15-05-2026: Friday
 |
| ~LA LA TURNS 16~ |
Its 12:29 a.m 🌙
Aur finally… aaj jaakar thoda garmi se relief mila 😭 Mumbai mai sach mai itni garmi ho rahi hai na… pasino se halat kharab ho jaati hai.
Onoooo waittt… Kya mai bhi har dusre line mai “summer summer” kar rahi hu?? 😭 Abhi weather cool hai na… toh mujhe bhi cool down karna chahiye.
Pichle 5 minute se mere dimaag mai ek baat atki hui hai… aur mai ussi ke bare mai deep thinking mode mai chali gayi thi.
Bahot kharab thought hai honestly. But chalo… uske bare mai baad mai sochungi… akele sote waqt 😭 Abhi positive blog likhte hai… jaha hum hamesha khush rahe 🤍
So… aaj ka din busy tha.
Late uthna… 9:40 a.m tak office pahochna… Aur pahochte hi nonstop chatar patar baate karna 😭
Mere “Ket” Sir North India trip pe gaye the — Shimla, Kasauli aur bhi bahot jagah. Aur woh full excitement ke saath hume apna experience suna rahe theee 😭 Mountains, weather, vibes… sab.
Lekin baat phir wahi aa gayi — Mere resign ki.
Pinky ma’am bol rahi thi — “Sir aate hi first yahi puchenge… maybe unhone email padh li hogi.”
Aur office mai full day wahi topic chalta raha. Questions pe questions. Discussion pe discussion.
Aur honestly? Mujhe baat hi nahi karni iss topic par. Main already andar se itni exhausted hu… Mujhe aur kuch create nahi karna. Ab mujhe sirf ek cheez par focus rakhna hai —
~STAND STRONGLY WITH RESIGN.~
Guys… Abhi technically next day hai 😭 Means 16-05-2026.
Itna blog likhte likhte mai literally so gayi 😭 Aur ab regret ho raha hai ki chutti ke din kaun sota hai yaarrrr.
Mujhe FREE juice mila ✨😭Haan haan free distribution wala. Flavour: Jaljira + Rasna vibes 😭
2 GLASS FULL PI HU.. WAOO
Sach bolu? Free cheezo ka taste alag hi hota hai. Phir shaam ko ghar se emergency type plan aaya — “Khush jaldi aao… Ammi wait kar rahi hai. Saath mai Badi Ammi ke ghar jaana hai.” Aur mai irritate 😭 Because Abbu 5 baje se ghar pe the… Still WHY ME 😭 Raaste mai Andheri pahochte hi maine Adi ko call kiya. Finally usne second-hand phone le liya.
Aur haan… maine blog mai mention nahi kiya tha ki uska phone kho gaya tha 😭Toh maine pucha — “Kaise gum hua?”
Aur woh full honestly bola — “Maine bahot zyada drink kar liya tha… itna ki bottle aur phone dono hi gum ho gaye.”
Aur mera instant reaction — “Accha hua 😭 punishment milni chahiye thi.”
Phir woh explain karne laga ki woh bahot pareshaan tha… isliye itne time baad itna zyada pi liya.
Aur usse regret ho raha tha.
Bahot deep baate hui. But ghar se nonstop calls aa rahe the — Mom aur Dad dono 😭 Phir maine call cut karke Abbu ko call kiya — “Haan haan pahoch gayi.”
Aur Abbu bole — “Aram se aao.” WAHHHH 😭 Toh itne calls karne ki kya zarurat thiii.
Ghar pahochte hi mai seedha bathroom bhaagi 😭 Aur sorry but sach bolungi — Late situation + pressure = compulsory bathroom emergency 😭 Phir Badi Ammi ke saath family talks… Wahi classic dialogue — Kitni patli ho gayi hai…”
Aur Ammi ka sudden reply —“Yeh scooty chalana seekhna chahti hai.”
LITERALLYYYY 😭
Abbu mere saamne baithe hai aur mai indirectly permission ke liye begging mode mai 😭
Kabhi kabhi lagta hai…
Hum ek aisi family mai hai jaha apni marzi ke kapde tak nahi pehen sakte…
Aur duniya wale apni marzi se shaadi kar rahe hai 😭
Dara ro rahi thi kyuki maine uski dress pehni thi 😭
Aur jab maine yeh sab bola toh woh hassne lagi.
Uske baad mai full phass gayi thi family talks mai…Aur idhar subah 9 baje se maine cake order kiya hua tha 😭 Raat ke almost 10 baj gaye the aur abhi tak receive nahi hua.
Phir maine Dara ko bola pickup karne… aur finally woh le aayi.
EK TENSION HAT GAYIIII 😭🎂
Phir ghar aake humne khana khaya — Dal, rice, roti aur seekh 🤍 Aur mera La.La aise khush ho raha tha 😭🤍
Uske baad pics click hue…Cake cut hua… Sabne cake khaya…
Aur cake cut hote hi maine Lala ko daant diya 😭Because woh bahot naughty hai… Aur mai aggressive 😭
Phir half blog likhte likhte… Sochte sochte… Pata hi nahi chala kab neend aa gayi.
Alhamdulillah 🤍
Letter to my baby… La.La 🤍
(Jab tum 26 ke ho jaoge na… tab mai tumhe yeh dikhaungi. Abhi tum bahot chote ho samajhne ke liye.)
Hii Lala 🤍 Today you turned 16.
Yaar… yeh chotu sa baby itna bada kaise ho raha hai 😭
Please stop growing na thoda.
Mujhe tum waise hi pasand ho —
Naughty, masti khor, funny, irritating 😭🤍
Jo pure ghar ko hasa deta hai.
Mujhe abhi bhi yaad hai jab tum mere haath mai itneee chote the 🤍
Tumhare muh se hamesha paani girta rehta tha 😭
Aur tumhara first word…
“Ka… ka…” 😭
Mujhe yaad hai mai tumhe sky mai birds dikhake bolna sikhati thi —
“Bye kwawa bye.” 🕊️
Mujhe tumhari woh cry yaad hai jab loud speaker ki awaaz sunke darr jaate the 😭
Tumhari first poem yaad hai.
Tum kitne patle the ya kitne mote hue the… sab yaad hai 😭
Aur Ammi tumhe kaise maarti thi woh bhi 😭
Ab tum bade ho jaoge…
Aur mai tumhe waise hug nahi kar paungi jaise pehle karti thi.
Na hi waise haath mai utha paungi.
Bas meri dua hai —
Allah tumhe lambi zindagi de 🤍
Tum bilkul Abbu jaise bano… same ditto 🤍
Har ladki ki respect karna.
Hamesha khush rehna.
Bahot padhai karna.
Aur mujhse bhi 100000000 times zyada paise kamaana 😭🤍
— Your Aapa,
Khush 🤍
— safarnama
No comments:
Post a Comment