DAY 166: 16-06-2026: I Visited Sahara Star.. (Was My Dream)- Full of surprises

Date: 16-06-2026

Hello Pretties... ✨

Aaj ka day perfectly document karne ki koshish karungi, as the day went on full of surprises.

Yesss, 15th June ko market close hone ke baad mere boss ne announce kiya ki hum sab ek event attend karne wale hain at Sahara Star.

Yeh hai woh place... pic below. 👇

Sir ka strict rule tha ki hum sabko blazers pehen kar complete formals mein aana hai. And thankfully, mere paas already formal clothes the. Accha hua college days mein main CP bani thi aur maine formals kharide the 2000/- Worth hua. I still remember how beautiful my life was back then... those memories are still stored in my heart and nerves. ❤️

Ab ek Raat pehle hi maine sab kuch ready kar liya tha — full attire, makeup, accessories. Bas watch pehenni thi aur that's it. Phir last moment pe, der raat around 12:30 a.m. ya 1:00 a.m. ho raha hoga, maine decide kiya ki hair wash kar leti hoon because subah uthne ka bilkul bhi mann nahi karta hai.

Waooo...

Mast acche se maine apne hair wash kiye. Kaafi fresh feel hua. Half blog likhte-likhte mujhe neend aa gayi aur main so gayi. 😴

Next Day

Main around 7:20 a.m. uthi. Aur 8 baje nikalna tha... Toh late toh main already ho hi chuki thi. 😂

So fatafat ready dhang se hair ki straighning bhi nahi hui aur office pahunch gayiii. Office aate hi Pinky Ma'am ne apna outfit dikhaya jo woh shaam mein pehenne wali thi. Lemon yellow color ki shirt, denim jeans aur black blazer ka combination. Sach kahu toh pehle mujhe bhi thoda weird combination laga. But jab unhone pehna... She looked beautiful. ✨ Aur waise bhi jis insaan ko aap roz salwar-kameez mein dekho, usse suddenly western formals mein dekhna surprising toh lagta hi hai. Again.. She look So beautiful.

with pinkyma'am

Office mein sab excited the kyunki sabne blazers rent par liye the. Har koi alag-alag time par aa raha tha aur excitement ke saath fitting check kar raha tha.

Waooo...

Sabke faces par ek alag hi excitement thi. Main ek call par thi tabhi Neel Sir aaye... Aur mere paas aakar bole, "Aaish... kaisa lag raha hai yeh?" Ab pehle meri nazar unke stomach par gayi jo thoda bahar dikh raha tha. 🤭 (Kehna nahi chahiye but maine dekha.) Phir maine unhe properly dekha aur bola...

"Waoooooooooooooooooooo... mast lag rahe ho!" Aur sach mein acche lag rahe the.

Kaam khatam karne ke baad sab apni preparations mein lag gaye. Boss office thodi der ke liye aaye, ready hue aur jaate-jaate bole, "Tum sab bhi time par aa jaana." Around 3:20 p.m. ho raha tha jab Sir ne mujhe bola, "Aaish, tum jao ready hone." Maine sab files close ki aur phir shuru hua mera getting-ready session.

Aur obviously... Main har baar try karti hoon ki sab kuch shoot karu. Lekin pata nahi kyu, perfect clips kabhi record hi nahi hote. Sirf imperfect clips hi capture hote hain. 😂

Phir main apna bag lekar bathroom mein gayi makeup karne. Ab ek secret baat batati hoon... Secret hai, sirf tum log jaante ho. 🤫 Mera face bahut oily ho raha tha aur mere paas facewash nahi tha. Toh maine kya kiya? Handwash se muh dho liya. Woh bhi ek baar nahi...Do baar. Aur hot water ke saath. 😭 😂😂😂😂Bas yahi sochkar ki face clean ho jayega.

Bathroom mein mujhe itna time lag gaya ki bahar se awaazein aane lagi. Mere office mein sabko lagta hai ki ladkiyan 5 minute mein ready ho jaati hain. Lekin bhai... Makeup ke saath kam se kam 30 minutes toh chahiye hi hote hain. 😂

Finally makeup done.

Me~

Foundation thoda zyada apply ho gaya tha. But somehow balance ho gaya. Aur ek aur confession... Maine concealer almost face ke har jagah laga liya tha. 🤦🏻‍♀️ Isi wajah se sab kuch thoda extra lag raha tha. Mujhe laga ab toh face wash karke dobara start karna padega. But thankfully... Anyhow manage ho gaya. ✨ Sukr...

Ab Humare office mein 2 bathrooms hain. Ek maine occupy kar liya tha aur doosra K Sir ne. 😭 Toh baaki sabko ready hone ke liye kaafi kam time mila. Finally hum sab ready hue, bridge cross karke East side gaye aur auto liya.

Sach bolu toh bahot garmi thi. ☀️ June is a rainy month but abb tak there is no rain.. Sadly. 

Lekin mera toh alag hi zone chal raha tha. Main bas yahi soch rahi thi ki "Aaj main Sahara Star ke andar jaane wali hoon!" Woh building jise main hamesha curiosity ke saath dekhti thi aur sochti thi ki andar kya hoga... Aaj finally main uske andar jaane wali thi. (Thankyou allah for this day)-Allhumdulilah..

