12.07.2026

Hii Guys...

Sitting on a Tuesday and documenting my Sunday. I feel it's funny. 😂 Right now I'm sitting at the railway station waiting for someone, so I thought instead of scrolling endlessly on my phone, why not complete some pending work? Aur meri pending list mein sabse pehle aata hai blog writing.

Waise sach bolu toh Sunday mein kya hua tha woh mujhe properly yaad hi nahi aa raha tha. Dimaag par full zor lagana pada. Main literally apne aap se bol rahi thi, "Khush, yaad kar... Sunday ko kiya kya tha?" Aur phir achanak yaad aaya — arre haan, main toh poora din padhai kar rahi thi!

Baat kuch aisi hai ki Research Analyst ka exam difficult hai, yeh maine har kisi se suna hai. Aur sirf suna hi nahi, maine khud ek failure bhi face kiya hai. Isliye iss baar preparation ko lekar main thodi serious ho gayi hoon. Sabke recommendations par maine Pass For Sure ke question banks ka 30-day access le liya. Uska cost around ₹700 tha. Honestly, ek exam ke liye sirf fees hi expense nahi hoti. Uske baad bhi study materials, question banks aur bahot saare hidden expenses hote hain. Aur jab salary bhi limited ho, toh har kharcha soch samajh kar karna padta hai. Kabhi kabhi lagta hai agar paise thode zyada hote toh kitna time bach jaata. Bahot si cheezein aasaan ho jaati. But koi baat nahi, jo hai ussi mein manage karna hai. Main positive hoon aur sabse important baat — I believe in myself.

Poora din maine padhai ki. Beech mein shayad sirf do breaks liye honge. Aur finally maine saare question banks complete kar liye. Yehhhhh! Us moment par genuinely laga ki full paisa vasool ho gaya. Haan, beech mein around 30 questions ke baad thoda issue hua tha. Shayad maine kisi previous blog mein mention bhi kiya tha ki technical glitch ki wajah se mera paper automatically submit ho gaya tha. Uss incident ke baad thoda darr toh tha, lekin iss baar sab smoothly complete ho gaya. Mera poora set shaam ko around 7:12 PM tak finish ho gaya.

Uske lagbhag 15 minute baad main apni favourite jagah J.B. Nagar nikal gayi. Pata nahi kyun, lekin mujhe wahan walk karna bahot pasand hai. Main continuously do ghante se bhi zyada walk karti rahi. It was honestly a perfect walk. Mere face se continuously sweat aa raha tha, aur ghar pahunchne ke baad jaise hi maine mirror mein dekha, main ek second ke liye ruk gayi. Mujhe laga, "Yaar, mera face itna shine kyun kar raha hai?" Phir thoda dhyaan se dekha toh samajh aaya... glow nahi tha bhai, sweat tha. 😂 Khud par hi hasi aa gayi.

Walk ke baad maine mast pani puri khayi aur bas, Sunday ka end wahi ho gaya. Sach kahu toh aur kuch yaad hi nahi aa raha. Shayad iss Sunday ka hero koi exciting event nahi tha. 

– Safarnama