DAY77:“Ramadan ke aakhri din aur 4Lyfer ke saath bitaya hua waqt — bas isi ko kehte hai asli khushi.”

19-03-2026 | Ramadan – Day 29

Ramadan ke aakhri din… aur dil mein ek ajeeb si khushi, kyunki aaj finally 4LyferS ka plan ban gaya.

Hii Hii Hii…

Aaj main level-up wali khushi mein hu. Itni cold war, itni choti moti fights aur itne discussions ke baad finally aaj hum 4LyferS milne wale hai.

Aur guess what?

Yeh humara iss saal ka first plan of 2026 hai

Alhamdulillah… aakhir ban hi gaya.

Waise toh hum kabhi kabhi milte rehte hai individually, lekin aaj hum chaaro ek saath milne wale the, aur woh excitement alag hi hoti hai.

Subah ke 11 baj rahe the, lekin WhatsApp group bilkul silent.

Na koi message, na koi reply.

Mere dimaag mein bas ek hi thought chal raha tha —

“Jaau ya na jaau?”

Phir maine apni Chandyaari ko call kiya.

“Tum nikli?”

“Nahi.”

Aur main phir confusion mein… niklu ya wait karu?

Gusse mein maine group mein message drop kar diya —

“Koi aa bhi raha hai ya nahi?”

Thodi der baad meri Beb ka call aaya.

“Tum group mein kya message daal rahi ho?”-aggresively

Maine uski baat ignore ki aur seedha poocha —

“Tum nikli kya?”

She said… “Yes.”mai raste mai hu 

Bas… us moment mujhe relief mila.

Matlab plan pakka hai.

Yehhhhhhh.

Main aur meri sis Dara turant ready hue aur bhaagte hue bus pakdi.

Aur guess what…

Hum sabse pehle pahunch gaye.

Baad mein call karke pata chala ki Chandyaari already pahunch chuki thi aur chup-chup ke ganne ka juice pi rahi thi.

Lol… mazaak kar rahi hu.

Hum sabka roza tha, toh obviously woh humse hide kar rahi thi.

Phir hum garden mein mile aur baatein, gossip aur full panchayat start ho gayi.

Thodi der baad meri Darling bhi aa gayi…

Aur bas 4Lyfer officially complete ho gaya.

Yehhhhhhhhh. ✨

Main unke liye ek chota sa gift bhi lekar aayi thi. Office se mujhe ₹600 ka voucher for Women's day mila tha, toh maine socha kyun na usse unke saath share karu.

Sach kahu toh…

Main unhe dil se bahut pyaar karti hu.

Aur meri dua hai ki Allah mujhe itna kabil banaye ki main unhe har khushi de saku… aur woh bhi hamesha khush rahe.

Baatein karte karte pata hi nahi chala time kaise nikal gaya.

Iftar ka time bhi kareeb aa raha tha, toh hum jaldi jaldi food lene gaye.

Humne order kiya:

Aloo chaat

Dahi papdi

Sukhi puri

Pav bhaji

Aur phir bhaagte bhaagte momos lene gaye…

Aur sach bolu?

Momos bahut hi kharab the.

₹400 mein sab aa gaya tha, lekin honestly sirf sukhi puri aur pav bhaji hi best thi.

Baaki sab… average.

Waise bhi jab 4Lyfers saath ho, toh time aur taste dono secondary ho jaate hai.

Kyuki unke saath waqt bahut jaldi nikal jaata hai.

Thodi der baad andhera bhi hone laga.

Phir Chandyaari ne mehndi cone mangwayi aur hum chaaro ne mehndi lagayi.

Honestly…

Yeh mera favourite moment tha aaj ka.

Kyuki humne kuch naya kiya saath mein.

Ek baat toh sach hai —

humare plans kabhi properly planned nahi hote.

Lekin phir bhi…

sab kuch apne aap itna pyara ho jaata hai.

Alhamdulillah…

Allah humari friendship ko kisi ki nazar se bachaye.

Phir dheere dheere ghar jaane ka time aa gaya.

Beb aur Darling nikal gaye.

Aur tab meri life mein aaj ek naya character ko mai introduce karwati hu aapse.

Mera cute aur handsome mu-bola bhai.

Khoon ka rishta nahi hai…

lekin kabhi kabhi khoon se bhi gehra lagta hai.

Uska naam hai Nu.

Mujhe uski vibe bahut achhi lagi.

Mujhe pareshan karna bhi usko pasand hai.

Aur meri duniya mein jahan main aksar men se door rehna pasand karti hu....., wahan Nu woh bhai hai jo mujhe respect karta hai, care karta hai aur mujhe waise accept karta hai jaise main hu.

Bas ek regret reh gaya…

Hum photo click karna bhool gaye.

abb Raat ho gayi thii like 10 ke baad hi hum nikle

Phir Chandyaari aur Nu ek auto mein chale gaye,

aur doosre auto mein main aur meri sis Dara.

Aur aaj ka din bas ek dua ke saath end karna chahti hu —

Ya Allah, waqt ke saath log milte bhi hai aur door bhi ho jaate hai…

lekin meri yeh request hai ki mere 4Lyfers ko hamesha mere saath rakho.

Humara bond aur strong ho,

hum hamesha milte rahe, haste rahe,

aur sab apni life mein kamyaab insaan bane.... Ameen

Alhamdulillah. Mashallah.

Aaj ka din bahut khoobsurat tha.

— Safarnama 🌙