24.07.2026

Hello..

wanted to mention sabeb..Thankyou for listening me last Night that really cools me. I dua Chandyaari theek ho and darling bhii..( I miss u all )

Kaafi dino ke baad I switched on my laptop and writting something.. kabhi kabhi hoti hai na situations where we don't know what exactly is happening around us but nothing will stop for us and nobody will stop for you but your people will stay with you..think for you and pray for you and support for you.

Honestly. There are a lot of things going around me that is proving I'm a worst personality and devil for some people, I agree coz I know mujhe cheeze samjh nahi aati hai and mai galti karti hu  but it doesn't mean that I'm not improving myself or not learning from it..mujhe der se ehsaas hota hai that I made a mistake and sometime I repeat too because I react very fastly but my intention is never wrong to people. Mai sakt hu lekin insaan hu. perfect nahi hu lekin perfect banna chahti hu.. 

Guys... Let's Document the Day~ Kyuki time flies and never waits for anyone. Aur waise bhi yaar, hum yahan jeene ke liye aaye hain, jeetne ke liye nahi.

Aaj subah meri aankh thodi late khuli. Uthte hi main bas bed par baithi thi aur almost 10 minutes tak overthinking karti rahi. Pata nahi dimaag mein kya kya chal raha tha. Phir finally bathroom gayi, fresh hui, ready hui aur office ke liye nikal gayi. Obviously, office late pahunchi. Thodi der baad jab main office ke bathroom mein gayi aur mirror mein khud ko dekha, toh pata nahi kyun... main bahot royi. Aur honestly, rona meri weakness nahi hai. Mujhe lagta hai kabhi kabhi ro lena bhi zaroori hai. It makes me feel lighter, aur shayad mujhe thoda better bhi banata hai. I truly believe Allah humare liye best hi karenge, bas humein thoda sabr rakhna hai.

Office aakar maine kuch kaam kiya. Pinky ma'am ne bhi mujhe bola ki main hardworking person hu, aur honestly sab log kehte hain. Aur haan, main hu bhi. Kyuki mujhe darr lagta hai. Mujhe lagta hai ki agar main apni taraf se mehnat nahi karungi, toh shayad main woh nahi ban paungi jo main banna chahti hu. Mujhe lagta hai Allah meri mehnat ke through mujhe woh cheezein dete hain jo main chahti hu. Aur kabhi kabhi toh itna mil jaata hai ki mujhe khud lagta hai... shayad main itna deserve bhi nahi karti.

Phir lunch ka time hua. Aaj lunch mein dal thi—aur haan, Gujarati log dal mein sugar daalte hain 😂—rice, patta gobhi aur hare matar ki sabzi thi. Maine ek roti bhi khaayi. Almost 24 hours ke baad main properly kuch kha rahi thi, isliye ekdum se zyada khana bhi mushkil lag raha tha. Thoda thoda karke khaaya. Uske baad thoda kaam kiya aur phir main neeche gayi kyunki mujhe moisturizer aur hair serum lena tha. Mere paas dono nahi the. Toh maine Ponds ki cold cream, face wash, lip balm aur kuch chhoti-chhoti cheezein le li jo ek baar use karne ke purpose se chahiye thi. Total around ₹103 ka bill hua.

Jaise hi 3 PM hue, main ready hona start ho gayi. Aur guys, sach bolu? Jab hum achhe amount mein moisturizer use karte hain na, toh makeup itna beautifully blend hota hai. Face ekdum clear aur smooth lagta hai. Aur mera lipstick bhi perfectly laga tha, and the credit goes to my lip balm! Mujhe ready hone mein usually 13–15 minutes lagte hain. Bas aaj mere hair ka scene thoda kharab tha because mujhe serum mila hi nahi. Toh hair kuch khaas acche nahi lag rahe the.

Btw, ek bahot acchi cheez hui aaj. kuch dino pehle.. Mere WhatsApp ka backup nahi tha aur suddenly mera WhatsApp delete ho gaya tha. Phir jab woh dobara download hua, toh mujhe laga meri saari memories gayi. But aaj Ki ne mujhe saari photos share kar di! And honestly, that was one of the best things that happened today. Woh photos sirf photos nahi hain. Memories hain meri. Aur main in memories ko kabhi erase nahi karna chahti. Thank you, Ki. 

Phir hum dono ready hokar photos click kar rahe the, videos record kar rahe the aur apne aap mein busy the. Aur humari Pinky ma'am... bhai sahab! She is even more aggressive than me. 😂 Woh hum par chillate hue bol rahi thi, "Jaldi karo! Kya kar rahe ho? Humein nikalna hai!" Aur phir hum finally nikal gaye. aur mere dimaag se aik ka bday gift bhi reh gya office mai.. almost 1 month se mujhe dena hai but mauka hi nahi mil pa raha hai..