Hum log scorching summer heat mein waha pahunche. Entrance par ek beautiful sa fountain tha. ✨ Event ground floor par tha... ya phir honestly mujhe thoda underground jaisa feel hua.

But yaar... Hall bahot bada tha aur mujhe kaafi accha laga. Waha already kaafi public thi. Lekin meri nazar kis par gayi? Any guesses.. ??? Tote Bags. 🤭 Yesss...Meri nazar hamesha freebies par hi jaati hai. 😂😂😂😂 

Guys maine khud ke liye 2 bags aur sabke liye bags liye😂😂 

Aur phir hume ek interesting baat pata chali. Hum sab soch rahe the ki hum sirf event attend karne aaye hain. Lekin actually... We were employees of the event. 😂Kaam karna

Yeh baat hume waha jaakar hi pata chali. Tabhi Fortune Wealth ki ek employee aayi aur hume batches diye pehenne ke liye. Kuch toh alag hi chal raha tha. Sab kuch thoda unexpected lag raha tha.

Main, Ki aur Pinky Ma'am andar jaane lage.

Guys... Mujhe har cheez movie jaisi lag rahi thi.

Proper corporate vibes. Kuch log blazers pehen kar ghoom rahe the. Kuch log haath mein blazer lekar walk kar rahe the. Sab log itne professional lag rahe the ki mujhe lag raha tha main kisi corporate movie ke set par aa gayi hoon. 🎬✨

Waha High Tea bhi arrange ki gayi thi. Sandwiches, tea, coffee, biscuits aur bahot saari cheezein thi. (Sorry pic nahi hai)...ek aur baat bahot saare tea bags layi hu uthakar.. blazers ki pocket kaam aayi chori karne ke liye..

Abb hum jaate hi clients ke liye seats arrange karne lag gaye. Toh khana-peena toh almost miss hi ho gaya. Bas dekhte reh gaye. 😭

Phir main event start hua. Host ne sabka welcome kiya. Kaafi insightful session tha. Bahot saari interesting baatein sunne mili. Lekin last mein almost 1 hour ki speech hui Kotak AMC ke ek member ki... Aur woh bhi Gujarati mein. Bhai sahab... Mera dimaag officially logout ho gaya tha. 😭 Ek toh mujhe Gujarati samajh nahi aa rahi thi.

Upar se poore din ki thakaan. Main physically hall mein thi... Lekin mentally kahin aur hi apni duniya mein ghoom rahi thi. 😂

Guys mai full event bus andar bahar kar rahi thi. Because Ac high tha and energy low and headache hone laga tha with eye pain in my right eye.. 

Best movement finally mujhe Ki ke saath and pinky maam ke saath pic mil gayi. Office ki memories ko bhi document karna hai mujhe. abb ek wish hai group pic mil jaaye... Inshallah very soon.

Ki- We Both have Same Vibe

Ab aate hain mere favourite part par... Starter Time! 🍽️✨ Event chal raha tha aur log literally starving ho gaye the. Sab khane par toot pade. Aur main? Main pehle Instagram par photos upload kar rahi thi. 🤣 Uske baad kha rahi thi.

Priorities. 😌

Lekin sach mein... Jo bhi taste kiya, mast tha.

Aur phir... Achanak se ek announcement hui. Humari franchise ka kisi aur franchise ke saath merger hone wala tha. Boss ko stage par bulaya gaya.

Waoooooooooooooooooooooooooooooooooooooo!!!! 🎉✨ Sach mein bahot proud wala moment tha. suprise - shock sab kuch hua

Phir hum sabko bhi stage par bulaya gaya. Lekin unfortunately Pinky Ma'am aur K Sir washroom mein the. Aur us moment par mujhe bas yahi lag raha tha... "Kaash time pause kar sakti..." Taaki woh dono bhi yeh moment dekh paate. Lekin unfortunately... Woh dono yeh part miss kar gaye.

Anyways... Hum sab bahot happy the. Apne logon ko stage par dekhna hi ek alag feeling hoti hai.

Proud wala feeling. ❤️

Uske baad finally humne khana khaya. Bhook toh bahot lagi thi. Lekin pata nahi kyun... Main zyada kha hi nahi paayi. har baar ka same issue.Jo bhi plate mein liya tha uska taste liya. Aur honestly... Sab kuch kaafi tasty tha. Alhumdulillah. 🤍

Phir hum sab logon se mile, baatein ki, photos li aur thoda networking bhi hua. Sabke chehre par thakaan thi... Lekin usse zyada satisfaction tha. Ek accha event successfully complete hua tha.

Phir dheere-dheere sab ghar ke liye nikalne lage. Main aur KI ek hi auto mein nikle. Maine ghar ke paas drop kiya.

Waha se guzarte hue mujhe Shreya yaad aayi.Kyuki woh exactly ussi area mein rehti hai.

Lekin...She doesn't care. Bura lagta hai but anyways.. koi baat nahi..

Toh maine bhi zyada socha nahi. Aur phir seedha apne ghar ke liye nikal gayi.

Ek lamba, tiring, surprising aur memorable day officially end hone wala tha. ✨