13.07.2026

Hii Guys...

Ooo haa... ek cheez main kal wale blog mein mention karna hi bhool gayi.

Kal raat meri aur Chand ki bahot der tak baat hui. Around 3:00 A.M. tak tho shuru mai hum bas random topics par baate karte rahe. Actually mujhe usse bahot dino se kuch important baat share karni thi, lekin time hi nahi mil raha tha. Kal finally mauka mila... Aur phir ek topic se doosra, doosre se teesra... aur pata hi nahi chala time kab nikal gaya.

BTW..maine Mere phone mein uss time do windows ek saath chal rahi thi. 😂 in the start of our chats. Ek side Chand ke saath baat ho rahi thi... Aur doosri side main chup chup ke Cocktail movie dekh rahi thi. Okay... okay... I know! 😂 -sorry..

Maine almost aadhi movie dekh li thi, phir beech mein pause kar di aur phir sirf baate hi baate chalti rahi. Agar next day office na hota, toh pakka aur bhi der tak jaagte rehte.

Aur idhar exams itne kareeb hain... Aur main aise risks le rahi hoon. 😵‍💫

Anyways... Let's document Monday.

Honestly, aaj ka din bahot hi simple tha. Office mein pura din itni neend aa rahi thi ki bas pucho mat. Lag raha tha meri body abhi bhi kal raat ke 3 baje tak jaagne ka badla le rahi hai. 😂 Pata hi nahi chala din kab nikal gaya. Ghar aakar sabse pehle maine Cocktail movie finally finish kar li. Kaafi time se aadhi chhodi hui thi, toh accha laga complete karke. Uske baad thodi padhai ki aur bas.

Waise aaj ki ek aur special baat thi... Aaj La.La ka college ka first day tha. Uske baare mein sunte hi mujhe apna first day of college yaad aa gaya.

Aur guess what... Main apne pehle hi din late pahunchi thi. 😂 Class almost full thi, isliye mujhe first bench par baithna pada. Waise bhi first bench usually khaali hi hoti thi. Itni saari details toh ab yaad nahi hain, lekin kuch kuch moments abhi bhi dimaag mein fresh hain. Mujhe toh yeh bhi halka halka yaad aa raha hai ki shayad mere bagal mein koi ladki baithi thi. Pata nahi sach hai ya meri memory khud hi story bana rahi hai. 😂 Isse pehle yeh yaadein aur fade ho jaayein, maine socha blog mein document kar hi deti hoon.

Shaam ko main aur Dara dono milkar La.La se uske first day ke baare mein bahot saare sawaal pooch rahe the.

"Teachers kaise the?" "Friends bane?" "College kaisa laga?"

Aur woh bhi bade maze se sab batata raha. Bas... aise hi baate karte karte din khatam ho gaya.

– Safarnama