😆DAY67: “A Lazy Sunday, Hidden Pomegranate & Family Teasing – Ramadan Day 18”

08-03-2026 | Ramadan Day 18

Aaj Sunday tha… ekdum mast wala.My fav Day
Aur abhi time ho raha hai 11:58 p.m.

Kal raat main almost 3:00 a.m. soyi thi… aur aaj uthi seedha 1 baje.

Jaise hi uthi, maine Golu se poocha:
“A kitne baje?”

Usne bola: “1 baj rahe hain.”

Aur uthte hi mujhe ek chhota sa trauma mil gaya 😅
Ghar par sab log apne apne Eid ke kapde alag kar chuke the tailor ko dene ke liye… aur usme mera hissa hi nahi tha.

Jab maine bola ki mujhe bhi dress stitch karwana hai, toh jawab aaya:
“Tum simple T-shirt aur pant pehen ....”

Bhaiii… yeh kya baat hui?
Thoda bura toh laga… lekin bas thoda sa hi.

Aaj waise bhi mera nahane ka plan nahi tha.
Brush ki, phone uthayi, aur anaar khane lagi.

Lekin main phone mein itni busy thi ki main bhool gayi ki mujhe chup kar khana hai.

Tabhi Abbu aur Lala aa gaye.

Unhone poocha:
“Roza nahi hai na?”

Main ek badi si smile ke saath boli:
“Agar khane ka box hai toh roza nahi hai.”

Wahhh… kya safe answer diya maine 😅

Aur ab kal se yeh dono mera mazaak bana rahe hain.
Waise bhi hamare ghar mein Ramzan ke time aise funny moments bahut hote hain.

Phir mummy tailor ke paas jaane lagi aur poocha kaun chalega.

Tabhi Abbu ki awaaz aayi — smile ke saath:
“Jo roza nahi hai usko le jao.”

Wahhh.
Mere kapde bhi nahi bane… aur mujhe hi bhej do?

Finally Dara aur Golu ready hokar nikal gaye.

Aur main ghar par baithi thi…
book padh rahi thi.

Lala ka geometry exam hai kal.
Bas dua hai:

Ya Allah, iss bacche ko pass kar dena. 🤲
Kyuki abhi bhi woh mere piche phone use kar raha hai.

Ek minute… rukna padega usse.

aagyi mai.. lets contine Aur Abbu bhi poora din phone use karte hain.

Main bas apni book ke saath thi.

Meri reading almost khatam hone wali hai.
44 pages out of 58 done.

Kal ya parso tak toh definitely finish ho jayegi.
Shayad kal hi khatam kar du.

Ab mujhe wapas book read karni hai, so bye.

Waise ek baat sach hai —
blog likhna bhi bahut time leta hai.

Maine shayad 10:38 p.m. par start kiya tha…
aur ab 12:11 a.m. ho gaye.

Beech mein bahut disturbances aate hain.

Phir bhi main blog likhne mein consistent hoon…
sirf apne dil ki wajah se.

Aur meri Divvi —
thank you for always taking follow-up of my blogs.

I love you a lot. 🤍

— Safarnama 🌙