21.08.2026

Hello Everyone.. ❤️

Soo aaj bhi main ek deadline mein uthii 😭😂 aur phir mast jaldi-jaldi ready hokar tiffin liya aur nikal padi office ki taraf. Raste mein full volume mein gaane sun rahi thi… aur phir achanak laga, “Bhai, subah-subah kya sun rahi hoon main?” 😂 Chalo, Naath Sharif sun leti hoon… thoda dil bhi shaant ho jaayega. Aur bas phir bhag-daud karte hue somehow time par office pahunch gayi. 😌

Office pahunchkar thodi der baithi, kyunki abhi koi aaya nahi tha. Waise ek cheez notice kar rahi hoon—yahan Virar wale log bhi hain, and bhai, kya hardworking log hain! 😂 I genuinely feel mujhe inse kuch seekhna chahiye.

Phir VI ma’am bhi aa gayi aur hum 7th floor par breakfast ke liye chale gaye. Mendu vada, proper daal wala sambhar, chutney aur ek cup chai… matlab breakfast mast tha! 😂❤️

Uske baad neeche aaye aur sabka kaam start ho gaya. Aur main? As usual… “mere liye koi kaam hai nahi hai ..just chilling..

Toh compliance module karna compulsory tha, so wahi start kar diya. Basically money laundering, POSH, cybersecurity jaise topics ke lectures dekhne hote hain, phir test dena hota hai aur pass hona hota hai. Toh mera kaafi time wahi nikal gaya.

Uske baad Pari se thoda software seekha. Honestly, mujhe accha laga usse seekhkar aur baatein karke. Usne apne hobbies ke baare mein bataya aur maine bhi apne baare mein thoda share kiya. But obviously sab kuch nahi bataya. 😂 (In my mind..) Chand baar-baar yaad dilati rehti hai—“Apne saare cards ek saath open mat karna.” So yes madam, noted. 😂

Phir hum sabne aaj table par baithe-baithe hi lunch kar liya because canteen jaane ka kisi ka mood nahi tha. Waise canteen bahot beautiful toh nahi hai, but wahan se nature dikhta hai—mountains, cloudy sky, thandi-thandi hawa… and somehow it gives me a home wali feeling. Phir dekhte-dekhte 3:30 baj gaye aur sab chill mode mein aa gaye. Koi idhar ghoom raha tha, koi udhar, koi baatein kar raha tha… aur main bhi thoda-thoda join karne lagi because kuch log mujhe bula lete hain.

Abhi bhi main completely comfortable nahi hoon, but slowly-slowly hum baat karte hain, ideas share karte hain aur ek doosre ko samajhne ki koshish kar rahe hain. Aur aaj meri baat hui Ansh se. Mann karta hai unhe Ansh bhai bolun because obviously woh mujhse elder hain, but corporate mein “bhai” bolna thoda ajeeb hi lagta hai. 😂 But honestly, aaj unse bahot acchi conversation hui..He appreciated me and especially the way I think. Unhone bola ki unhe bahot kam log milte hain jinke thoughts unse match karte hain, and somehow unhe woh quality mujhmein dikhti hai.

And honestly, mujhe bhi unse ek achhi energy lagti so mai tho unlimited baat karti hu..so phir kya .. Kuch logon ke saath na, day one se hi ek comfort feel ho jaata hai. Unse meri pehli hi conversation mein mujhe laga ki haan, this person is kind. Unka government jobs aur MNCs ka bhi achha experience raha hai and technical analysis ke baare mein bhi unhe kaafi knowledge hai. So somehow I feel, I can learn a lot from him. 📚Maybe abbu ke age ke hai.. ya phir chote bhii Phir kya… hum wapas canteen gaye chai peene. ☕️

Wahan ek aur person bhi the, aur unhone bhi mujhe work ko lekar guide kiya. Hum company ke client base ke baare mein discuss kar rahe the aur meri past company se compare kar rahe the. And honestly… main thodi ghabra gayi.

Because mujhe laga ki yahan sales ke chakkar mein aise kaam bhi ho sakte hain jahan client ka loss ho jaaye. Aur yaar… yeh cheez main kabhi nahi kar sakti.

Main khud ek investor hoon aur mujhe pata hai ki ek-ek paisa kamaane mein kitni mehnat lagti hai. Kisi aur ke hard-earned money ko sirf sales ke liye risk mein daalna… that's something I really don't want to be a part of.

