09-04-2026 | Safar Nama 🌙💭✨
Hii… kaise ho aap sab?
Deep breath le kar aaj phir se blog start kar rahi hu…
Honestly, maine kaafi rough blogs likhe the…
par post hi nahi kar pa rahi thi.
Mera laptop bhi na… bilkul tabyat kharab hai uski 😅
isliye usse thoda rest diya hai.
Abhi time ho raha hai 11:03 p.m.
Aur meri chandyaari ka message aaya hai…
mujhe pata hai woh reply ka wait kar rahi hogi.
Par sach bolu…
Main khud se hi thodi disturbed hu.
Main bohot zyada overthink karne lagi hu aajkal…
aur mujhe lag raha hai mujhe thoda space chahiye.
Khud ke liye.
Kabhi kabhi aisa hota hai na…
ki mann karta hai kisi se bhi baat na karein,
bas khud ke saath thoda time spend karein.
Aapke saath bhi hota hai na?
Ya phir main hi thodi si weird hu iss planet par? 😅
Mere bohot kaam pending hai…
Especially blogs.
Aur mera blog hi toh meri consistency ka reflection hai.
Sach bolu toh main
The Kite Runner by Khaled Hosseini ka 5th chapter bhi complete karna chahti hu.
Par dimaag aur body dono cooperate nahi kar rahe.
Right side head mein pain hai…
upar se itni garmi 🥵
Fan full speed par chal raha hai,
phir bhi garmi kam hi nahi ho rahi.
Phir bhi…
Aaj maine decide kiya hai —
main aaj raat jaag kar apne pending blogs complete karungi.
Aur sabse important —
main khud ko thoda space dungi.
Aur yeh samajhne ki try karungi ki mujhe actually chahiye kya.
Sach kahu…
Main pehle aisi nahi thi.
Itna overthinking, itna confusion…
Yeh sab college ke baad gradually start hua hai.
Kabhi kabhi lagta hai
mera dil aur dimaag ek direction mein nahi hai.
Par ek cheez achhi hai —
main galat soch nahi sakti.
Dil ki baat karti hu toh achhi hi karti hu.
Isliye ab thoda analyse karna zaroori hai.
Aur main yeh sab share bhi kar rahi hu…
Agar aap bhi aisa feel karte ho,
toh please mujhe batana.
Sach yeh hai…
Mere kuch connections mujhe disturb kar rahe hai.
Aur mujhe lagta hai
ya toh unhe break karna chahiye…
ya phir thoda space lena chahiye.
Kabhi kabhi lagta hai main stupid hu
aise sochne ke liye…
Par phir realise hota hai —
yeh overthinking mujhe hi damage kar rahi hai.
Toh mujhe hi isse samajhna padega.
Ek aur baat…
Mujhe Ramadan yaad aa raha hai.
Main apna connection Allah se aur strong banana chahti hu.
Shayad wahi ek jagah hai
jahan mujhe asli sukoon milega.
Kyuki ab mujhe sukoon chahiye…
Bahot.
Itna likhne ke baad honestly…
thoda light feel ho raha hai.
Jaise likhne se sach mein kuch heal hota hai.
Aap bhi kabhi try karna…
kuch toh zaroor feel hoga 💭
Ab main aapko 7th April ka day share karti hu…
Aaj main phir late pahochi office 😅
Pahoch ke kaam toh chal hi raha tha…
Par mera focus lunch par tha 😂
Kaam karte karte maine WhatsApp open kiya…
Aur jo maine dekha…
Convocation invitation!
Maine turant scroll karke date, time, venue check kiya —
aur haan, official message tha.
11th April, 12:00 p.m. — college.
Main bohot khush ho gayi.
Maine group mein share kiya
aur phir toh discussion start ho gaya…
Sab excited the.
Aur main bhi…
Finally, it’s happening.
Par ek thought saath mein tha —
main zyada spend nahi karna chahti…
kyuki paise ka scene tight hai.
Shaam ko ghar aayi…
Aur mummy ke saath thodi behas ho gayi.
Uske baad mood aur off ho gaya.
Aur office mein bhi aaj Pinky ma’am se baat karke thoda bura laga.
Unhone kuch aise baatein boli…
jo Muslims, Maulana aur Qazi ko judge kar rahi thi.
Aur mujhe yeh bilkul sahi nahi laga.
Kuch log galat ho sakte hai…
par us basis par sabko judge karna —
woh galat hai.
Aur shayad isi wajah se
aaj dil thoda heavy feel kar raha tha.
Kabhi kabhi din itna mixed ho jaata hai na…
ki samajh hi nahi aata
exactly feel kya kar rahe ho.
Par haan…
Aaj maine ek step liya hai —
khud ko samajhne ka.
Aur shayad wahi sabse important hai.
— Safar Nama 🌙✨Jis haal mai bhi hu khuda uss haal mai bhi bhi hai Teri ada.... Allhumdulliah
Yes I do feel taking space for myself sometimes sab overwhelmed hota hai even though sab sahi bhi chalta h tabhi lgta hai to take some space.its just refresh uou
ReplyDelete