💭DAY 95: 6th April 2026“Even Dates, Uneven Feelings 💭”

Monday, 6th April 2026 | Safar Nama 🌙✨

“Even Dates, Uneven Feelings 💭”

Hii… kaise ho aap sab?

Log kehte hai even dates balance laati hai…

Par aaj ka din bilkul balanced feel nahi hua.

Raat 11:58 p.m. par ek call aaya…
ek aise insaan ka jisse maine expect nahi kiya tha itni der baat hogi.

Aur pata hi nahi chala kab 30 minutes nikal gaye.

Baat bhi koi itni deep nahi thi…
phir bhi woh conversation mere dimaag mein reh gayi.

Aur wahi cheez mujhe confuse kar rahi hai.

Sach bolu toh…
mujhe random logon se baat karna pasand nahi hai.

Mujhe interest hi nahi aata.

Main sirf kuch logon ke saath hi genuinely connected feel karti hu —
Abbu… mere close ones… aur Allah.

Wahi meri comfort hai.
Wahi jagah hai jahan mujhe bina explain kiye samjha jaata hai.

Toh phir yeh alag kyun laga?

Main theek kyun feel kar rahi thi baat karke?

Shayad wahi cheez mujhe uncomfortable kar rahi hai.

Woh insaan achha hai, isme doubt nahi hai.

Par main khud ko jaanti hu…
yeh main nahi hu.

Ya phir… shayad yeh mera ek aisa part hai jisse main abhi tak samajh nahi paayi.

Lekin ek cheez mujhe clearly pata hai —

Jo sukoon mujhe Abbu ki baaton se milta hai…
ya Allah se baat karke milta hai…

woh kuch aur hi hai.

Woh deep hai.
Woh real hai.

Aur koi bhi us jagah tak nahi pahuchta mere dil mein.

Aur shayad yeh theek hai.

Har feeling ko explore karna zaroori nahi hota.
Har connection ko aage badhana zaroori nahi hota.

Aaj maine khud se ek baat boli…

“Confusion mein decision mat lena.
Na khud par harsh ho, na kisi aur par.
Aur sabse important — apni life ko aur mess mat banana.”

Kyuki kahin na kahin mujhe pata hai…
maine pehle bhi mistakes ki hai.

Aur main unhe repeat nahi karna chahti.

Kuch log bina bole samajh jaate hai…
aur kuch log, kitna bhi samjhao — kabhi nahi samjhenge.

Aur woh bhi theek hai.

Mujhe sabko samjhana zaroori nahi hai.

Aaj raat main choose karti hu —

Clarity over confusion.
Silence over unnecessary noise.
Peace over temporary comfort.

Shayad kal aur likhu…

Filhaal… itna hi kaafi hai.

Sukr- Allah ..for everything...

— Safar Nama 🌙