26-06-2026 🌙 | 10th Moharram (Ashura)
Waooo... date ka pattern mast hai.
Assalamualaikum Everyone!
Aaj Moharram ka woh din hai... the day of battle, the day of sorrow, sacrifice and pain.Lots of Salam to them...
Aaj mera day sehri se start hua. Ammi sabse pehle uthi aur mai second one... waooo, good girl! 😂 Maine brush kiya, thoda sa salan aur rice khaya. Aur Ammi ne aaj bhai... chai itni meethi banayi thi ki... Me and Dara were sipping it and saying, "Yaar Mummy, yeh chai peeke kahin diabetes na ho jaye humme!" 😂 Sehri ke baad aaj mera bilkul bhi sone ka mann nahi hua. Maine Qur'an padhi, Fajr ki namaz ada ki aur apni aur sabki dua maangi.
Pata nahi kyun, lekin aaj mere dimaag mai sirf ek hi loop chal raha tha...Karbala. Main uski kahani yaad kar rahi thi aur usse aaj ki duniya se connect kar rahi thi.
Jab bhi kahin zulm, jang ya be-gunah logon ki takleef ki khabrein dekhti hu, dil bahot heavy ho jata hai. Sirf Muslims nahi... koi bhi Be-gunah insaan dard sahe, woh dekh kar takleef hoti hai.
Kabhi kabhi lagta hai ki aaj insaan hi insaan ko samajhna bhool gaya hai.
Kal shaam ki ek baat bhi baar baar yaad aa rahi thi. Mai ghar laut rahi thi tab ek pregnant lady ne ek aurat se request ki ki woh reserved seat de de. Lekin unhone uski baat sun kar hans diya. Mujhe bahot gussa aa raha tha, lekin mai chup thi. Phir woh pregnant lady baar baar request kar rahi thi aur clearly pain mai thi.Bas phir maine bhi bol diya... "Aunty, uth jaiye ab." Ek uncle ne bhi meri baat support ki aur finally uss lady ko seat mil gayi. Uss choti si incident ne mujhe phir yaad dilaya... Yehi duniya hai.
Abb Namaz ke baad maine reels open ki...Aur obviously meri feed Moharram aur Karbala ki stories se bhari hui thi. Mai stories padh rahi thi... sun rahi thi... aur rote ja rahi thi.My tears were unable to stop
Kabhi kabhi sochti hu... Hum sirf un waqiyat ko padh kar hi itna emotional ho jaate hain. Jinhone woh sab saha hoga... unke dil par kya guzri hogi? Ek baat jo mai Karbala se hamesha seekhti hu... Chahe puri duniya tumhare against ho... agar tum sach ke saath ho, toh uss sach ko kabhi mat chhodna.
Meri dua hai ki Allah mera imaan hamesha strong rakhe. Mujhe ek achha insaan banaye. Mere andar achhi aadatein de.Aur agar kabhi mujhse kisi se ladai bhi ho, toh mujhe apni galti ka ehsaas ho aur meri wajah se kisi ko takleef na pahuche.
Bas...
Stories sunte sunte aur rote rote pata hi nahi chala kab meri aankh lag gayi. Lagbhag 11:30 baje uthi. Uske baad full TP mode on. 😂 4lyfer ke saath chat hui, aur phir Moharram aur Karbala ki aur bhi stories aur reels dekhti rahi. Har story ko connect karne ki koshish kar rahi thi.
Beech mai hum 4lyferz ka ek plan bhi bana. Allah kare woh dua qubool ho. 🤍 Phir randomly Chand ko message kiya. Bas normal si baatein.Hows the Day going n sab..
Uske baad Jumma tha, toh maine mast gusl kiya, baal comb kiye, apna beautiful hijab pehna aur Dara ke saath namaz padhi.
Namaz ke baad sweets lene gayi. Ghar aakar thoda aur Qur'an padha. Thoda family time bhi spend kiya... Thoda family drama bhi hua. 😂 Aur pata hi nahi chala kab Asar ho gayi aur kab Maghrib aa gayi. Waise aaj sab log ghar par the. Pura ghar full-on shor se bhara hua tha. Phir fatiya hua aur Maghrib ka waqt ho gaya. Hum sab ne milkar roza khola.
Guys...
Ek baat share karni hai. Aaj kal namaz mere liye sirf ek farz nahi rahi... Namaz mere liye sukoon ban gayi hai. Aur meri bas ek hi dua hai...Allah mera naam un bando mai likh de jo hamesha namaz ki hifazat karte hain.
Haan, office rehta hai, kabhi kabhi mushkil hota hai... Lekin jitna ho sake, mai puri koshish karungi.
InshaAllah.
Aaj iftaar ke baad humne bahot khaya. 😂Uske baad thodi TP ki, phir namaz padhi aur padhai bhi ki. Aaj ek set of questions complete kar liya. Ab bas ek last set aur 4 case studies baaki hain. Allah kare kal woh bhi complete ho jaye.
Ameen.
Aur ab... Raat ke 1:45 AM ho rahe hain. Issi ke saath aaj ka din khatam.
Alhamdulillah. 🤍
- Safarnama
🥺💕
ReplyDelete