DAY124: 05-05-2026: A walk towards Airport

 Date: 05-05-2026

Hiii…
12:43 am… aur main yaha hu… neend aankhon mein, yawning nonstop… aur phir bhi blog likh rahi hu. Kyuki haan — consistency is consistency, promise is promise. Is saal khud se jo kaha hai na… usse todna nahi hai.

Aur haan, I know… kitni bak bak karti hu main. But chalo… bina aur time waste kiye… let’s just pour it all out.

Aaj ka din… bilkul usual.same hai 
Late uthna… phir jaldi jaldi office ke liye bhaagna… aur phir wahi routine ka kaam. Kuch naya nahi. Same desk, same work, same thakan.

Aur phir… beech din mein ek twist —
Aaj mehmaan aane wale hai.

My fuffu… unki beti… unki bahu…
Meri cousin sis with her 4 chhote chhote babies (ya Allah patience level 😭)
Mere cousin bhai ki wife — meri bhabhi — unke 1 baby aur 1 baba…
Aur meri dusri bhabhi… jinke abhi tak bacche nahi hai… but she really wants one.
Dil se dua nikli — Allah unki dua qubool kare. Ameen.

Sab log mera wait kar rahe the… ki main aau aur unhe ghumane le jaun.
Time bhi kya perfect mila — 6 ke baad ka… jaha options bhi bas naam ke the.

Option 1: Garden
Option 2: Airport

Garden toh main roz jaati hu… toh socha unhe kuch different dikhate hai.
Aur bas… hum nikal pade — 15 log ek saath.

Sach bolu?
15 log nahi… 15 awaazein. 15 energy levels. 15 chaos.

Bacche… uff… itna shor… I just can’t bear them sometimes.
Par phir bhi… unki energy alag hoti hai.

Main kya kar rahi thi?
Obviously — photos, videos, reels mode ON 📸
Aur phir… meri bonding start hui meri new choti bhabhi ke saath.

Aur kya mast vibe match hui…
She’s literally a joker… aur main bhi kam nahi hu.
Bas wahi — hasi, bak bak, random talks… aur beech beech mein serious baatein bhi.

Mujhe na… aise log bahot pasand hai.
Jo apne liye khade hote hai. Jo bolte hai. Jo chup nahi rehte.
Haan, duniya unhe “light” leti hai… par sach mein… woh log strong hote hai.

Phir ek moment aaya…
Woh hass ke boli — “main shaadi karke phass gayi.”

Aur main andar se bas…
“Accha hai… mujhe sab log jo bol rahe hai… shaadi shaadi… main bach jaun is jail wali life se.”

Sach bolu?
Dil se nikla —
Ya Allah… mujhe kisi mard se shaadi na karna pade.

(haan… thoda extreme hai… but jo feel hai woh hai)

Bas ek exception hai…
Chandyaari ke liye meri haan toh first year se ready hai… 🤍

Aur phir… ek aur baat… jo dil ke andar halki si jagah bana ke baithi hai —

Aajkal Hajj ka mahina chal raha hai…
Log Mecca, Madina ja rahe hai…
Unki awaazein, unka zikr sunke bas ek hi dua aayi —

“Ya Allah… mujhe aur mere Ammi Abbu and my whole family ko bhi ek baar Kaaba dikha dijiye…”
Ameen.

Baatein aur bhi hai…
Par neend jeet rahi hai aaj.

Good night…
Allah Hafiz 🌙

Alhamdulillah
— Safarnama