Aaj mujhe sach mein bahot tareefein mili mere look ko lekar. So thank you, everyone! I think ab mujhe makeup karna thoda thoda aa gaya hai. 😂 Kabhi kabhi toh bina makeup ke bhi mera "no makeup, no wake-up" look ho hi jaata hai.

Btw, aaj event mein Aik bhi aaya tha, aur woh bhi kaafi late. But uska bhi apna hi ek flop adventure tha. 😂 Sunoge? Chalo, suna hi deti hu.

So, Aik works in Vikhroli in Urban company as a Manager and uske phone ki battery almost dead hone wali thi. Ab is situation mein usne socha ki ek power bank order kar leta hu. Toh janab ne Blinkit se power bank order kiya—Ghatkopar mein. But then usse yaad aaya ki bhai, main toh Vikhroli mein hu! 😂 Toh phir woh Ghatkopar gaya, phir wapas Vikhroli aaya... kyunki jitna mujhe pata hai, Blinkit mein address change ho sakta hai na! Pura idhar-udhar ka scene ho gaya. Finally usse power bank mila aur woh event ke liye nikal gaya. But kahani abhi khatam nahi hui thi. Beech mein jab woh local train mein tha, toh baarish ki wajah se train bhi ruk gayi. Matlab usne event tak pahunchne ke liye genuinely kaafi kuch face kiya. But the part that I really liked was... He still reached. Main abhi tak usse properly baat nahi kar paayi ki event kaisa laga, uska experience kaisa tha, ya overall feedback kya hai. Mere dimaag mein waise bhi kal raat se bahot kuch chal raha tha, aur honestly main full energetic nahi thi usse baat karne ke liye. But Ki ne usse bahot acche se treat kiya and he really enjoyed the event.

Hota hai na guys... jab hum kisi ko invite karte hain, toh humari responsibility hoti hai ki woh person event ko enjoy kare. Hum chahe kitne bhi busy ya distracted ho, we should make sure ki jo guest humare through aaya hai, uska experience accha ho. Aur khane ki toh baat hi mat karo. Humne aaj bahot zyada kha liya! Aur main aaj itni baar susu karne gayi hu... baarish, AC aur thand—sab kuch ek saath chal raha tha. 😂

Sach kahu toh aaj ke event mein woh vibe nahi thi. Mera mood chahe kitna bhi off ho, main usually apni problems ko side mein rakhkar enjoy kar leti hu. But aaj pata nahi... shayad merger wale logon ki wajah se tha, ya shayad meri apni energy hi low thi. Kya pata. But honestly, vibe missing thi.

Haan, khana best tha! Noodles, tawa pulao, pav bhaji, white sauce pasta, red sauce pasta, Manchow soup, Manchurian gravy, dahi puri, pani puri... aur end mein rabdi-jalebi! Sab kuch mast tha. Humne almost sab kuch taste kiya and honestly, food was really tasty. Bas red sauce pasta thoda zyada tangy tha, baaki sab best! Phir humne baatein ki, hasse, thoda time spend kiya aur finally ghar ke liye nikal gaye. Main aur Aik ek saath ghar ke liye aaye, but Rapido aur meri heels ne milkar mujhe pura thaka diya. 😂

Anyways... koi baat nahi. Main ghar late pahunchi. Mere do cousins bhi ghar aaye hue the. Thodi der baad woh chale gaye. Main fresh hui, but honestly, mujhe thoda accha nahi lag raha tha. Main bas kuch der chup-chaap baithi rahi. And somewhere inside, I was eagerly looking for someone who could just understand me. Phir maine Sabeb se baat ki. Uske baad phone charging pe lagaya aur chup-chaap so gayi.

Aaj ke din ke liye, aur mere paas jo kuch bhi hai uske liye, I am genuinely grateful. Even for my mistakes. Even for my guilt. Even for the things that hurt me. Because somehow, all of these things are teaching me something. They're making me think, understand and slowly grow. Shayad life isi ka naam hai. Hum sab kuch samajhna chahte hain, but jab reality saamne aati hai na, toh usse accept karna somehow bahot difficult hota hai. But maybe the real things in life are actually the best things. And the best thing I have in my life right now is my people. My 4lyferz. Unhe shayad kuch pata bhi nahi hota ki mere dimaag mein kya chal raha hai, main kis cheez se fight kar rahi hu, ya mujhe kis waqt unki zarurat hai... But somehow, their presence makes me stronger. Bas itna hi kehna hai—

Love you all. And I miss you all.

-Alhamdulillah.

-Safarnama