Hello Everyone.. It's me, Khush, here again posting my blog. 🌸
Kal raat ke 2 baje maine blog likhne ki koshish ki thi, but aadha likhte likhte mujhe itni neend aane lagi ki main wahi so gayi. 😭
Phir subah uthkar continue karne ki koshish ki, lekin woh bhi fail ho gaya. Anyways, ab finally baith gayi hu likhne.
Date: 06-06-2026 | Saturday
Aaj Saturday tha isliye thoda late uthi. Fresh hui, brush kiya... waise mere left upper jaw mein halka sa pain hai toh aaj dheere dheere brush kar rahi thi.Abb pehla Kaam notifications check karne lagi.
Subah subah hi Naasta kiye bina mere phone par ek unread message tha. Usne Message bheja aur phir humari baat shuru ho gayi. Aur guys, jab baat shuru hui toh continue hi hoti rahi.
Udhar Abbu hum sab ke liye Mendu Vada aur Idli mangwa rahe the aur phir achanak unhone decide Lets pashaan me- chal Khush mera bill bana abb. Abbu ka ek hi mission hota hai (Mujhe pareshaan karna) — jo bhi kaam karo, fast karo aur presentable karo. main robot hu Kya. 😭
Beech beech mein Abbu baar baar pooch rahe the, "Subah subah kis se baat kar rahi ho?" Maine kaha, "Mera dost hai Abbu." Aur Abbu ka expression dekhne layak tha. 😭Indian Parents Mindset. Any Guesses kon hoga.. Mera BF -LOl- Chalo Share kar hi deti hu -My Friend ADI
Abbu ka kaam karte karte meri Pyari Div (meri Chand 🌙) ke bhi voice messages aa rahe the. Main unhe properly aur aaram se sunna chahti thi, isliye pehle Abbu ka kaam complete kiya. Uss kaam mein hi lagbhag 2 baje gaye. Phir main wall ke paas baith kar uske voice notes sunne lagi. Aur thoda sa ro bhi li. Anyways... Main dil se thodi soft hu. Small heart person. 😭 Log mujhe Brave kehte hai ki main strong hu, but honestly mere emotions abhi developed nahi hai aur mujhe logon ki baatein jaldi touch kar jaati hai..
Uske baad maine blogs post karne start kiye. Beech mein Sababeb ka message aaya. Hum dono apni Darling ke baare mein baat kar rahe the jo kaafi time se group mein active nahi hai. Hum dono bas yahi hope kar rahe the ki woh theek ho aur happy ho. ❤️
Phir dekhte dekhte 4 baj gaye. Maine thoda break liya aur nahane chali gayi. Uske baad Abbu ready ho gaye police station jaane ke liye. Aur haan guys... Agar aap rented house mein rehte ho aur Aadhaar par wahi address update karna hai toh pehle police verification, phir MLA ki signature aur phir Aadhaar Portal par application. New Rule = New Headache.
Ghar se nikalte waqt ek cute coincidence hua. Abbu ne Green T-shirt pehni thi aur maine bhi Green pehna hua tha. Hum dono literally twinning kar rahe the. 💚Phir hum auto lekar Sahar Station gaye.Waha jaakar pata chala ki verification ke liye online application compulsory hai.Matlab enquiry karne gaye aur enquiry karke wapas aa gaye. Abbu aur mera dono ka hi time waste hua.
Dekhte dekhte 6 baj gaye. We Came back home. Ghar full Saaf tha and lala and dara mast phone time spend kar rahe thee..
and then garmi tho bahot hai aaj kal so I called to my Darling but she doesnt received my call then I called her Mom Bhaiii maza aagyi baatein karne mai. Aunty ko mai apni full life updates di mast aunty aur mai hass hass ke baate kiye and auty ne batai that she is fine but thodi si confused hai irritated hai and ek Imp baat baat aunty ne share ki - Shery (Darling) she get influence with her life if we support her she feel good and aunty ne kaha ki tum sab usko motivate karoo... abb shreya baat kare tab kare na.. but still hum sab uske saath hai and she is life my small sister.. uske liye tho meri jaan haazir.
Baazu wali aunty ke bhi baatein ki - about garmi and Cooler and Ac.(BTW ek AC lagane mai kya kharcha aata hai?) Then Thoda family time spend kiya aur phir I went for a Walk.
Maine Chand ko call kiya. Kaafi gupshup hui. Beech mein Adi ka call aa gaya. Phir Chand ke saath call khatam karke maine Adi ko call back kiya.Aur guys... Pata nahi kyun, lekin Adi se baat karke hamesha accha lagta hai.Humne kaam ki baatein ki. Purani yaadein discuss ki. Aur phir baat aa gayi humari Jai Bhavani memories par.
Sach bolu? Mujhe Jai Bhavani ki shop bahut yaad aati hai. Waha mujhe ek Khushi thi nahi mila. But uss waqt bhi Same question I asked myself... Main exactly kar kya rahi hu life mein?
Waise mujhe ek poem yaad aa gayi.10th Standard mein padhi thi."The Pulley."
Usme ek line ka matlab mujhe hamesha yaad rehta hai. Jab Allah ne insaan ko banaya, toh usse bahut si blessings di. Lekin complete satisfaction nahi di. Kyuki agar hum poori tarah satisfy ho jaaye toh shayad hum Allah ko yaad karna hi chhod de. Isliye insaan hamesha kuch na kuch dhoondhta rehta hai. Aur shayad isi mein uska Rab se connection bana rehta hai.
Ghar wapas aate waqt maine apni life ke bahut saare flashbacks dekhe. Mera school. Lil Khush. Meri road. Meri shuruaat.Sab kuch. Main uss road se guzri jahan meri zindagi ke itne saare saal guzre hai.Aaj Jab bhi main bahut khush hoti hu ya bahut sad hoti hu, mujhe yaha walk karna accha lagta hai.
School ka banner dekha toh 2 second ke liye ruk gayi.Smile ki.Aur phir Jai Bhavani ko yaad karne lagi. bazu bazu mai hai dono bhii. Dil aur soul dono fresh ho gaye.
Metro Station ke paas pahunchte hi bazaar shuru ho gaya. Main sab chezein dekhte dekhte chal rahi thi aur achanak mujhe yaad aaya ki mujhe toothbrush lena tha. Mera toothbrush ka tere naam ho gaya hai.
mai bhaag bhaag kar ghar aayi aur bina phone liye Dara se paise lekar brush lene nikli.
Lekin same brush nahi mila. Jo mila uska design itna cute tha ki maine wahi le liya. Aur phir mujhe road side par gulla bechne wale uncle yaad aa gaye. so dara ko chahiye nahot waqt se tho mai woh bhi leli.
Pehle road par bahut stalls lagte the. Ab Municipal wale allow nahi karte. Pichle 8-9 mahino se unki bahut problem chal rahi hai.
Ghar aakar Chand ka missed call tha. Aaj walk ke dauran jo bhi hua tha sab share kiya. abb dinner ka time hua dastarkhan lag gya tha we dissconnected the call by saying byeee..
aur phir Phone use karte karte so gaye. 😭
Bas guys... Aisa gaya mera Saturday. Aapka kaisa gaya?
🌸 Alhamdulillah
— Safarnama
aaj bhi kya likhi hooo ashija 💖
ReplyDelete