16-03-2026 | Ramadan Day 26 🌙✨
Oyeee hoyeee… welcome to my blogging era, where you’ll meet a small crazy flower 🌸 — choti si, but with big problems… aur woh bhi aise jo Allah nahi dete, balki khud hi create kar leti hai 😅
Aaj main bahot khush hu… pata hai kyun? Kyunki aaj ka din (ya kehna chahiye raat) mere liye bahot special tha 🤍
Subah Fajr ke time maine Quraan padhne ki koshish ki, lekin honestly main thodi slow reader hu. Mere andar woh regular habit nahi hai, but iss baar meri full niyat hai ki Ramadan ke baad bhi ibadat continue karungi, Inshallah.
Aaj sehri ke baad main soyi hi nahi… kyunki aaj thi ibaadat ki raat – Laylatul Qadr hai. Yeh woh raat hai jo last 10 of ramadan ke dinon mein aati hai (21, 23, 25, 27, 29), aur log specially 27th night ko zyada importance dete hain. Iss baar humne (Me & Fawdi) decide kiya ki poori raat jaagna hai.
Sach kahu toh halat thodi kharab ho jaati hai — fatigue, neend, sab ek side… but phir bhi hum dono ne poori raat jaagi 🤍
Aur iss raat ki sabse badi khushkhabri…
✨ Meri Quraan mukammal ho gayi ✨
Alhamdulillah. 🤍
Dil se shukr hai mere Allah ka — jo diya uske liye bhi, aur jo nahi diya uske liye bhi.
Love you Rasul-e-Pak and my dear Allah 🤍
Sach kahu toh mujhe unbelievable wali feeling aa rahi thi. Jab main last para (30th para) mein thi, specially Surah Al-Qadr par, main thodi der ke liye ruk gayi… emotional ho gayi. Mujhe aisa laga jaise Allah ne jaan-bujh kar mujhe slow rakha taaki meri Quraan issi special raat par hi mukammal ho. Niyat toh bilkul nahi thi ki itna delay hoga… but maybe this was His plan ✨
Aaj ki raat ka ek aur beautiful part tha — duaon ki list 📜
Itni saari duaein thi ki ab lagta hai aur bhi maangna chahiye tha… but jo bhi maanga dil se maanga 🤍
Beech mein thodi masti bhi hui, hasi-mazaak bhi… aur sach mein, raat ki thandak aur dil ka sukoon — next level tha. Aisa laga jaise duniya ka stress hi gayab ho gaya… even ye bhi bhool gayi ki mujhe office bhi jaana hai 😅
Ghar wale bol rahe the “raat mat jaago, office hai”… but kya karein, aisi raat baar-baar nahi aati.
Alhamdulillah for everything. 🌙🌸
No comments:
Post a Comment