💰📈DAY: 90: 01-04-2026 : A New Financial Year Begins .

— 01-04-2026: Thursday

Hiiiii… ki haal chaal?

Aaj 1st April hai — Happy Financial Year! 😄
Dua hai ki iss saal hamare paas itne paise aaye ki hum sirf kharch hi na kare… balki invest bhi karein aur profit bhi banayein. Ameen.

Aaj ki subah ekdum mast thi.
Main jaldi uth gayi aur seedha office pahunch gayi. Waha ek alag hi vibe thi — bilkul aisa lag raha tha jaise new year phir se start ho gaya ho.

Sach kahu toh kaam itna pending hai ki kabhi kabhi samajh hi nahi aata pehle kya karu aur baad mein kya.like end of march mai kaam bahot hote hai why my messed is in Start of April.

Office pahunchte hi maine apna din start kiya newspaper ke saath — The Economic Times.

Lekin first page par hi ek heavy news thi… Tehran par attack ki khabar.
Subah subah aisi news dekh kar mood hi off ho gaya. Dil mein bas yahi aaya — log mar rahe hain… main apna din aise start nahi karna chahti.

Isliye maine apna terminal bhi open nahi kiya — wahi jaha hum market dekhte hain aur trades deal karte hain.

Phir main bas padhte padhte study mode mein chali gayi.

Kyuki mujhe R.A. exam dena hai.
Plan yeh hai ki shayad poora April aur May ka half month preparation mein jayega. Inshallah mid ya end of May tak exam dene ka plan hai.

Agar sirf theory hoti na… toh 15-20 din mere liye kaafi hote.
Lekin yeh exam alag hai — calculations, valuation, real-life assumptions. Aur internet par itne zyada sources hain ki kabhi kabhi confusion ho jata hai ki kaunsa follow karu.

Finally, ghum phir ke main ek hi jagah par aake rukti hoon —
The Valuation School.

Agar kisi ko finance aur stock market pasand hai, toh unke short notes aur analysis kaafi clear hote hain. Sir literally scratch se concept samjhate hain.

Ab syllabus khatam hoga toh question bank bhi chahiye.
Uske liye maine PassForSure wali site use ki hai pehle bhi — kaafi helpful lagi thi. Aur kuch free mock-test websites bhi try karungi.

Waise mujhe abhi realize hua —
main yeh sab blog mein kyu likh rahi hoon? 😅

But chalo… ab likh diya hai toh erase nahi karungi.

Office mein pura din nikal gaya.
Aur raat aate aate bas itni energy bachi thi ki khaana khaya aur jaldi so gayi.

Aaj blog mein story thodi kam hai…
kyunki kaam thoda zyada hai.

Kabhi kabhi life simple bhi hoti hai —
kaam, padhai, dua… aur thodi si thakaan.

— Safarnama ✨