03.08.2026

Hello guys... kya kar rahe ho? Guysssss...

Aaj meri aankh khuli subah ke 8:30 a.m. par aur mujhe laga ki bas, aaj toh bahot late ho gaya hai. Isliye maine decide kiya ki chalo, aaj leave le leti hoon aur thoda aaram karti hoon. Aur guys, jo decide kiya tha woh maine sach mein kiya bhi!

Main 11 baje tak soyi, phir uthkar fresh hui aur breakfast mein chai-toast aur sabudana khaya. Bas, uske baad mera holiday mode officially ON ho gaya.

Sabse pehle maine sabeb ko inform ki that Chand will be unavailable on my bday so that mai kehna bhul na jau office routine mai. Phir main blogs likhne baith gayi aur tab tak Dara ne bhi apne saare kaam nipta liye. Jaise hi ghar ki cleaning bhi complete hui, main aur Dara finally Spider-Man ki movie finish karne baith gaye. Humne decide kiya tha ki movie saath mein hi dekhenge, aur finally woh moment aa hi gaya.

Hum dono ko lag raha tha ki last mein koi na koi toh marega, specially uski girlfriend... lekin surprisingly sab zinda the! Aur last part toh sach mein mast tha. Lekin ending mein main kisi ke marne ki expectation kar rahi thi... seriously, kaisi soch hai meri?

Ab main mast bed par aayi aur Latent dekhne lagi, jo actually mujhe Dara ke saath dekhna tha. Sorry Dara, mujhse raha nahi gaya! Main bhi dekh gayi. Aur phir dekhte-dekhte pata hi nahi chala kab meri aankh lag gayi. Itni mast neend aayi ki bas poochho mat.

Lekin sote-sote mere legs mein pain hone laga. Guys, kya tum logon ke saath bhi aisa hota hai? Kabhi-kabhi sote waqt legs mein achanak pain hone lagta hai. Ya phir sirf mere hi legs ko raat mein drama karna hota hai?

Main around 4 baje phir se uth gayi aur phir nahane chali gayi. Aur guys, main itni der tak nahayi ki poora ghar sochne laga hoga ki yeh ladki nahane gayi hai ya ghar mein hi swimming kar rahi hai! Itna time kaun nahata hai?

Phir maine baal kiye aur mast timepass karne lagi. Naste mein obviously chai thi, btw Lunch mein maine dal-rice aur bhindi ki sabzi khayi.

Uske baad bas chill kiya, reels scroll ki aur phir hamare bagal wali aunty ne kuch warm clothes diye. Kuch toh bahot acche the aur kuch funny wale bhi. Maine woh funny wale pehne aur honestly, mujhe khud nahi pata main kya kar rahi thi... lekin maine Abbu ke saamne itna funny dance kiya!

Like, life meri full band baja rahi hai, problems apni jagah hain... but meri masti rukne ka naam hi nahi leti. Aur honestly, mujhe lagta hai shayad yehi meri sabse achhi quality hai.

Aaj maine almost bahot saara time waste kiya, but surprisingly mujhe bilkul bura nahi lag raha. Kyunki aaj ka din ekdum real holiday jaisa laga. Bahot time baad mood itna achha tha. Ghar par bhi aaj kisi ne mujhe daanta nahi, koi ladai nahi hui... Alhamdulillah, bas sukoon tha.

Ab full dinner karke main aaram se baithkar apna blog likh rahi hoon. Aur haan, aaj Sabeb ne meri kuch pictures li hain. Mujhe lag raha hai shayad woh kuch kar rahi hai... aur main ek curious bachche ki tarah soch rahi hoon ki aakhir kya ho sakta hai?

Ab mera birthday bhi bahot paas aa raha hai. Lekin birthday ki preparation karne ke bajaye main apne 22nd year ke bache hue time ko bas enjoy karna chahti hoon. Masti karte hue, khush hote hue. Shayad trips ya treats se nahi, balki thoda sa sukoon paakar... khud se baat karke... aur apne saath waqt bitakar.

Pata hai, yeh sab karna easy nahi hai. Khud ke thoughts se bahar nikalna aur khud ke saath peacefully rehna kabhi-kabhi bahot mushkil hota hai. But let's do some koshish. Thodi si hi sahi.

Alhamdulillah.

Safarnama