✍️DAY149: 30-05-2026: Aaj Sat tha kya? mujhe tho sunday laga

30-05-2026

Hello Everyone... 

Abhi raat ke 11:34 p.m. baj rahe hain aur aaj mai kaafi happy hu. 🤍

Reason? Aaj finally meri 4lyfers se baat hui. ❤️Ye log na pata nahi jaan bujhkar weekdays mein hi active hote hain aur jab chutti hoti hai tab gayab ho jaate hain. Lekin aaj finally sabse baat ho hi gayi aur mera mood automatically accha ho gaya.Aaj ka din honestly ekdum lazy Sunday vibes wala tha. 

Subah around 8 baje uth gayi thi. Lekin phir Instagram ki story edit karte karte pata hi nahi chala kab dobara neend aa gayi.

Aur phir...

Seedha 11 baje aankh khuli. Tab tak poori family uth chuki thi aur mujhe dekh kar wahi purana dialogue...

"Aaj bhi maharani uth gayi?"  Ghar mein sab mujhe ladte rehte hain ki mai eldest daughter hu.

Lekin honestly...Mujhe aaj bhi youngest daughter wali feeling hi aati hai.  Please meri taraf se family ko samjhao na...

Age se badi hu, nature se nahi. 🤭Bachpan mein mera ek ajeeb sa sapna tha. Mujhe bada banna tha.

Career ke sense mein nahi...Bas mujhe lagta tha ki bade ho jaungi toh life mein sab kuch mil jayega.Aur aaj jab badi ho gayi hu toh realize hota hai ki adulthood ke saath responsibilities free mein milti hain. 

Breakfast karte waqt meri dost Aadi se baat hui.

Woh thoda emotional tha aur apne dad ko miss kar raha tha. Mai bas usse ek hi baat keh paayi...

"Kisi ke chale jaane ka matlab ye nahi hota ki woh humari life se chale gaye. Kabhi kabhi log physical form mein humare saath nahi hote, lekin unki yaadein aur unka pyaar hamesha humare saath rehta hai." 🤍

Usse baat karte karte kaafi waqt nikal gaya. Phir mai stories post karne lagi aur dekhte hi dekhte 3:30 - 4:00 p.m. ho gaye.

Uske baad thodi T.P. ki. Mangoes khaye. 🥭Bahut saari chakli khayi.  Aur itna paani piya kyunki Mumbai ki garmi apna alag hi attitude dikha rahi hai.Seriously... Aisa lag raha tha jaise mai nahi, meri soul melt ho rahi hai. ☀️

Shaam ke waqt achanak mausam thoda meherbaan ho gaya. Thandi thandi hawa aur mast thanda paani aa raha tha. Bas phir kya... Mai seedha bathroom gayi aur bahut aaram se naha kar baith gayi. Fresh feel kar rahi thi ki tabhi ek shocking discovery hui...

Ammi aur Abbu mujhe bina bataye dargah chale gaye the.

Wahhh... Kya dhokha mila hai mujhe. Lekin chalo, unhe bhi thoda quality time enjoy karne do. 🤭❤️

Hum bhi ghar par apne tareeke se enjoy kar rahe the. Phir mera daily walk ka time aaya.Aur exactly ussi waqt meri behen Dara so gayi. Mujhe itna gussa aaya ki laga usko utha hi du. Lekin maine apne andar ke anger management coach ko activate kiya aur use sone diya. 

Walk cancel. Aur mai seedha apne pending blogs complete karne baith gayi. Kabhi kabhi lagta hai meri life ke do permanent characters hain...

Pending Blogs aur Last Minute Deadlines. ✍️ Aur phir aaya aaj ke din ka best part...

Aaj maine apni dost Chand se bahut saari baatein ki. 🤍

Pata nahi kyun... Lekin kuch logon se baat karke dil halka ho jata hai.Aur aaj waise hi feel hua.Poora din overall bahut peaceful tha. Aur sabse zyada khushi iss baat ki hui ki meri 4lyfers gang aaj active thi.

Mashallah. ❤️Dil se ek hi dua hai... Hum sab hamesha saath rahe. Ek dusre ko bina zyada explain kiye samajh paaye. Ek dusre ki khushiyon mein khush ho aur mushkilon mein support ban kar khade rahe.

Kuch rishton ko words ki zarurat nahi hoti. Bas niyat aur connection hi kaafi hota hai. 🤍

Aur Allah se meri ek aur choti si dua... Jo bhi meri 4lyfers ki wishes hain, jo bhi unke dil mein khwahishein hain, Allah unhe jaldi se jaldi poora kare. 🤲✨ Unke chehron par hamesha muskurahat rahe. Unke gharon mein barkat rahe.Aur unki zindagi mein sukoon rahe.

Ameen. ❤️

Love you 4lyfers... from Khush. 🤍Let's Meet Soon. ✨

Alhamdulillah for the life I have today. 

Sukr Allah Always. 🤲

- Safarnama ✨