A Lazy Saturday, Unexpected Thoughts & A Promise to Myself |

04.07.2026

Hello guys... 🤍

Sharing today's day of my life.

Aaj main mast-mast, bilkul aram se uthi. Koi jaldi nahi thi. Phir ekdum peacefully nahayi, aram se breakfast kiya, aur uske baad office ke liye nikal gayi.

Waise ek update dena tha. Ab meri office har Saturday sirf 10:00 a.m. se 2:00 p.m. tak hi work karegi because of the merger. Honestly, office mein sab log thode aggressive aur sad the, but me... as usual... chilling. 😂

Mujhe aaj bhi weekend office aana tip jaisa feel hota hai. Chutti ke din main waise bhi der tak soti hoon, aur phir office aakar apna kaam peacefully karti hoon. Most of the time, I'm actually enjoying it. Sach kahun toh aaj bhi mera office chhodne ka mann nahi karta. The amount of respect, love, and care I receive from my bosses and everyone around me makes me feel like their own little daughter. I know yahan growth bhi hai, opportunities bhi hain, but somewhere deep inside, I want to explore more. It's risky, but I want to take that risk.nMere mann mein bahut saare dreams hain. Bas problem itni hai ki abhi tak un sabko combine karke ek clear direction nahi bana paayi hoon. But I believe Allah always guides us towards what's best for us. So I'm leaving everything in His hands.

Aaj Mumbai mein bahut hi tez baarish ho rahi thi. Stations par baar-baar announcements ho rahi thi because of water blockage around Nalasopara. Trains late chal rahi thi, cancellation ki announcements bhi ho rahi thi. Sab log tension mein the... aur main bas quietly sab observe kar rahi thi. Pata nahi kyun, but I was surprisingly calm and happy. reason nahi pata ..but I'm feeling this.

Shayad Allah ki rehmat hai... Alhamdulillah.

Office ke baad ghar aayi, fresh hui, khana khaya aur socha bas 5 minute rest kar leti hoon. Lekin phir padhne baith gayi. Uske baad thodi art bhi ki. Aur phir... meri siblings ke saath full-on masti! 😂 Humne bed par har cheez fehla di ki poochho hi mat. Bahut maza aaya. Lekin sach bolun toh us masti mein almost 2 ghante waste ho gaye. Thoda regret bhi hua.

Raat ko phir se padhne baithi. MCQs solve karne lagi, lekin jab login kiya toh pata chala ki 100 mein se sirf 28 questions hi baaki the. Baaki submit hone se pehle hhisubmit ho gya internet issue ki wajah se cancel ho gaye thaa pata nhi kya hua tha. Mujhe bahut bura laga. Itni mehnat se maine ki thi..

Uske baad maine sab books side mein rakhi aur bas apne din ke baare mein sochne lagi.  maine khud se ek promise kiya hai. Is mahine mujhe apne career ko seriously lena hai. Mujhe sochna hai ki main exactly apni life mein kya karna chahti hoon, aur us direction mein consistently kaam karna hai.

Kabhi-kabhi girl hona bhi difficult lagta hai. Log hamesha samajh nahi paate ki tum kya feel kar rahi ho. But ek baat maine samajh li hai...

The only person who can truly build my life or destroy it is me.

Isliye har step ke saath Allah se dua bhi maangti hoon. Kyunki jab insaan apni mehnat aur Allah par bharosa dono saath lekar chalta hai, toh raasta khud-ba-khud banne lagta hai.

Alhamdulillah for this beautiful day.

Safarnama. 🤍

lunch Served by la.la.