Hello Guys...
Raat ke almost 1 bajne wale hain, aur main yahan baith kar apna din document
kar rahi hoon. Sach kahun toh mujhe sukoon milta hai jab main apne words yahan
likh deti hoon.
Aaj ki morning kaafi funny thi. As usual, main 4 baje sehri ke liye uthi.
Sab log so rahe the. Maine brush kiya, aadhi nankhatai khayi aur phir wapas so
gayi. Jab aankh khuli toh seedha 8 baje!
Usi waqt samajh gayi ki aaj phir late hone wali hoon aur unpaid leave
declare hone ke chances full hain. Toh bina nahaye hi office ke liye bhaag padi.
Bas fresh hui, raat wali t-shirt aur pajama change kiya aur nikal gayi. Barish
mai mast nahana hai aaj
Ab barish mein waise bhi bhaagna mushkil hota hai. Lekin aaj bus aur train
dono time par mil gayi. Last moment par main bus ki taraf bhaag rahi thi aur
office ke bahar pahunch kar finally on-time attendance mark kar li. Attendance
lagate hi maine ek chhota sa pause liya. Kab se bas bhaage hi ja rahi thi.
Phir yaad aaya ki pen kharidna hai. Main wapas ulte raste se aaram aaram se
chalne lagi, pen liya aur phir office ki taraf nikal padi.
Office mein mast kaam hua, din bhi achha gaya. Chutti ke baad Andheri tak
bhi achhi bus mil gayi. Aur jaise hi meri chutti hoti hai, ghar se unstoppable
calls start ho jaate hain.
Ghar pahunchi toh sirf Dara ghar par tha. Baaki sab bahar gaye hue the.
Wahhh!
Ek funny baat bataun?
Ammi market gayi thi ek aunty ke saath jo unki bahut achhi friend hain —
dono milkar ekdum "Chugli Gang" lagti hain. Wahan dono ne 2-2 plates
pani puri khayi aur phir maidan mein mast vibes kar rahi thi.
Sach mein, insaan ki sirf age ke numbers badhte hain. Dil toh hamesha
bachcha hi rehta hai. Aur aaj unhe dekhkar yeh baat phir se sach lagne lagi.
Iftari ke waqt dastarkhwan par bahut kuch tha aur special thi Makkah ki
khajoor. Alhamdulillah, lucky to have them.
Phir Abbu, Lala, Dara aur maine milkar pehle Maggi khayi (feedback ke saath 😄),
uske baad sev puri aur meri favourite kabab. Mujhe khana sach mein bahut pasand
hai!
Uske baad poora ghar ekdum vibe mode mein tha.
Meri Khala, Khalu aur meri cousin sister ke saath video call par baat hui.
Lagbhag 2 ghante tak hum baatein karte rahe. Hum sab ek dusre ko miss karte
hain. Dekhte hi dekhte 6 saal ho gaye aur hum mile hi nahi.
Raat ko padhai karte karte achanak mera mann hat gaya. Maine baalon mein oil
lagaya aur comb karne lagi. Mujhe dandruff bahut zyada ho gaya hai, hadd se
zyada. Agar kisi ke paas koi achha treatment ya remedy ho toh zaroor batana.
Phir thodi der chand, market aur random baatein hui. Aur main aadha blog
likhte likhte hi so gayi.
Ab yeh blog main next day office mein baith kar complete kar rahi hoon.
Alhamdulillah for everything. ❤️
- Safarnama
Dandruff ke liye medicated shampoo best haii meri behen ko recently doctor ek recommend ki thi chahiye to mai msg me batati hu!!
ReplyDelete