla hua hai… jaise mera salaam ka intezaar kar raha ho.
Ruko… main thoda mud kar usse dekhti hu… aur dil se apna salaam bhejti hu.

Ab bataati hu main kaha hu —
Main apni favourite jagah, garden mein hu.

Main ek rock bench par baithi hu, shoes nikal diye hai, socks pehne hai kyunki yahaan bahot mosquitoes hai.
 mast Pair fold karke aaram se baithi hu.

Actually maine ye blog isi waqt isliye start kiya hai kyunki main apni friend ka wait kar rahi hu.
Mujhe usse office ki kuch baatein discuss karni hai.

Sach bolu toh meri life mein har 10 din baad same situation repeat ho rahi hai.
Koi proper clarity mil hi nahi rahi.

Aur honestly mere stomach ke right lower side mein bahot pain ho raha hai.
Main properly baith bhi nahi pa rahi… chal bhi mushkil se rahi hu.
Reason mujhe pata hai — acidic problem.

Kabhi kabhi lagta hai itni choti age mein hi yeh sab health issues kyu face karne pad rahe hai.

Lekin ek cheez se main bahot khush hu —
Kal chutti hai!

Yehhhhh… party tonight! 🎉

Aaj ek funny cheez bhi hui.
Mere paas internet recharge nahi tha, aur meri friend mujhe call karne ki try kar rahi thi.
Uske paas sirf data recharge tha.

Ab communication kaise ho?

Main apne thoughts mein busy thi aur woh mujhe reach karne ki try kar rahi thi.

Phir achanak uski mother ka call aaya.
Main thoda aggressive mood mein thi… lekin tone calm rakhi kyunki aunty ka call tha.

Aunty ne kaha:
“Woh tumhe reach karne ki try kar rahi hai, usse call karo.”

Tab jaake hum connect hue.

Aur baat shuru karne se pehle…
humne malai khayi.

Yummy!

Phir hum 9:20 tak baatein karte rahe.
Friends ke saath time bahot fast nikal jata hai.

Humne deep baatein ki —
spirituality, life, environment, aur office ka stress aur burden.

Aur phir mast sa feel aaya.
Dil halka ho gaya.

Phir woh 433 number ki bus pakad kar chali gayi…
aur main ghar ki taraf.

Ghar aate hi seedha bathroom ki taraf bhaagi 😅
Fresh hokar garma garam pulav aur raita khaya.

Ab 11:23 p.m. ho rahe hai.

Main chahti toh blog aur bada likh sakti thi, lekin abhi bahot kaam pending hai.

Mujhe:

• 4lyfers ke liye monthly review letter likhna hai

• NEET ke liye kuch cards prepare karne hai

Office mein bhi aaj ka din busy lekin acha tha.

Alhamdulillah for everything.

Allah, main hamesha aapki shukr guzar hu.
Bas mujhe namaz ke liye hamesha bulaya karo.

Ameen. 🌙

— Safar Nama ✨