02.08.2026

Hello guys!

Aaj Sunday tha, so obviously mai mast late uthi—12 baje! 😂 Full phone chala kar apni duniya mein mast thi, tabhi Ammi ne aakar kaha, “Abbu ne bola hai raat ko Borivali jaana hai, Sir ka form pick karna hai. Chal, jaldi naha aur nikal!”

Bas phir kya, mera aur Dara ka plan decide ho gaya ki hum dono jayenge.Dara nahane gayi thi, tab tak maine bhi apne kapde ready kar liye. Phir mujhe pata nahi kya hua, but suddenly 4lyferz ko Friendship Day wish karne ka mann hua. Actually, humara koi particular Friendship Day nahi hai. Hum log toh hamesha ek dusre ko support karte rehte hain, bina kisi special day ke. But phir bhi, maine sabko wish kiya and honestly, mujhe bahot accha feel hua.

Uske baad mai aur Dara ready hue aur ghar se nikal gaye, bas dua karte hue ki baarish na ho… aur thankfully, baarish hui bhi nahi!

Pehle humne Yellow Line Metro li towards DN Nagar, phir DN Nagar se Borivali ke liye bus. Aur phir kya… CHALOOOO ELECTION OFFICE!

Thankfully, bheed bahot thi, but mai line mein lagne wali person toh bilkul nahi hu. So, sidha form ke liye cheekne-chillaane wali situation mein gayi, form liya aur nikal gayi. Wahhhhh! Ek aur kaam done!

Phir hum dono raste bhar masti karte hue ghar aaye. Raaste mein bahot saari pictures bhi li. Ghar pahunchte-pahunchte almost 4 baj gaye the. Aur mujhe laga, yaar, Sunday bhi aise hi waste ho jaata hai.

Ghar aakar toh humein ek aur shock mila—khane ko kuch tha hi nahi!

Bas phir kya tha, gusse mein hum dono ne fatafat pasta banaya. Maine toh sirf onion cut kiya tha, baaki Dara ne sambhal liya, but flavour mast enhance ho gaya tha. Aur yaar, baarish ke baad ka woh thanda-thanda, bheega-bheega environment aur usmein garam-garam pasta khana… it just felt sooo good!

Phir humne pillows liye aur Spider-Man dekhne baith gaye. Beech mein pata nahi kya hua, hum dono ne 5-10 minute full dance kiya—Fevicol Se, Chikni Chameli aur pata nahi kitne item songs par! Bhojpuri songs bhi try kiye, lekin woh wali vibe nahi aayi. 😂

Dance karte-karte Dara ki toh full haalat kharab ho gayi aur woh so gayi. Aur mai ghar mein akeli thi. Toh maine socha, chalo, aaj bookshelf hi saaf kar leti hu.

Bas phir kya… bookshelf clean karne mein mera poora 1.5 hour lag gaya!

Beech mein Aik ki mom bhi aa gayi. Hum log baatein karne lage, phir maine mummy ko bhi call karke bula liya. Kaafi der tak sab baatein karte rahe. Mujhe kaam karte hue dekh kar bhai log toh shocked ho jaate hain. Sab has rahe the aur meri mummy, as always, meri complaints kar rahi thi. 😂

Phir mummy aur aunty market chali gayi aur maine saari cheezein properly rakh di. Finally, bookshelf aur room dono clean ho gaye.

Safai karte waqt mujhe mere 20th birthday ke gifts bhi mile. Yaar, honestly, it was so heartwarming. Mere liye ye sab sirf gifts nahi hain. Inmein bahot saara pyaar hai, meri memories hain. Inshallah, jab mera khud ka ghar hoga, toh mai in sab cheezon ko apne ghar ki decoration mein zaroor use karungi. ❤️

Uske baad mujhe bahot zyada bhook lagne lagi. Like, bahot zyada! Bhook ki wajah se mai irritate ho rahi thi aur upar se mummy mere liye samosa bhi nahi layi. Bas phir mera dimaag kharab ho gaya aur meri Dara se thodi behas bhi ho gayi.

Lekin 10 minute baad hum phir se normally baat karne lage. Mai 4lyferz mein Sabab se chatting karne lagi aur tab tak khana bhi ready ho gaya.

Humne mast khana khaya aur phir Abbu ki taraf se treat mili—ICE CREAM! 🍦

Ice cream toh mast thandi-thandi thi aur bahot acchi lagi. Abbu ki tabiyat thodi theek nahi thi, toh maine unke sir aur pair dabaaye. Phir humne finally Spider-Man complete ki.

Tabhi Chand ka text aaya. Dara apne phone mein busy ho gayi aur mai Chand se full talks mein lag gayi. Humne kaafi der tak baat ki, aur honestly, us conversation ne mujhe bahot better feel karaya. Shayad ye wahi feeling thi jo mai pichle kuch weeks se kahin na kahin seek kar rahi thi.

Overall, kaafi pyaara din tha. Simple sa Sunday, but bahot saare little moments se full tha. Maza aayi. Accha laga. ❤️

Alhamdulillah.

— SafarNama