05.06.2026

Hello!

Hmmm... kya likhu? I'm thinking... okay, okay!

As usual, aaj bhi late uthi aur office bhi late hi pahunchi. Guys, station ke paas ek choti si book shop hai, aur main hamesha usi route se office jaati hoon. Har baar uske paas se guzarte hue ek hi wish karti hoon—kaash ek din meri bhi apni book store ho.

Us shop ki sabse pyari baat pata hai kya hai? Saari books ek ke upar ek itni neatly stacked hoti hain ki bilkul chhote-chhote mountains jaisi lagti hain. Mujhe woh view bahut pasand hai. Agar kabhi mauka mila na, toh uski photo zaroor lungi. Pata nahi kyun, lekin us shop ko dekhte hi dil ko ek alag hi sukoon milta hai.

Office pahunchkar thodi si T.P. ki, phir kaam shuru kiya. Lunch mein chip-alu ki sabzi thi... aur aaj bhi 3 rotis? Why? Aur upar se sabzi mein namak hi nahi tha. Very bad!

Office ka kaam khatam karke ghar pahunchi. Lekin aaj ghar... ghar jaisa feel hi nahi ho raha tha. Anyways, I was trying to stay chill and be okay. Thodi der so gayi, phir achanak neend khul gayi. Uske baad maine apni friend " Chand' se thodi der baat ki, aur phir wapas so gayi.

Bas, itna hi tha aaj ka din.

Alhamdulillah.

- Safarnama