12-04-2026 | Safar Nama
Hii… kaise ho aap sab?
April 2026…
Aaj Sunday hai… par pata nahi kyun, bilkul Sunday jaisa feel nahi ho raha.
Kal hi mujhe feel ho gaya tha ki aaj ka din bohot hectic hone wala hai. Subah 9 baje hi nikalna tha… aur haan, main Andheri mein rehti hu… aur mujhe jaana tha Borivali.
Aur jo Mumbai travel jaante hai… unhe pata hai — yeh kitna tiring hota hai.
Main apne chachu ke ghar ja rahi thi… aur honestly, waha tak pahochna hi ek struggle hai.
Par iske peeche ek story hai…
Jab main 8th standard mein thi, tab mummy ne bola tha — “hume apna ghar lena hai.” Kyuki rent par rehne wale log kabhi kabhi humare behaviour ka fayda uthate hai.
Toh mummy papa ne decide kiya ki Borivali mein ek chota sa flat lete hai. Par problem simple thi — paise nahi the.
Toh mummy ne socha ki jo jewellery hai… usse manage karte hai.
Mujhe aaj bhi yaad hai… humne relatives se paise maange… bohot jagah se.
Aur phir humne ek 1 BHK liya — mortgage par.
Loan lena hi itna easy nahi tha… par somehow manage ho gaya.
Uske baad humne apna current room bhi change kiya… deposit diya… aur finally jab main 8th mein thi, tab hum apne ghar mein enter hue.
Woh feeling… jaise ek sapna poora ho gaya ho.
Par ek baat hai… loan lena shayad easy lagta hai… par repay karna — bohot tough hota hai.
Loan ke baad mummy ko health issues hue… aur iss saal mujhe bhi.
Mujhe Mumbai mein rehna bhi initially comfortable nahi lagta tha… bahar jaana bhi thoda scary lagta tha.
Aur iss sab ke beech… maine Abbu ka woh face dekha… stress wala.
Aur us moment par mujhe laga… main failure hu.
Par sach yeh nahi tha. Woh bas ek phase tha.
Loan ka pressure, ghar ka tension… sab kuch ek saath.
Par Alhamdulillah… iss saal Abbu ne apna business grow kiya. Aur dheere dheere sab better hone laga.
Mummy ne apni jewellery bhi bechi… bohot mushkil se. Aaj bhi woh tension leti hai…
Aur hum… aaj bhi ek simple room mein rehte hai… jahan heater bhi nahi hai.
Par phir bhi… hum khush hai 🤍
Aaj main aur Ammi sach mein Borivali gaye… aur waha jaake realize hua ki stations kitne change ho gaye hai.
Pehle direct jaate the… ab metro, change, route… sab alag.
Dahisar (E) se change kiya… phir Kashigaon last stop… phir aage chalna…
Honestly… itna travel kiya humne ki bas thak gaye.
Almost 2 ghante ke baad finally hum pahoche.
Jaane ka reason simple tha — ghar ka repair dekhna. Door bohot kharab ho gaya hai.
Par waha jaake… sab ulta ho gaya.
Half kaam hua… koi clarity nahi.
Aur mujhe ek cheez bilkul pasand nahi — no clarity.
Us moment par mujhe bohot gussa aaya… main aggressive feel karne lagi.
Maine Ammi ko bola — “Chhod do… Abbu aane do, woh decide karenge.” Kyuki sach mein… woh hi hume best guide karte hai.
Toh humne decide kiya — chalo wapas chalte hai.
Wapas aate waqt maine ek bread cutlet liya… aur ek garam samosa. Par sach bolu… mujhe khane ka mann nahi tha. Phir bhi kha liya.
Pata nahi kyun… andar se uncomfortable feel ho raha tha.
Metro mein thi tab “Darling” ka message aaya… woh apna convocation stuff lene aa rahi thi.
Phir woh mujhe drop karne bhi aayi.
Aaj mummy ke saath bhi kaafi baatein hui… aur pata nahi kyun… maine ek aur samosa kha liya 😅
Phir hum dono nikle… half way par drop ho gaya… aur main literally sweating thi — itni garmi thi.
Ghar aake maine story lagana start ki… aur phir suddenly vibe aa gaya 😄✨
Aur phir… mere K Boss ne meri video post ki.
Aur honestly… woh meri day ka highlight tha.
Us moment par mujhe bohot gratitude feel hua.
Kabhi kabhi na… chhoti si cheez bhi poora din bana deti hai.
Aur shayad… unki wajah se hi main aaj financial market mein hu.
Apne dreams ke closer hu ❤️
Aaj ka din hectic tha… thoda emotional bhi… thoda tiring bhi…
Par end mein ek hi feeling hai — Alhamdulillah 🤍
— Safar Nama 🌙
No comments:
Post a Comment