💝DAY 76:“Ramadan Day 27… thodi neend ki kami, thoda office ka drama, thodi hasi gujju logo ke saath aur dil mein Eid ke aane ki halki si excitement.”

17-03-2026 | Ramadan – Day 27

Hii… Kem cho? Maja maa? 😄
Lol… itna gujju logon ke saath time spend karte karte mere dimaag mein bhi Gujarati awaazein ghoomti rehti hai.

Toh aaj ka din bhi wahi se start hua — office aur mere Gujarati colleagues ke saath.

Kal raat main Lailatul Qadr ke liye poori raat jaagi thi. Ibadat, dua, silence… woh raat waise hi special hoti hai. Lekin sach bataun toh uske baad meri aur Daraksha ki condition ekdum kharab ho gayi thi.

Humne sehri ki, aur phir literally bed par lash ki tarah gir gaye.
Sach mein… bilkul energy nahi thi.

Aur phir meri aankh khuli 10:40 a.m.

Jaise hi phone dekha, bas turant apne senior ko message kiya:
“Woke up late… coming as soon as possible.”

Aur phir kya…
bhaagte bhaagte office.

Ab toh yeh meri habit ban gayi hai — last moment pe bhaag kar office pahunchna.

Office pahunchne ke baad bhi honestly koi kaam nahi kiya. Main physically office mein thi… lekin meri soul abhi bhi bed par so rahi thi.

Pura din bas aankhon par paani maar maar ke khud ko jagane ki koshish karti rahi.

Finally ghar aayi, iftar kiya, aur phir ek aur confession…

Aaj maine hadd se zyada phone use kiya.

Sach mein bahut zyada.

Aur ab raat ko baith kar realise ho raha hai ki mujhe regret ho raha hai. Ramadan mein time aur bhi precious lagta hai, aur phir bhi kabhi kabhi hum usse waste kar dete hai.

Waise Eid bhi ab kaafi kareeb aa rahi hai.

Aur ek funny si baat — kal ke blog mein main mention karna bhool gayi thi ki mujhe meri first Eidi bhi mil gayi.

Haan… aur woh bhi mere favourite person ki taraf se.

Guess karo… boyfriend?

Na na na.

Meri Chandyaari ki taraf se.

Guess karo kaun hai meri chandyaari… 😌
Kabhi kabhi lagta hai agar woh meri boyfriend hoti na… toh shayad meri shaadi bhi ho gayi hoti ab tak.

But unfortunately…
yeh kabhi nahi hoga. 😅

Aur aaj kal ek aur cheez chal rahi hai —
4Lyfer mein thodi si cold fight.

Bas dua hai ki main apni zabaan sambhal lu, kyunki kabhi kabhi gusse mein lafz zyada tez nikal jaate hai.

Baaki…
din khatam, Ramadan ka safar bhi almost end par hai.

Alhamdulillah for everything. 🌙💝