Safarnama

04.08

Hello guys, documenting my day...

Aaj surprisingly meri aankh jaldi khul gayi so that I could reach office on time. Jaldi se fresh hui, naha dhokar ready hui, hair set kiye aur side by side Ammi mere liye pyaar se parathe aur bhindi ki sabzi bana rahi thi. Sach bataun, dono itne tasty the ki subah ka mood hi achha ho gaya.

Bahar halka halka baarish wala mausam tha. Thandi hawa chal rahi thi aur weather itna peaceful lag raha tha... but as expected around 10:30–11:00 a.m., my periods started.

Aur bhai sahab... is baar jo pain hua na! Lower stomach ke saath poori body dard kar rahi thi. Na properly baith pa rahi thi, na kaam par focus ho raha tha. Mujhe aisa unbearable pain saal mein sirf ek ya do baar hi hota hai. Main baar baar washroom jaa rahi thi sirf isliye ki thoda walk kar lu aur shayad thoda better feel ho. Lagbhag ek ghante baad thodi relief mili. Btw mujhe aisa pain hamesha naho hota but iss baar meri jaan hi nikal gayii

Lunch time hua aur jaise hi maine tiffin khola, dekha Ammi ne 3 parathe rakhe the. Roz toh main kuch na kuch ghar wapas le aati hoon, lekin aaj toh fix tha ki ek poora paratha bach hi jayega. Waise bhi mere liye do parathe finish karna hi bahut badi baat hai.

Lunch ke baad thoda kaam kiya, lekin 4 baje phir wahi pain shuru ho gaya. Bas dil kar raha tha ki kisi tarah ghar pahunch jaun. Lekin bahar itni tez baarish ho rahi thi aur mere paas umbrella bhi nahi tha. Toh chup chaap dard ke saath office ka kaam karti rahi.

Waise aaj maine kuch naya bhi try kiya.

Maine ek Authors' Seminar attend kiya. Aur honestly, mujhe laga authors ka bhi apna ek alag hi commerce world hota hai. Log apni books ke through crores kama rahe hain... waah yaar!

Seminar mein brain ke logical vs creative thinking, market cap, goals aur kaafi interesting topics discuss hue. Main jitna sun paayi, utna samajhne ki koshish ki. Ye seminar mujhe Instagram ke ek page se mila tha.

Office se wapas aate waqt bus bhi full thi. Poora safar khade khade hi aana pada. Ek seat khali thi lekin uspe ek uncle baithe the aur mujhe unse seat maangne ka mann hi nahi hua. Isliye khadi hi rahi. Waise bhi uss pain ke saath standing journey ne meri halat aur kharab kar di.

Ghar aakar fresh hui, lekin baithna bhi mushkil ho raha tha.

Phir yaad aaya ki K Sir ke AirPods exchange karwane the, jo actually July mein hi ho jana chahiye tha. Lekin main hoon na... July ka kaam August mein kar rahi hoon. Very bad!

Us time mere paas phone bhi nahi tha. Kaafi time baad aisa hua ki main bina phone ke lambi walk par nikli. Na kisi ko call kiya, na music suna. Bas apne saath chalti rahi aur apni vibe enjoy karne ki koshish ki. Waise mujhe aisi silence wali walks zyada pasand nahi aati, but it felt different and I'm trying to be with myself

Jab ghar wapas pahunchi toh aguess what...

Dara, Ammi aur Lala milkar chicken kebab bana rahe the. Pura ghar uski khushboo se bhar gaya tha. Aur obviously sabse zyada kebab kisne khaye? Maine! 😂 full 6 and 1 pav and also 1 slice of bread

Uske baad thoda phone chalaya, Dara se thodi si ladai bhi hui... aur phir sab normal.

Raat ko maine apni pending movie complete ki. Movie ka naam Boulevard hai. Recently release hui hai. Original Spanish movie hai, lekin maine Hindi mein dekhi.

Yaar... last mein jo accident hua na, sach mein main bahut royi. Bas dil kar raha tha ki dono saath hi reh jaate. Writer ko bhi kabhi kabhi apne characters par thoda taras kha lena chahiye yaar!

Aur haan... dono movie mein itni kiss kar rahe thee.Lekin story honestly bahut achhi thi. Aur mujhe Luke bahut pasand aaya.

Waise meri choice bhi na... pata nahi kyun mujhe movies mein gunde, bad boys aur nashedi type characters hi pasand aa jaate hain. 😂

Anyways... thank you Dara for recommending this movie. It was worth watching.

Aur phir kya... rote rote hi neend aa gayi.