26-02-2025 | Day 8 of Ramadan
Salam to the one who is reading…
Jo meri baat sunte hain na, mujhe woh log sach mein bahot pasand hain.
Agar kabhi main galat hoon — judge kar lo, correct kar do, jo kehna hai keh do.
Lekin bas faltu nahi. Kyunki sach sunna mujhe manzoor hai, beizzati nahi.
Aaj phir meri ladai hui.
Second behan — Dara.
Lekin aaj maine decide kiya — complain nahi karungi.
Na explain karungi.
Na prove karungi.
Let her do what she wants.
Har baar reaction dena zaroori nahi hota. div told me and I will what she told me
Aaj chutti thi, phir bhi office jaana pada. Dil waise hi heavy tha. Aur waha jaake
pata chala… “Mendak” ne meri sales le li.
Haan, meri mehnat.
Mujhe itna gussa aaya ke laga bas abhi bol du sab kuch.
Lekin maine khud ko roka.
Deep breath.
Roza sirf bhook ka nahi hota, nafs ka bhi hota hai.
Shayad Ramadan mujhe sabse zyada yahi sikha raha hai — control.hota bikul bhi
nahi hai lekin Im trying my best.
Phir aaya Jumma ka pyara din.
Masjid ki awaaz, dua ke liye uthe haath, aur dil mein ajeeb sa sukoon.
Aaj maine bahot ibadat ki.
Har sajde mein sirf yahi mehsoos hua —
Duniya chahe jaisi ho, Allah dekh raha hai.
Sales koi chura sakta hai.
Credit koi le sakta hai.
Log galat samajh sakte hain.
Lekin mere Rab ko sab pata hai.
Aur iss month ki sabse khoobsurat baat?
Dil toot ke bhi soft rehta hai.
Gussa aake bhi control ho jata hai.
Aur shikayat ke beech bhi shukar nikal aata hai.
I love this month.
I’m grateful for what I have.
Aur shayad thoda thoda strong bhi ho rahi hoon. ✨
-safarnama
No comments:
Post a Comment