14.07.2026

Hii...

Yaar, pata hi nahi chal raha ki din itni jaldi kaise nikal rahe hain. Ek acchi baat yeh hai ki kaafi weak aur low feel karne ke baad bhi main genuinely hard work kar rahi hoon. Lekin buri baat yeh hai ki abhi bhi mujhe bahot kuch seekhna baaki hai, aur time manage karna aaj bhi meri weakest point hai.

Kal subah meri aankh 8:17 AM par khuli. Jaise hi time dekha, meri toh hawa hi nikal gayi. 😂 Fatafat ready hui aur office ke liye bhaagi. Lekin jaise ki expected tha... main late hi pahunchi. Attendance mein Absent mark ho gaya. Anyways... ab toh iski thodi si aadat ho gayi hai.

Thoda sa mood off bhi tha. IPO allot nahi hua. Ek taraf halka sa gussa aa raha tha, aur doosri taraf khud par hi hasi bhi aa rahi thi. Kabhi kabhi life bhi na... ajeeb combination de deti hai. 😅

Office pahunchte hi poora din almost SBI ke IPO ke around hi ghoomta raha. Clients ke calls, discussions aur IPO se related kaam mein itna busy ho gaye ki pata hi nahi chala din kab nikal gaya.

Aur phir kya...Shaam ne toh poore din ka mood hi change kar diya. Bahot maza aaya. Kyun aaya? Woh story main next blog mein pakka share karungi. Aur aaj ki ek aur highlight bhi hai... 

~LAKSH MAHESHWARI~

Jo log kahaniyon ki duniya ko follow karte hain, unhone pakka inka naam suna hoga.

Mujhe Laksh Maheshwari Instagram par random scrolling karte waqt mile the. Woh ek story suna rahe the, aur pata nahi kyun, unki storytelling aur baat karne ka tareeka mujhe bahot inspiring laga. Bas wahi se main unhe follow karne lagi.

Aur phir kismat ne jaise dobara darwaza khat-khataya. 😂

Ek din achanak unki videos meri YouTube feed mein bhi aane lagi. Ab yeh YouTube ka algorithm mujhe aaj tak samajh nahi aaya. Mere lectures ke beech achanak inki videos kaise aa gayi? But honestly... I'm not complaining.

Maine turant unki videos apni playlist mein save kar li.

Kal shaam lecture sunte sunte mera sir bahot dard karne laga. Socha thoda break leti hoon. Aur woh 2 minute ka break kab almost 2 ghante ban gaya, pata hi nahi chala. 😂

A story of Sahir, Amrita and Imroz

(Guys.. Mujhe yeh part perfectly Document karna hai..So I will Do this After my Exam Ends)