17.08.2026 — Baarish, Movie, Aur Chand 🌙
Hello.. 🤍
Aaj mujhe accha lag raha hai... finally meri birthday anxiety khatam ho gayi hai! 😭😂
Subah uthte hi mai last year ke baare mein soch rahi thi. Last birthday was honestly one of the best days. Hum restaurant gaye the and hum 4lyferz ne mera birthday celebrate kiya tha. Yaar, kya mast feeling thi! 🥹❤️
Aur sabse funny coincidence—baarish tab bhi thi aur aaj bhi hai. 🌧️
Bas aaj ka din thoda aalsi wala tha. Mujhe kuch karne ka mann hi nahi ho raha tha, toh maine mostly movie dekh kar hi half day nikaal diya.
Maine Varun Dhawan ki movie dekhi — “Hai Jawani Toh Ishq Hona Hai.”
Varun Dhawan ki movies mein na ek alag hi chulbuli-masti wali vibe hoti hai, aur is movie mein bhi full wahi tha. 😂
Story mein Jass aur Baani married hain, but dono divorce lene ki soch rahe hote hain because Jass wants a child, while Baani ek company ki CEO hai aur apne career par focus karna chahti hai.
Court dono ko decision final karne ke liye thoda time deta hai.
Baani Jass ko bolti hai ki move on kar lo... Aur guess what? Jass actually move on kar bhi gaya! 😂 Uski ek new girlfriend bhi ban gayi—mast si!
Phir ek din Baani suddenly London aa jaati hai aur Jass ko batati hai ki she is expecting a child. Aur ussi din uski new girlfriend bhi announce kar deti hai ki she is expecting a child too.
Wahhhhh! 😭😂
Pehle bechare ko ek baccha chahiye tha... Ab ek saath do bacche mil rahe hain! 😂
Story mein full dono ke saath bach-bach ke play hua aur eventually sach bahar aa gaya. End mein Baani ko beti hoti hai aur uski girlfriend ko beta.
Aur jab dono women ko Jass ki reality pata chalti hai, toh dono Jass ko chhod deti hain. 😂 Dono London mein rehne lagti hain aur Jass wapas India aa jaata hai...
Aur bhai sahab... Ek aur new girlfriend bana leta hai. 😭😂
Pehle do tak toh theek tha... situations thi, galtiyan thi, samajh sakte hain.But third time I was like— HIEEEEEEEEEEEEE! 😭🤣
Situation se learn bhi karna chahiye tha na bhai!
Socho writer ji... ending thodi acchi de dete. Humari generation movies se galat inspiration le legi! 😂
Anyways, no hate. 😂❤️ Movie dekhte waqt maine bahot hassi and honestly, mujhe movie entertaining lagi.
Aur ek cheez samajh aayi—life mein kabhi-kabhi cheezein gol-gol ghoom kar wahi aa jaati hain jahan se humne start kiya tha. Bas mera half day isi movie mein nikal gaya. 😂
3:30 ke baad maine thoda market overview kiya and then shaam ko thoda rest liya. Sir mein ek jagah pain ho raha tha, toh maine oiling ki aur bas chill kiya.
Maybe mera screen time bhi zyada ho raha hai... 👀📱 Uske baad maine apne pending blogs likhe aur post kiye. Aur dekhte hi dekhte dinner ka time ho gaya.
Aaj khane mein bhaiya wali curry bani thi. Bahot spicy thi but honestly, bahot mazedaar bhi thi! 🌶️😂 Saath mein rice aur roti.
Aur mai phone dekhte hue khana kha rahi thi. Surprisingly, maine ek full roti kha li... and I swear, woh bhi sirf phone ki wajah se. 😂
Pata hi nahi chala ki roti kab khatam ho gayi! But end mein Abbu se daant bhi pad gayi—
“Itni badi ho gayi ho aur abhi bhi bacchon ki tarah phone dekh kar khana kha rahi ho!”
😂😭 But maine zyada argue nahi kiya because fault meri hi thi.
Khana khate hi maine laptop open kiya aur TP karte-karte Dara aur Chand ke saare blogs padhne lagi. Aur bas...
Pata hi nahi chala kitna time nikal gaya. Baaton-baaton mein raat ho gayi. Btw, aaj maine bahot dino baad Chand dekhi. 🌙
Achanak meri nazar aasman ki taraf gayi aur wahan Chand tha... Yaar... Bahot pretty tha. Ek alag hi shine hoti hai na Chand mein, jo aankhon mein reh jaati hai. Bas wahi feeling thi. ✨ I genuinely love nature yaar. Allah, You are truly the best Creator. 🤍
Socho... Baarish ka mausam ho, aasman mein Chand dikh raha ho aur thandi si hawa ho... How blessed is that? 🌧️🌙
After a long time, uss moment ne mera dil genuinely alive feel karaya aur aankhon mein woh little sparkle wapas le aaya.
Aur phir raat ko mai apni bak-bak karte-karte late night so gayi. 😂
Yeh raat ka apna hi maza hai... Alhamdulillah for this unstressful day. 🤍
Safarnama ✨
No comments:
Post a Comment