24.08.2026

Hii Guys.. ❤️

So finally… corporate life is back! 😂

Aaj Monday tha, toh week ki beginning office se hi karte hain..

Office paas hai, phir bhi main aur jaldi uthti hoon so that aaram se ready hokar jaaun, kyunki bhai… it’s a full corporate! 😭😂

Jaldi se ready hokar lunch lekar main office ke liye nikal padi.

Honestly, office mein mujhe kaafi bore feel hota hai aur abhi toh thoda uncomfortable bhi lagta hai. It’s not really good… but theek hai.

No worries. Good things take time. 🌻

Office se ghar aate-aate main bilkul thak chuki thi. Kal garden mein main kitni energetic thi aur aaj dekho meri battery full 0% 😂

Shaam hote hi mera food mode ON ho gaya. 😭

Pehle Frankie… waoo!

Phir Maggi…

Uske baad Horlicks Power… 😂

Aur obviously… chai with butter!

Matlab shaam ki cravings ne aaj poora attendance laga diya. 😂Uske baad Daraksha ke saath thodi masti ki aur finally humne books cart mein add kar hi di! 📚❤️

Lekin order nahi kiya… kyunki almost 15–20 books ho gayi thi aur total bill around 3–4k jaa raha tha. Main toh expecting thi ki 2k ke aas-paas ho jaana chahiye. Aur honestly, main books se bhi fully satisfied nahi thi.So thoda research karke I will add it in my cart

Thoda ruk jaate hain.

Aaram se, thande dimaag se dobara books dekhungi aur phir order karungi, Inshallah. Maybe iss week ya next week. 📖✨

Phir half-way mein mujhe bathroom jaana tha, toh main neeche gayi… aur guess what?

Mere ghar ke saamne mujhe meri bachpan ki ek friend mil gayi. Sheef.

Ab woh pehle ki tarah humare ghar nahi aati, but honestly, I never feel bad about it. Uski mom-dad kaafi supportive hain, especially uski education ko lekar, aur woh mujhse bhi kehte hain ki usse guide karun.

Woh mujhe dekh kar smile kar rahi thi, toh main bhi ruk gayi. Humne almost 5–10 minutes baat ki. kisi apne se do minute baat karna bhi achha lagta hai.

Raat ko maine moon ke baare mein kuch likhne ki try ki… 🌙 Concept mere dimaag mein tha. Feel bhi ho raha tha. But pata nahi kyun, words mil hi nahi rahe the.

Kabhi-kabhi na, feeling andar bahut clear hoti hai…

but words us feeling tak pahunch hi nahi paate. Phir Meet sir se video se related baat hui—what we’ll do, kaise karenge, etc.

Aur uske baad pata hi nahi chala kab main so gayi. Aaj surprisingly bahut jaldi so gayi. 😂

Anyways… Day overall achha tha.

Aur aaj main bas khud se ek hi baat kehna chahti hoon— “Good things take time.”

Har cheez immediately perfect nahi hoti. Kuch cheezon ko settle hone mein waqt lagta hai… aur shayad mujhe bhi thoda waqt dena chahiye.

Allhumdulillah..

Safarnama. 🌙✨