01–05–2026 🌙
Hii…
Aas paas itni tez dhoop hai ki lagta hai suraj ne aaj personal dushmani nikaalne ka decide kar liya ho… ☀️
Ghar ka haal? Full bikhra hua… bed pe pillows ka jungle… aur main—laptop leke speed mode mein blog likh rahi hu, bas shaam hone se pehle post complete ho jaaye.
Aap sab batao… kaise ja rahe hai aapke May ke din?
Yaha toh garmi ka level aisa hai—fan bhi bas showpiece lag raha hai 😭
But honestly… main aaj bahot khush hu 🤍
Kyuki 3 din ki chutti mili hai—
1st May – Maharashtra Day
2nd – Saturday off
3rd – Sunday
Matlab—mini vacation mood ON!
Aur humne plan bhi bana liya tha…
“Hum” = main (Kali), Dara, Golu & Lala 💛
Aaj hum gaye Versova Dargah… waha Urs chal raha tha—so jaana toh banta hi tha.
Thodi bheed ka darr tha… par Abbu ne chill karte hue bola—
“Ajmer jaisi bheed nahi hogi, jao aur enjoy karo.”
Aur haan… unhone 500 rupees bhi diye 😭
Ab honestly batao… 4 log aur sirf 500? Impossibleeee!
So baaki kharcha… obviously meri pocket se gaya 🥲 (around 900)
Khane ka bill sabse heavy tha—baaki sab manageable.
Shaam 4 baje nikle… 120 ki cab… aur hum full excitement ke saath pahoch gaye.
Waha jaakar wazu kiya, ziyarat ki…
Main khud andar nahi gayi… par door se dua zaroor maangi 🤲
Ek baat share karu?
Meri dua bhi meri tarah thodi confused thi…
Pehle maine woh maanga jo shayad mujhe nahi maangna chahiye tha…
Phir khud ko samjhaya… aur sirf wahi maanga jo mere haq mein ho.
Dua ke waqt… aansu ruk hi nahi paaye…
Shayad kuch baatein sirf Allah ke saamne hi nikalti hai…
Phir siblings mode ON 😭
Main bahar wait kar rahi thi… aur andar Dara & Golu ka mini fight chal raha tha…
“Paise de, main ghar ja rahi hu!”
Aur main bhi turant de di… lekin obviously… woh gayi nahi 😭
Ziyarat ke baad hum bahar aaye…
Aur waha ka mela vibe—ufff 🤍
Lights, stalls, log… sab kuch itna alive tha.
Mere bhai-behen ne shopping bhi ki…
Aur main? Mujhe kuch pasand hi nahi aaya… so nothing for me today.
Phir cab milna mushkil… toh hum walk karke beach tak aaye…
Aur Versova beach ki vibe—
Thandi hawa… lehron ki awaaz…
Andhera… bilkul natural… koi lights nahi… bas raat 🌊🌙
Aur piche se kisi ne play kiya—
“Mitwa…” 🎶
“Jo hai ankahee, jo hai ansuni…”
Yeh line aaj dil mein utar gayi…
Aapka favourite song kya hai?
Beach pe humne photos liye (thodi gandi wali bhi 😭)
Aur finally cab mili… ghar wapas—Alhamdulillah.
Cab mein bhi full comedy scene hua—
Main beech mein baithi thi… aur ek sudden speed breaker…
Driver ko dikha nahi… brake maara…
Aur main seedha aage gir gayi 😭
Sab hasna control kar rahe the… par driver ko toh hasi aa hi gayi…
Aur phir hum sab bhi hasne lage 🤍
Aaj ka din… simple nahi tha…
Par beautiful tha.
Sabse zyada jo feel hua—
Woh tha freedom.
Main kahin bhi ja sakti hu…
Main apni life khud jee rahi hu…
Aur apne bhai-behen ko bhi saath le ja sakti hu…
Yeh azadi… har kisi ko nahi milti.
Alhamdulillah for this beautiful freedom. 🤲✨
Allah… mere siblings ki har dua qubool karna… Ameen 🤍
Shukr. Alhamdulillah for everything. 🌙
— Safarnama
No comments:
Post a Comment