DAY 154: 04-06-2026: bahot din baad aaj mai walk par gayi..

04-06-2026

HII!!!! My Readers 🌸

Kaisi chal rahi hai life? raat ke perfect 10:00 baje, after a long and refreshing walk, main ghar wapas aayi. Aur guys... rukko rukko, Shuru se Kahani batati hu.

Subah meri aankh exactly 7:00 baje khuli. Waise technically aankh toh khul gayi thi, lekin uthne mein poore 20 minutes lag gaye. 😭Finally jab main bed se uthi, toh seedha mere cloth shelf ke saamne jaakar Dress decide ki, aaj purple suit pehnungi.Fresh hokar, gusl karke, hair wash karke I was Changing my Clothes, peeche se Ammi ki awaaz aayi: "Jaldi kar khush!"

Aur phir meri daily marathon shuru ho gayi.

Time ho raha tha 8:08 AM.Main literally sab cheezein bag mein aise daal rahi thi jaise KACHRAAAA. Lunch box, purse, bottle, earphones, BOOKs... jo haath mein aaya bag mein ghusa diya aur seedha Bus stop ki taraf bhaagi.Bus mai ek seat khali thi but I ignored to seat because uncle mujhe sahi nahi lag  rahe thee (Not judging).And womens ki reserved seat mai uncles hamesha baith jaate hai but Mujhe uthana nahi tha so I continue standing and guess what mujhe ek saath 2 seat mili..Ek baat tho sach hai sabr karo allah is there for us always..

Earphones kaan mein the.Naat Sharif chal rahi thi.Aur main train pakadne ke mission par thi.

Office surprisingly time par pahunch gayi.Sabse pehla kaam maine apni incomplete blog post finish karna kiya. Uske baad LinkedIn post publish ki. Honestly speaking, LinkedIn mujhe pehle boring lagta tha.Lekin ab main wahan thoda time spend karne lagi hoon. Logon ke career journeys padhna, experiences samajhna, industry insights dekhna...Interesting lagne laga hai. Abhi mera motive hai ki roz thoda seekhu aur explore karu.

Phir shuru hua woh kaam... Jo mujhe bilkul pasand nahi hai.Office work.😭 Sach kahu toh mujhe lagta hai main jaldi hi ye job chhod dungi.Nahi, company ki wajah se nahi.Bas isliye kyunki mujhe lagta hai mera dil kahin aur hai.Main kuch aur karna chahti hoon.

Lekin kya? Mujhe khud nahi pata.Shayad yeh wahi phase hai jiske baare mein log bolte hain:"Finding Yourself."Meri Chand ki language mein:"This is our Trial and Error Phase."Bas farq itna hai ki meri life mein abhi trial kam aur error zyada chal raha hai. 😭

Lunch ke pehle maine apna kaam complete kiya aur break ke liye bahar gayi.Wahan se maine Kurkure Corn Puff liya.Aur lunch mein aaj tha:

✨ Pulav
✨ Corn Puff
✨ Office ka favourite Gujarati meal menu mein tha:

• Dal Rice

• 5 Roti

• Sabzi

• Papad

• Peri Peri Chips

• Mango Achar by our cilent mr.Thakkar (Senior citizen)

• Mango 

• Dragon Fruite (Yeh meal Pinky maam ke taraf se aati hai)

Lekin lunch ke dauraan ek cheez mujhe phir hurt kar gayi. Hamare client uncle jo senior hain, unke saath mere seniors ka behaviour mujhe accha nahi lagta.

Kabhi kabhi lagta hai logon ki value unke paise se decide ki jaati hai. Aur mujhe yeh baat bahut buri lagti hai.

Aaj maine ek aur reality notice ki. Agar tumhare paas paisa hai, log tumhe attention denge.Respect denge.Tumhari baat sunenge.Aur agar nahi hai...Toh kai log tumhe notice bhi nahi karenge.Har jagah nahi hota, lekin kaafi jagah hota hai.

Corporate life ka ek aur lesson: Agar tum achha perform kar rahe ho toh log tumhare aas paas rahenge. Tumhari tareef karenge. Lekin jab tum struggle kar rahe hote ho, tab bahut kam log genuinely poochte hain:"Are you okay?" Isliye agar tum corporate world mein naye ho...

Skills seekho. Khud par bharosa rakho. Aur apni problems solve karna seekho.Kyuki aakhir mein kaafi battles tumhe khud hi ladne padte hain.

Lunch ke baad mujhe thodi neend aa rahi thi. Washroom gayi, face wash kiya aur phir RM aa gayi. Honestly... Main unki life jaisi life nahi chahti. Lekin unke confidence aur professionalism ko zarur admire karti hoon. She work in MO ke Head Office mai.Perfect corporate lady. Phir unhone mujhe resignation letter drop karne ko bola. Aur ussi moment mujhe phir laga... "Mujhe yahan survive nahi karna."

