Date: 13-06-2026
Hello Guys... 🌸
Aaj bas ek chhota sa change share karna tha jo maine khud mein notice kiya.
Main bus mein thi. Window ke bahar dekhte hue apni hi thoughts mein khoi hui thi. ... wahi sab jo usually mere dimaag mein chalta rehta hai. Tabhi achanak ek crow ne mera attention kheench liya. Aur pata nahi kyun, bahot mahino baad kisi chhoti si cheez ne mujhe genuinely smile karne par majboor kar diya.
Waise mujhe uss crow ko kya bulana chahiye? Mujhe toh yeh bhi nahi pata ki woh he tha ya she. Chalo, documentation ke liye uska naam Bela rakh dete hain. Haan, Bela sounds good na? 🌸
Toh Bela road par tha, Western Express Highway ke paas. Neeche traffic ka poora hungama chal raha tha. Cars, bikes, buses sab apni speed mein aa jaa rahe the. Aur udhar Sir, Bela ki masti dekho... wahhh!
Woh kabhi idhar jump kar raha tha, kabhi udhar run kar raha tha. Itni traffic ke beech mein uski energy dekh kar mujhe hasi bhi aa rahi thi aur tension bhi ho rahi thi. Main mann hi mann soch rahi thi, "Yeh apni maut ki dawat khud hi de raha hai "
Lekin phir bhi meri nazar uspar se hat hi nahi rahi thi. Uski har jump ke saath mere chehre par smile aa rahi thi. Aur pata hai sabse funny baat kya thi? Usse dekhte dekhte mujhe apni hi yaad aa gayi.
Wahi masti... wahi "dekh lenge jo hoga" wala attitude... bina zyada dare, bina zyada soche, bas jeena. Kabhi kabhi lagta hai ki mere andar bhi thodi si Bela wali soul hai. Thodi si pagal, thodi si adventurous, aur thodi si careless bhi.
Traffic ki wajah se bus slow chal rahi thi. Toh maine apne left side mein baithe ek stranger uncle ko bulaya aur kaha,
"Uncle, dekho iss crow ko... kitni masti kar raha hai!" Uncle ne bhi bahar dekha aur muskura diye.
Phir bole,
"Beta, woh crow shayad bachcha hai. Ho sakta hai abhi properly fly karna seekh raha ho."
Aur hum dono usse dekh kar smile karne lage. Tabhi jaise Bela ko humari baatein sunai de gayi ho...
Usne ek badi si jump maari. Phir thoda sa hawa mein udaa. Aur dheere se jaakar ek pillar par baith gaya. Aur phir... Bela flew away. Waaoooo...
Sach bataun toh uss moment ne mujhe bahot khush kar diya.
Pata nahi kyun, lekin usse dekh kar laga ki hum sab bhi life mein kuch na kuch seekh hi rahe hote hain. Kabhi girte hain, kabhi jump maarte hain, kabhi lagta hai ki nahi ho payega... aur phir ek din achanak pata chalta hai ki hum toh udna seekh gaye.
Thank you, Bela. 🤍Meri Morning special banane ke liye.
Mujhe meri hi ek purani jhalak dikhane ke liye.
Main dua karti hoon ki tum bade ho jao, strong ho jao, aur ek din apne poore crow gang ke leader ban jao. 🐦👑
*****
Hello Readers and My 4lyferz... 🌸
Hmmmmm....
It's 11:59 p.m. and Saturday officially ends here...
Chalo phir, iss pyare se Saturday ko document karte hain. ✨
So, today I went to the office and came back home around 2:00 p.m. Aur ghar aate hi Abbu ne mujhe back-to-back kaam dena start kar diya.
And guess what? Aaj mujhe finally realize hua ki mujhe FOMO kyun hota hai. It's because of my dearest Abbu. 200% sure. He is a Dad, but bilkul mere jaise flower type insaan hain... bahot nazuk se. 🌸
Unko har kaam ke liye meri yaad aa jaati hai. Kabhi yeh laao, kabhi woh karo, kabhi yeh dekh lo. Aur mai bhi phir unki personal assistant banke ghoomti rehti hu. 😭
Then library wale bhai books deliver aur pick karne aaye. By the way, last month se maine koi book read nahi ki hai. Nowadays Dara is the one who is reading.
