29-06-2026 🌙
Hello Guys... 🤍
Raat ke 9:59 p.m. ho gaye hain aur mujhe fata-fat aaj ka blog wrap-up karna hai kyunki abhi bhi kaafi kaam baaki hai.
Overall, aaj ka day kaafi accha tha. Office mein aaj ek client bahot hi purane documents lekar aaye the—sadiyon purane Non-Convertible Debentures (NCDs) aur bahot saare share certificates. Hum check kar rahe the ki kya yeh companies aaj bhi exist karti hain aur unke shares currently market mein trade ho rahe hain ya nahi.
Honestly, aaj ek interesting realization hua.
Hum hamesha sunte hain ki "Penny stocks mein invest mat karo." Aur aaj uske peeche ki reality samajh aayi. Bahot si companies ka naam hi khatam ho chuka tha, kuch merge ho gayi thi aur kuch ka koi value hi nahi bacha tha.
Tab mujhe woh famous line yaad aayi...
"Invest where there is value, not just where the price is low."
Aur mujhe laga yeh sirf stock market ke liye hi nahi, balki real life ke liye bhi true hai.
Hum apna time, energy aur emotions bhi wahi invest karne chahiye jahan unki value ho. Har sasti cheez valuable nahi hoti, aur har valuable cheez sasti nahi milti.
Shaam ko ghar aakar maine finally apna blog post publish kar diya. Alhamdulillah!
Sach kahun toh phone par sab kuch manage karna mere liye kaafi difficult tha. Main abhi bhi is phone ki aadat daal rahi hoon, isliye editing, formatting aur posting mein expected se zyada time lag gaya. Lekin finally ho gaya, aur uske baad kaafi sukoon mila.
Ab bas thodi der mein main padhai karne baithungi aur apne baaki pending tasks complete karungi.
Kal ek aur special din hai.
Mere 6 months complete ho jayenge. ✨
Usse pehle mujhe apne next targets aur goals properly prepare karne hain. Main chahti hoon ki agle 6 months aur bhi productive, disciplined aur meaningful ho. In sha Allah, kal baith kar apne naye goals likhungi aur ek fresh beginning karungi.
Bas, aaj ke liye itna hi.
Allah Hafiz... Byeee! 🌙🤍
-Safarnama.
Oh yes first half of the year complete hogya hai 😊
ReplyDelete