🦋DAY151: 01-06-2026: Welcome June in my Life🦋

01-06-2026

Hiii Everyone... Happy June 🥳🥳🥳

Abhi just full ro kar aayi hu... bahot zyada bura feel ho raha tha, so I wrote everything in my book. Kabhi kabhi sochti hu ek din yeh book bhi raddi mai chali jayegi aur koi mere thoughts padh kar sochega... "Kya hi overthinker thi yeh ladki." 😭

Ab yeh sab mai blog mai bhi post kar sakti thi, lekin yeh meri life ka ek part hai jo sirf document karne ke liye nahi balki samajhne ke liye bhi hai. Deep sochna normal hai, lekin kabhi kabhi mai itna zyada deep chali jaati hu ki khud hi apne thoughts ke samundar mai kho jaati hu. Aur mai kabhi nahi chahti ki mera Safarnama sirf sadness aur heavy emotions ka collection ban kar reh jaye. Dekho... abhi bhi mai ussi thought loop mai phasi hui hu.

♡ Khush... take a deep breath in... and breathe out 😤 Lovely... chalo ab apna din document karte hai.

As usual mai late hi uthi aur araam araam se office ke liye ready hui. Lekin aaj poora raasta mai apne thoughts mai hi gum thi. Phir ek mail dekha... aur uske baad jo hua usne mujhe andar tak hila diya. Mai literally ro padi. Woh normal aansu nahi the, woh heavy wale aansu the jo dil ke andar jama hui baaton ke saath bahar nikalte hai. Mujhe bas itni dua thi ki koi mujhe dekh na le. Mai chup chup kar ro rahi thi aur ussi waqt mujhe realize hua ki meri life mai ek ladki aisi hai jo mujhe shayad mujhse bhi zyada samajhti hai. Kabhi kabhi bas itna jaana ki koi aapko samajhta hai, enough hota hai khud ko sambhalne ke liye.

8:34 a.m ho rahe the aur mai train pakadne ke liye bhaagi. Vile Parle tak mai naat sharif sunti hui gayi aur ek line baar baar dimaag mai chal rahi thi...

"Chhodo sab kya sochenge..." 🙃

Office jaate hi maine apni book kholi aur LinkedIn bhi open kiya kyunki mai Parth Verma Sir ke 100 Days Challenge ko continue karne ki koshish kar rahi hu. Ussi mai mera aadha ghanta nikal gaya.

Phir maine ET (Economic Times) padhna start kiya.

Guys, first page dekhte hi smile aa gayi. 😭

Waooo yaar... RCB Won! ❤️🖤🥂 Congratulations Team RCB, Congratulations Virat Kohli.

Waise toh mai Gujarat Titans ko support kar rahi thi, lekin honestly do wickets girte hi mujhe feel ho gaya tha ki aaj ka din RCB ka hai. Aur sach kahu toh unke fans ke liye mai genuinely khush hu.

Ab padhai, news aur LinkedIn sab complete ho gaya tha. Time tha kaam ka. Lagbhag 3:30 tak maine kaam kiya, thoda TP bhi kiya aur phir 4 baje UTI AIF ka webinar attend kiya.

Speaker honestly fantastic the. Sab kuch samajh nahi aaya kyunki beech beech mai mujhe neend bhi aa rahi thi 😭 lekin debt market ke baare mai kaafi interesting insights mile.

Ab aata hai aaj ka twist.

Maine Blinkit se kuch printouts order kiye the. App dikh raha tha ki order exactly 5:00 p.m tak deliver ho jayega. Mai wait karti rahi...

5 baje...

5:30 baje...

6 baje...

Aur app pichle aadhe ghante se wahi dikhata raha...

"Arriving in 6 minutes." 😭

Na koi call, na koi update.

Bas fake hope.

Finally 6:03 p.m par maine address office se station update kar diya aur wait karna chhod diya. Train pakdi, Andheri pahochi aur seedha stationery shop ki taraf bhaagi kyunki aaj hi print nikalna zaroori tha.

Maine uncle se poocha, "Black and white print kitne ka?"

Unhone poocha, "Kitne pages hai?"

Maine kaha, "143 pages."Unhone bola, "₹215." Phir meri bargaining skills activate ho gayi. 😭

Maine kaha, "Thoda kam karo na uncle, binding bhi karwani hai." Unhone ₹20 aur add kar diye binding ke.

Total ₹235.

Maine phir kaha, "₹230 de du?"

Aur surprisingly unhone haan bol diya. 😭✨

Deal successful.Aur sabse funny part?Jab mere saare printouts nikal gaye tab Blinkit wale ka call aaya.

Maine kaha, "Aapne mujhe fool banaya aur maine aapko fool banaya by not cancelling my order." 😭

Seriously yaar, jis company ki identity hi speed delivery hai woh agar itna late kare toh kya hi bole.

Prints lekar maine Chand ko call kiya. Thodi der gupshup hui aur phir mai ghar aa gayi.

Ghar aakar Dara ne pasta banaya tha. Maine aadha khaya aur baaki Lala ko de diya. Phir mai aur Lala MLA office gaye ek documentation process ke liye.

Aur yaar...

Pehle office dhundo.

Phir office milne ke baad pata chala ki police verification bhi chahiye.

Matlab kuch kaam hua hi nahi.

Bas ₹100 auto ka alag se chala gaya. 😭

Aur aaj maine ek legendary mistake bhi kar di.

Form mai MAHARASHTRA likhna tha.

Aur maine likh diya...

MAHARASTRA. 😭😭😭

Bas ussi wajah se do forms kharab ho gaye aur ₹20 bhi waste ho gaye.

Already irritated thi aur uske upar yeh.

Mood aur kharab ho gaya.

Ghar aakar humne family ko saari requirements batayi aur phir khana khate waqt meri aur Dara ki bahot buri argument ho gayi.

Kabhi kabhi lagta hai mai samjhate samjhate thak gayi hu.

Har baar explain karna.

Har baar direction dena.

Har baar expect karna ki saamne wala samjhe.

Shayad ab nahi.

Shayad yeh last time tha.

Kyuki har argument ke baad mere dimaag mai itna noise ho jaata hai ki mujhe khud ko sambhalne mai time lagta hai.

Aur mujhe ab mental exhaustion nahi chahiye.Na perfect relationships.Na perfect understanding.Bas thodi si peace.Aaj ka din ajeeb tha. Kuch moments acche the. Kuch frustrating the. Kuch ne hasaya. Kuch ne rulaya. Aur end mai...Mai royi. Aur phir so gayi.

Allah Hafiz 🌻

Alhamdulillah for everything.

— safarnama 🤍