DAY 157: 07-06-2026 | A Day in Haji Ali 🌙

 07-06-2026 | A Day in Haji Ali 🌙

Hello my Beautys... Kaise ho aap sab?? ❤️ Guys, aaj ka day full unpredictable tha. Subah Abbu mujhe uthhane ki bahut koshish kar rahe the. "Uthh Khush, what do you want? Idli aur Mendu Vada??" Aur main mast neend mein thi aur sirf... "Deep sleep... zzzZz" 

Subah se Abbu ka ek hi dialogue tha: "Chalo aaj bahar chalte hai Bacho." Aur mera har baar ka reply:"Kaha jaana hai?"

Sach Kahu mera bahar jaane ka biklul bhi mann nahi tha.  kyunki mere bahut saare kaam pending the aur mai awara kal (Sat) poora din enjoy ki thii aur sochi thi aaj Sunday productive Rahungi. 

BUT LIFE IS UNPREDICTABLE. and I said Yesss.. chaloooooooo.... Chalte hai.........

Lekin... Family plans aur drama agar saath na aaye toh phir hamara ghar kaise hoga? 😭 Especially Dara... Yeh mirchi mummy se bhi ek level upar hai.

Fresh hokar maine mere new brush use kiya aur mast naasta kiya.1 Idli aur 2 Mendu Vada. Pet full. Lunch ki zarurat hi nahi abb. Uske baad main aur Dara bathroom gaye, aur phir mummy aur Dara ki bato bato ne ekdum se announcement kar diya: "Tum log jao, main nahi aa rahi."

Bas phir sab apne apne kaam mein lag gaye. Chup-Chaap Dara – Ghar ke kaam. Mummy – Phone mein busy. Abbu – Fan ke niche mast nap le rahe thee.

Aur main? Blog likh rahi thi.

Tabhi mera phone ring hua. charge se nikalte waqt I was guessing ki iss waqt kon hoga??? Meet Sir.. wahhh . After a long time. humari Pehle resignation ki baat hui, phir trade ki baat hui, phir videos ki baat hui aur phir unhone meri tareef karni start kar di. Bol rahe the ki itni choti age mein main accha communicate kar leti hu.( Mu fatt hu mai- means bina kuch soche mai keh deti hu)

Honestly motivation sa mil gaya. Abb  lag raha tha ki mujhe khud ki emotion par thoda control karna hoga (Jiski koshish mai kar bhi rahi hu ). Career par focus karna hai. Schedule strict karna hai. Discipline lana hai.Aur life mein kuch achieve karna hai.Lekin ek baat sach hai...Agar mere paas mere 4Lyfers rahe, toh main khush rahungi. phir nahi chahiye kuch bhii~~~ but thoda sa chahiye.. paisa.. Aur agar kuch bhi na mila life mein, Allah ke baad mujhe bas mere 3 log mil jaye... Chand, Sababeb aur Darling ❤️ Toh mai Khush Rahungi. I will be happy Forever.

Abb call disconnect hone ke baad Mera blog likhne ka mann nahi tha kyunki link hi tut gayi abb.  Toh maine socha chalo pending kaam complete karte hai. Aur guys... Finally maine meri Lonavala wali reel edit kar li.Jo kaafi time se pending thi. Lagbhag 3 ghante lag gaye. Video glitch hua and sab wipe up hogya. Gusse mein maine phone side mein phek diya aur ghar mein full halla karne lagi. 😭

Abbu bol rahe the: "Chill chod bhai."

Waise mere ghar mein sabko pata hai ki mujhe blogging aur vlogging kitna pasand hai. Ab toh Abbu bhi bolte hai: "Khush, shoot karo. Stories mein daalo. Post karo." Honestly mere ghar mein sab mujhe influence karte hai. Agar main ek word bolu na...Toh sab wahi word repeat karne lagte hai. Bhaiiiii... Broooo...Sab ghar mein famous ho chuka hai abb. Lol- (I'M A DANGEROUS GIRL)  and Im very greatful mujhe world ke best understanding abbu mile hai.Modern bhi compared to mere chacha n all mujhe mere blogs mai mention bhi nahi karna hai.

Drama khatam hua toh hum ready hone lage. Abhi bhi plan confirm nahi tha. Chand se VC par baat hui. Phir mummy ko bhi somehow ready kar liya gaya. Aur finally hum nikal pade.

Lagbhag 4 baje hum sab ready the. Road par kaafi der se Ammi ka wait kar rahe the. Uber bhi aa gayi thi. Lekin Ammi nahi. Abbu ko road par ... Wait karna unko bilkul pasand nahi hai.  Finally Ammi aayi. Alee mai tho mention karna bhul gayi ki hum ja kaha rahe hai ... Hum jaa rahe hai...

Haji Ali Dargah.