Baad mein webinar attend kiya. Pathshala wala live test bhi diya. Passing marks the 70%.Aur guess karo?Mere aur mere 76% aaye. 😭

Alhamdulillah!Pass ho gayi. Warna poore group mein..LIVE ZOOM MEET MAI BEIZZAT HO JAATI..

Phir maine 1HOUR study ki. Aur din ke end mein K Sir ne kuch aisi baat keh di jo dil ko lag gayi.Shayad unhe nahi pata main andar se kitni mehnat kar rahi hoon. Log mujhe cool aur carefree dekhte hain. Lekin mere andar kitni ladai chal rahi hai...Woh sirf Allah jaanta hai. Dil halka karne ke liye maine diary likhi.

Aur phir finally ghar jaane ka waqt aa gaya. Station par Adi ka call aaya.Lekin network ne Call disconnect karwa diya. 😭

Uske baad main Xerox shop gayi prints lene. Guys...Wahan ke uncle kaam itni speed se karte hain ki dekhkar hi maza aa gaya. 

Aur phir meri favourite activity: Walk. Aaj ki walk special thi. Batati hu aage aage read kro..

As soon as I crossed my gali. I called Adi q ki call disconnect hue thi..and literally mai bahot baat ki hu. Aur Jisse mujhe baat karni thi, usse baat nahi ho paayi. Usne call kiya aur main busy thi.Maine call kiya toh woh busy thi. Life bhi na... 😭Lekin uska text aaya aur mujhe accha laga.I feel Good.

Phir Batao batao mai on call Me and Adi decided "Chalo Falooda peene chalte hain."Bas.

Aur mujhe aur kya chahiye tha? Usne Rose Falooda order kiya. Maine American Ice Cream li.

Aur guys... Woh jagah honestly best thi.Ek chhota sa ice cream truck. Lekin vibe? 10/10. ek din Dara and 4lyfers and sabko yaha laugi best Icecream hai...

Iss moment par mujhe realize hua:Mujhe expensive cheezein nahi chahiye.Mujhe bas walk karna pasand hai. Roads par ghoomna pasand hai. Apne logon ke saath baith kar baatein karna pasand hai. Unke saath waqt guzarna pasand hai. Bas wahi life mujhe khush karti hai.

Mujhe apne 4lyferz ki yaad aa rahi hai.Kab milege hum sab? Kab phir woh masti hogi? Kab phir woh vibe hogi jahan main feel karu:

"Haan. Main zinda hoon."

Waise aaj ka blog bahut lamba hone wala hai.

Abhi bhi raat ke 11:00 PM ho chuke hain aur mere paas aur bhi stories hain. 😭 Aaj ek call bhi aaya tha ek famous classes owner ka.Where my lala was studing Unhone mujhe poocha: "Tum B.F.M kar rahi ho na?"

Phir pata chala unki daughter ka admission BIRLA College mein hua hai. onversation kaafi interesting thi. Woh apne bachchon ke future ko lekar genuinely concerned the. Aur unki baatein sun kar mujhe laga... Parents kitna sochte hain.Kitni tension lete hain. Kitna plan karte hain. Sirf apne bachchon ke liye.

And Mere mann mai chal raha tha.To whom sir is asking me ??? mujhe khud guide ki jarurat hai..

Us conversation ke baad maine khud se ek promise kiya. Jitna ho sakega...Main students ki help karungi.

Education ke liye. Guidance ke liye. Confidence ke liye. Kyuki har bachcha deserve karta hai kisi ka support.

Aur haan... Aaj maine ek financial crime bhi kiya. 40 ki Bhindi lakar.I said 80 ki hue.

Please mummy ko mat batana.

Abhi main face wash karke laptop lekar baithi hoon aur yeh pyari si shaam document kar rahi hoon.

Aur end karne se pehle...

Thank you Sababeb.Thank you Chand. (Love U)

Tum dono shayad nahi jaante, lekin jab bhi tum log comments ne mujhe 2 - 3 din se support fell karwaya hai.

Mujhe bahut accha lagta hai.Jaise kisi ne virtual hug bhej diya ho. ❤️

Aur meri Darling...Do baar call kiya. Message bhi kiya.Reply nahi aaya. Main dua karti hoon woh theek ho.

Khush ho.Bas itna hi. mai Gusaa bhi hu usse

Last Note 🌸

Allah...

Mujhe nahi pata aap mujhe kis cheez ke liye prepare kar rahe ho.

Shayad yeh meri faith ki test hai.

Shayad yeh meri growth ka phase hai.

Shayad yeh dono.

Lekin mujhe itna pata hai...

Main aap par bharosa karti hoon.

Aap meri life ke writer ho.

Aur aap jo likhoge, woh mere liye behtareen hi hoga.

Alhamdulillah for this day.

Alhamdulillah for the people I love.

Alhamdulillah for the lessons.

Alhamdulillah for the journey.

Love to all my close ones. ❤️

Dil se.

– Safarnama ✨

The best ..part of my day