Abhi toh main bas observe kar rahi hoon, samajh rahi hoon aur seekh rahi hoon. Phir kya… dekhte-dekhte 5:30 ho gaya. Backpack uthao guys… LET'S GO HOME! 🎒 But ek aur shock mila—Saturday ko bhi office hai! I was literally like… “Yeh kya baat hui bhai?” 😭 Mujhe yeh Saturday wali dishonesty bilkul pasand nahi aayi. Mera dimaag kharab ho gaya.

But phir khud ko samjhaya— “Chal Khush, at least subah uthkar naha legi, time par sab cheezein ho jayengi… aur 1 baje hi toh office khatam ho jayega.” So kal 10 se 1 baje tak office hai. Ghar aakar phir wahi thoughts start ho gaye… Kya main yeh job kar paungi? Because mujhe meri personality pata hai. Agar mujhe kuch wrong laga, toh main zyada din chup reh nahi paungi.

But then another thought comes— “Agar nahi hua toh? What's next?” Aur phir doosri side— “Agar maine kar liya toh?” Basically dono sides positive-negative chal rahe hain dimaag mein.  But ek cheez achhi hui… Abbu ne poocha, “Kaisa ja raha hai job?”

And bhaiii… pata nahi kyun, but that felt nice.

Abbu aur mere thoughts kaafi different hain. Support karne ka unka tareeka bhi alag hai. But somewhere, I feel he is trying to understand what I'm going through.

And that's enough for me.  Main try karungi. Pass ya fail, result jo bhi ho… I will give my best. Phir ghar par aaj mast chicken koftay ka salan, rice, roti aur salad bana tha. 🍗❤️

Aur maine ek plate bhar ke khaayi! Alhamdulillah. Maza aa gaya. 

Waise ek baat notice ki maine… Main kitna office-office soch rahi hoon! Bhai, Eid Milad bhi toh aane wala hai.  The birth of our beloved Prophet Muhammad ﷺ. Inshallah iss paak mahine mein sab accha hoga. Ameen. 🤲🏻

Galiyon mein lights lag gayi hain, har ghar mein balloons hain… overall ek alag hi positivity feel ho rahi hai..But somehow main itni saari doosri cheezon mein busy ho gayi thi ki properly feel hi nahi kar pa rahi thi. Blog likhte waqt ab sab feel ho raha hai. And that's the beauty of writing..u know it ..ik ik

And now I'm thinking… What's next? Padhai bhi karni hai. Enjoy bhi karna hai. Friends se milna bhi hai. Work bhi karna hai. Khud ko improve bhi karna hai.like bahot improve karna hai.. Sab kuch karna hai. 

Abhi 4lyferz bhi get-together plan karne ki koshish kar rahe hain. ❤️ Aur main soch rahi hoon… Kya mujhe phir se apne 23rd birthday celebration ke baare mein sochna chahiye?  Ya phir ignore karke important cheezon par focus karna chahiye?

I think abhi mujhe apne charts aur options strong karne hain. Practice karni hai. Roz thoda jaldi uthna hai. Work karna hai. Aur sabse important—phones se unnecessary distraction nahi. Honestly, I'm not even that distracted… bas mere paas abhi laptop nahi hai jisse main properly kaam kar sakun. But jab tak laptop nahi hai, phone se jitna possible hai utna karungi. Aur somehow mujhe paise arrange karne hain because mujhe CFA mein admission lena hai. Target hai ₹50,000 arrange karna.

Abhi mere paas nahi hai… but somehow karna hai. Admission lena hai. Aur phir hard study start karni hai.  Apne goal par focus karke.

Office mein mujhe lagta hai log smart hain… but funny thing is, they are smart in the areas where I am dumb. And maybe that's not a bad thing. Because agar main unse seekh sakti hoon, toh why not? Har jagah koi na koi humse better hota hai.

Bas seekhna aana chahiye. So yes… I'll try. Main nahi jaanti yeh job kitne time tak chalegi. Main nahi jaanti main is environment ke saath adjust kar paungi ya nahi. Main nahi jaanti next kya hoga. But abhi ke liye—

Aur abhi ke liye blog likh liya hai, toh obviously sabse pehle Chand ko text karungi. 😂 Usse baatein karungi, woh apne kaam mein busy hogi toh side mein ek series laga lungi…

And then finally—Sleep. good good night guys..

Allah Hafiz. ❤️🤲🏻

Greatful for everything..

Safarnama..