Guys... Main lagbhag 7-8 saal baad Haji Ali ja rahi thi. Aur sach bolu? Main bahut saalon se plan bana rahi thi. Har saal sochti thi jaungi. Jaungi. Jaungi. Aur finally iss baar plan ban hi gaya. Alhamdulillah. ❤️ Hum 6-seater cab mein baithe. Main aur Dara last seat par. Ammi, Abbu aur Kaali aage. aur la.la driver ke left side.. AC full on. Aur finally meri sweating band hui. 😭 Main aur Dara peeche mast masti kar rahe the.hum abhi destination pahoche bhi thee and we clicked n. numbers of pic and mujhe storage alert bhi aagya.. Aur bahar ka weather... SubhanAllah. Mumbai apne best mood mein thi. Raaste mein main bas khidki se bahar dekh rahi thi. Paani. Buildings. Roads. Log. Mumbai.(mujhe lag raha tha mai bollywood era mai hu). Aur pata nahi kyun mujhe laga ki main iss city ko jitna dekhti hu utna hi zyada pasand karti hu.

Lagbhag aadhe ghante mein hum Dargah pahunch gaye.dara ne kaha - where is dargah?? I said rukk pani ke andar car jayegi abbb tere liye.. humne Tunnel cross use karke Road cross ki. Aur phir Haji Ali ke raste par chalna start kiya. Sab kuch bahut badal gaya tha. Lekin ek cheez mujhe acchi nahi lagi. Jagah ka maintenance pehle jaisa nahi tha. (bahot smell and kachra tha) Mujhe bachpan wala Haji Ali yaad aa raha tha. clean n Neat

Anyways abb aage Road ke dono taraf samundar. Beech mein hum. Aur saamne Dargah. Guys woh view honestly bahut beautiful tha. Mera camera uss moment ko properly capture hi nahi kar paya.

Andar jaakar hum ne sab sleepers abbu ke hawale ki and  we all three went near wazu side.  maine pehle wazu kiya. Phir maine quraan li. dil se lagakar bus mai soch rahi thii aur soch hi rahi thiii. Ek baat batau mere paas bhar bhar ke har waqt dua hoti hai but jab mai dargah mai hoti hu ya namaz mai hoti hu tho mai full blank ho jaati hu.mere har thoughts pause ho jaate hai and... pata nahi kuch tho bahot strong feeling hoti hai... (mere dil mai bus yahi alfaaz thee- Jis Haal Mai bhi hu khuda uss haal mai bhi hai teri adaa - Allhumdulilah!

Bakra Eid wale din maine 3rd para ka 10th ruko tak padhi thi and baki ka 7 ruko pending tha aaj Haji Ali mai mukammal ho gya.Allhumdulilah- Ek taraf qawali - Piya haji ali chal rahi thi aur dusri taraf mai padh rahi thii. mujhe bahut sukoon feel ho raha tha. Aur dil se bas ek hi dua nikal rahi thi:"Ya Allah, sukr sukr sukr..." 

Lekin garmi aur crowd itni thi ki hum zyada der nahi ruk paye. Aur waise bhi Dargah ka kuch part under construction tha. Toh hum wapas aa gaye. Bahar aakar hum road ke side thoda time spend karne lage. picture click kiye. Abb yaha kuch clean nahi tha and bhook lag chuki thi because hum lunch nahi kiye theee and Discussion start hua.

Option 1 – Mahim

Option 2 – Bandra

Option 3 – Ghar jaakar Biryani

Aur obviously... Hum sabne Biryani choose ki. 😭❤️ Kyuki next day bhi milne wali thi. Chicken Tandoori Biryani. ka order de diye hum.

Best decision. chatar-Patar cheeze khaye. Samosas icecream and chana jhor garam mast tha sab but juhu jaisa nahi... Uske baad Abbu ne Marine Drive ke jaisi ek place find ki ek mast jagah dhoond li. Hum waha baith gaye. Main meri Lonavala reel ka final edit kar rahi thi.abb thodi editing aur pending hai. then Done. Aur dekhte dekhte raat ke 9:30 baj gaye. Abbu ne Uber book ki. Hum Mumbai ki raat dekhte hue ghar ki taraf nikal pade.Aur main poore raste khud se hi baatein karti rahi. khud ko samjhne ki koshish kiii bahot kuch aur ghar pahoch gayeee hum..

guys Raat mai Mumbai bahot khubsurat lag raha tha.. lights hi lights and aaj kal har jagah buss mutual fund hi mutual fund ka advertising haii. I dua Indian market boom ho postitively and sab ameer ban jayeee...

Ghar aakar Biryani khayi. Aur phir Abbu ne poocha: "Khush, Biryani ki photo nahi li?"

Maine smile karke bola: "Phone charge nahi tha..." Lekin blog mein mention toh 100% hoga. 😭

Biryani sach mein bahut yummy thi. Uske baad main laptop lekar baith gayi. Aur ab yeh blog likh rahi hu. Time ho raha hai 1:09 AM. Aur honestly... Mujhe bahut neend aa rahi hai.

✨ Alhamdulillah for the day.

✨ Grateful for this family time.after a years hum sab ek saath gaye theee..

— Safarnama 🌸