🌊🌼DAY 148: 29-05-2026: Juhu day toady🌊🤍

 29-05-2026

Hello Everyone... 🌼

Aaj subah meri aankh ek ajeeb aur disturbing dream ke saath khuli. Pata nahi kyun, lekin jis din meri subah kisi shocking dream ke saath hoti hai na, uss din mera poora mood aur energy thodi disturb si rehti hai. Aaj bhi kuch aisa hi hua. 7:20 baje meri aankh khuli, lekin bed se uthte uthte hi 7:40 ho gaye. 😭 Fresh hone ke baad mummy se maine seedha keh diya, "Aaj mere liye lunch mat banana, mai bahar kuch kha lungi." Ab mummy mujhe roz thode paise deti hain aur aaj jab maine paise maange toh mummy ne kaha, "Pehle khajoor kha lo, phir paise milenge." 😂 Pata nahi kyun, lekin uss waqt mujhe itna gussa aaya ki maine khajoor khana hi refuse kar diya. Thodi childish thi mai uss moment mein, lekin honestly mujhe khud bhi samajh nahi aa raha tha ki mai itni irritated kyun hu. 😭 Uss moment mein mujhe bilkul accha nahi lag raha tha.

Phir kya... mai jaldi se ready hui, Vit C face wash se face wash kiya, paise liye aur office ke liye nikal gayi. Bus stop tak pahunchi hi thi ki achanak yaad aaya... EARPHONES! 😭 Aur jo log mujhe jaante hain unhe pata hai ki office mein mere liye earphones luxury nahi, necessity hain. 🎧😂 Mai seedha wapas ghar bhaagi. Aur suno... earphones toh mai dusre bag mein le aayi thi, lekin actual problem kuch aur hi thi. Mera purse aur earphones dono ghar mein hi reh gaye the aur mujhe mil hi nahi rahe the. Poora ghar ulat-pulat kar diya. Finally bag mein magic ki tarah mil gaye. 😭😂 Uss moment pe maine bas itna socha... "Allah ne shayad aaj mujhe aur disturb hone se bachane ke liye hi ghar wapas bheja tha." 🤍 Aur honestly, jo bhi reason ho...  cheezein mil gayi.

Guys, aaj ka blog shayad thoda different ho. Ho sakta hai mai aaj ke din ki poori details na share karu. Bas thoda sa space chahiye apne thoughts likhne ke liye. Kabhi kabhi diary likhna events document karne se zyada feelings release karne ke liye zaroori ho jata hai. Aur aaj shayad wahi din hai.

Pata nahi mere saath kya ho raha hai. Aisa lagta hai ki mai pehle jaisi nahi rahi. Mai bahut zyada sochne lagi hu. Bahut zyada. Har baat. Har situation. Har possibility. Aur phir unhi thoughts mein khud ko uljha leti hu. Aaj office mein bhi mera mann nahi lag raha tha. Mujhe laga tha shayad periods aane wale hain, isliye mood itna off hai. Waise bhi mai usually kaam na karne ke mood mein hoon toh bhi kaam kar leti hu, lekin aaj wala mood alag tha. Isliye festival reason dekar maine office se leave li aur ghar aa gayi.

Aur sach kahu... aaj ke din DARA mere liye farishta meri ek dost bani. ❤️ Aaj uska birthday tha. Aur guess what? Mai usse properly wish bhi nahi kar paayi. Na isliye ki mai bhool gayi thi, balki isliye kyunki mai khud apni feelings aur thoughts mein itni uljhi hui thi ki mujhe samajh hi nahi aa raha tha mai kya karu. Aur phir mujhe khud par hi bura lagne laga. Aisa laga jaise mai khud ke liye hi toxic banti ja rahi hu. Ye mai nahi hu... ya shayad mai hi hu. Pata nahi.

Ghar aakar maine usse sab kuch share nahi kiya. Maine apni feelings words mein explain bhi nahi ki. Lekin kuch log aise hote hain na... jo bina kuch kahe samajh jaate hain. Woh bhi unhi logon mein se hai. 🤍 Usne mujhe force nahi kiya. Questions nahi kiye. Bas mere saath rahi. Mujhe rest karne diya. Mera mood change karne ki koshish ki aur phir bola, "Ready ho jao, bahar chalte hain." Marine Drive ho ya Juhu... uske liye destination important nahi tha. Usse sirf ye important tha ki mai thoda better feel karu. Aur uss moment par mujhe realize hua ki kuch log waqai Allah ki rehmat bankar aate hain.

Toh maine Dara ke saath bahar jaane ka decide kiya. ❤️ Aur honestly, bahar jaane ke baad bhi mere thoughts poori tarah khatam nahi hue. Lekin haan, unka weight thoda halka zaroor ho gaya. Kaafi dino baad mai apne chhote bhai ke saath properly time spend kar paayi. Hum log beach ke paas gaye. Pehli baar maine itni der tak waves ko bas dekha aur enjoy kiya. Aur pata hai? Uss waqt mujhe laga jaise mera environment hi meri medicine ban gaya ho. Na koi motivational speech. Na koi advice. Bas hawa. Samundar. Aur apne log. 🌊🤍

Phir hum Andheri West gaye aur mera favourite Blueberry Cheesecake khaya. 🍰 Uske saath samose, pizza aur bahut saari chakli bhi khayi. 😂 Aur honestly... kabhi kabhi dil ki therapy bas itni simple hoti hai — good food aur good company. ❤️

Mai usually apni aisi feelings likh kar delete kar deti hu. Lekin aaj maine socha ki unhe yahin rehne du. Apne older self ke liye. Aur un logon ke liye jo mera Safarnama last line tak padhte hain. Agar aap bhi kabhi aisa feel karte ho... ki sab kuch theek hote hue bhi dil heavy lag raha hai, ki wajah samajh nahi aa rahi lekin mann udaas hai, toh bas itna yaad rakhna... har feeling ka solution ussi waqt milna zaroori nahi hota. Kuch feelings sirf waqt ke saath heal hoti hain. Aur kuch cheezein hum Allah par chhod dete hain. 🤍

Trust me... Allah sab dekh raha hai. Aur shayad woh uss tarah se cheezein set kar raha hai jo hum iss waqt samajh bhi nahi sakte. Mai abhi bhi smile karna seekh rahi hu. Khud ke liye brave banna seekh rahi hu. Discipline seekh rahi hu. Apne career ke liye. Apne future ke liye. Aur un logon ke liye jo mujhse umeed rakhte hain. Abhi journey chal rahi hai... aur mai bhi chal rahi hu. 🌸

Aakhir mein bas ek dua...

Allah hum sab ki pareshaniyan aasaan farma de. Jo dil se thak gaye hain unhe sukoon de. Jo struggle kar rahe hain unhe himmat de. Aur jo umeed kho chuke hain unhe phir se roshni dikhaye. Ameen. 🤲✨

Sukr Allah. 💜
Alhamdulillah for this beautiful day. 🤍

- Safarnama ✨