🏢✨DAY 82:Safar Nama

24-03-2026 | Tuesday | 

Hii… kya haal chaal?
Aaj main time par uth gayi — around 7:20 a.m.. Jaldi se naha kar office ke liye ready ho gayi. Maine socha tha ki aaj mast traditional suit pehen kar jaungi, lekin obviously… aisa kaise ho sakta hai. 😅

End mein kya hua?
T-shirt aur jeans hi pehen li aur seedha office ke liye nikal gayi.

Nikalte waqt tiffin aur gift boxes arrange karte karte thoda late ho gaya. Phir maine West jaane wali bus pakdi.

Aur bhai sahab…
bus wale uncle ji itni slow bus chala rahe the, upar se traffic bhi full bhara hua tha. Us moment pe mera dimaag sach mein kharab ho gaya.

Phir maine socha —
jab late marking lagni hi hai, toh tension lene ka kya fayda?

Isliye main aram aram se office jaane lagi…
na koi dar, na koi tension…
bas chill mode on. ✨

Office pahunch kar thodi der baad maine sabko chocolates gift ki.
Sab log bahot khush hue, aur honestly mujhe bhi bahot accha laga.

Aur guess what…
Pinky Ma’am ne mujhe Eidi bhi di.

Us waqt mere face par itni badi smile thi, jaise Gandhi ji seedha mere heart mein aa gaye ho. 💸😄
Unko toh obviously reject nahi kar sakti thi, isliye maine thank you so much kaha aur Eidi le li.

Phir kya…
office ka kaam, phir office se ghar.

Bas isi tarah main aur meri zindagi chal rahi hai.

Aur haan…
mera phone, reels aur Instagram ne mujhe aur bhi badnaam kar diya hai. 📱😂

That’s it for the day.
Alhamdulillah. 🌙

— Safar Nama ✨

Din chhota sa tha, par ek kahani de gaya,
Zindagi ka safar aise hi har roz kuch likhwa gaya.