Saturday, 4th April 2026 | Safar Nama 🌙
Hii… kaise ho aap sab?
Aaj ka din thoda alag tha…
pata nahi kyun, lekin subah se hi dil mein ek ajeeb sa heaviness tha.
Waisa wala feeling jiska koi clear reason nahi hota… par woh jaata bhi nahi.
Aaj subah thodi jaldi aankh khul gayi thi — around 4:41 a.m.
Abbu jaa rahe the, aur mera mann tha unhe wish karne ka…
lekin ghar ka scene thoda rush wala tha.
Abbu aur Ammi dono packing aur kaam mein busy the…
aur main bas aankh aadhi khol kar dekh rahi thi.
Uthne ka mann nahi hua…
toh main wapas so gayi.
Phir jab 10 baje properly uthi, toh ek chhoti si relief feel hui —
kam se kam maine Abbu ko jaate hue dekh toh liya.
Pata nahi kyun, lekin woh chhoti si baat bhi dil ko thoda sa sukoon de gayi.
Aaj mujhe bank bhi jaana tha.
Abbu ne 2017 mein pension account open kiya tha, aur ab woh dormant show ho raha tha.
Lagataar messages aa rahe the —
“activate karo warna RBI mein transfer ho jayega.”
Last month gayi thi, par documents incomplete the.
Aaj atleast forms le aayi.
Beech mein ek message aur aaya —
₹6,036 credit hua.
Thoda sa smile aaya…
Abbu ko waise bhi paise ka instantly pata chal jaata hai. 😅
Aur phir ek second ke liye main ruk gayi…
Socha — mere paas already kitna kuch hai.
Mera Allah, meri family, mere friends…
aur haan, paise bhi.
Zyada ho ya kam…
par kuch toh hai.
Aur us moment par bas ek hi feeling aayi —
shukr.
Bank ka kaam expected se zyada time le gaya…
almost 3 ghante aise hi nikal gaye.
Uske baad pura din thoda ajeeb flow mein chala gaya —
thode plans, thodi laziness, thoda distraction.
Blog likhne ka socha tha…
par bas soch hi reh gaya.
Kabhi kabhi mujhe apna dimaag samajh hi nahi aata.
Kuch din aise hote hai jab bas mann karta hai
seedha ready ho jao aur bahar nikal jao — bina soche.
Bilkul ek chhote bachche ki tarah.
Mujhe lagta hai mujhe bahar ki duniya bohot pasand hai…
log, rush, awaaz, movement — sab kuch.
Woh sab mujhe alive feel karata hai.
Kabhi kabhi main imagine karti hu…
Agar mere paas bohot paise hue,
toh main poori duniya dekhna chahti hu.
Har jagah… har story…
Aur agar nahi…
toh bas ek last wish hai —
main apne sab logon se milu, unhe hug karu,
aur bolu ki main unse kitna pyaar karti hu.
Shayad wahi mera real ending hoga.
Uske baad maine khud ko bola —
bas, ab zyada overthink nahi.
Shaam ko main Eena aur Meena se mili.
Plan tha market jaane ka…
lekin obviously market band tha. 😅
Phir hum seedha metro pakadne bhaage.
Usse pehle jaldi jaldi ek chhota sa bento heart cake liya ₹250 ka
aur ₹60 ka “bride-to-be” sash.
Thoda chaotic tha…
par fun bhi tha.
Uske baad main purse dekh rahi thi.
Jo pasand aaye — ₹1100, ₹1200.
Budget ke bahar.
Phir thoda aur ghoomi…
aur finally ₹300 mein ek achha purse mil gaya.
Small win… but happy wala. ✨
Phir metro se ghar wapas.
Aur honestly…
ghar aate hi meri saari energy khatam.
Na padhai ka mann,
na kisi aur cheez ka.
Bas ek halka sa sadness wapas aa gaya.
Raat ko der tak jagti rahi…
aur around 2 a.m. so gayi.
Kuch din special nahi hote…
Kuch din bas… real hote hai.
Aur aaj waise hi ek din tha.
Allhumdulliah for all!!!!
— Safar Nama 🌙✨
No comments:
Post a Comment