The books I returned were:
📚 The Man Called Ove
📚 Metamorphosis
Honestly, Dara ko Metamorphosis thodi hard lagi, so she didn't continue it and we returned it.
And the new book that arrived is:
📚 The India Song by Ruskin Bond.
Ruskin Bond ka naam sunte hi mujhe school days yaad aa gaye. Unke chapters humari English ki textbooks mein hote the, aur mujhe tab bhi unki writing bahot soothing lagti thi.
Then I did some t.p. (timepass 😌).
Aur baap re baap... Kitni garmi hai!
Sach mai, garmi ki tadap alag hi level par chal rahi hai. Fan bhi kaam kar raha hota hai aur phir bhi lagta hai hawa kahin aur hi jaa rahi hai. 😭 Uske baad thodi padhai ki. Aur shaam ke 7 baje ke baad... Full T.P mode activated. ✨😂
Lekin ek cheez jo mujhe bahot achhi lag rahi hai, woh hai mere andar aa raha change. It's not something completely new. It's more like... I'm getting my lost self back. Aur nahi, mai khud ko force nahi kar rahi.
Maybe 10% effort consciously daal rahi hu jab overthinking start hoti hai. But baaki 90% naturally ho raha hai. Mai phir se strangers ke beech rehna enjoy kar rahi hu.
Logon ko observe karna. Unki smiles notice karna. Unki baatein sunna.
Aur honestly, mujhe yeh version pasand aa raha hai. 🌸
Waise guys... Aaj kal mai Abbu ka itna kaam karti hu ki aaj unhone mujhe reward bhi diya.
A straight ₹500 note. 😭✨ Aur maine kya kiya? Turant usse apne gullak mein daal dena.
No discussions. No spending. Direct savings mode. 💸😂 Kabhi kabhi mujhe aisa feel hota hai ki mere siblings mujhe utna pasand nahi karte jitna Ammi aur Abbu karte hain. Aur honestly... Ho sakta hai yeh feeling galat bhi ho. Ho sakta hai sahi bhi ho.
But one thing I know for sure is that Ammi aur Abbu ne mujhe hamesha woh sab diya jo maine maanga. Unhone mujhe support kiya. Trust kiya. Aur bahot pyaar diya. Aur shayad jo kuch mai aaj karti hu unke liye, woh mera return gift hai.
Mera shukriya hai. Meri taraf se.
Meri life ka sabse bada goal bahot simple hai. Mai chahti hu ki Ammi, Abbu aur hum sab siblings hamesha ek saath rahein. Har khushi share karein. Har mushkil mein ek dusre ka support banein. Aur ek din hum sab woh life jee sakein jo humne sapne mein dekhi hai.
Khushi wali.
Sukoon wali.
Family wali. 🌸
Aur ek aur baat...
Mujhe bahot bura lagta hai jab log dusron ko bad-dua dete hain. Haan, mai kabhi kabhi harsh ho sakti hu. Gussa bhi karti hu.
But honestly... Agar aap kisi ko dua nahi de sakte, toh kam se kam bad-dua bhi mat dijiye.
Because har insaan apni life mein kuch na kuch ladai lad raha hota hai. Aur mai bhi. Mai har din mehnat kar rahi hu. Apne dreams ke liye. Apne parents ke liye. Apne future ke liye. Aur meri bas ek hi dua hai... Ki ek din mai Ammi aur Abbu ko woh zindagi de saku jo woh deserve karte hain. Aur hum sab saath rahein. Happily. Always and forever. ❤️
Good Night, Readers and My 4lyferz... 🌙✨
-Allhumdulilah
~ Safar Nama 🌸
Acha lga pdhke 🥺
ReplyDelete