03-04-2026
Aaj ka din mazedaar tha.
Kyuki aaj Abbu ki taraf se hum sab ke liye biryani party thi.
Hum sab kareeb 12 baje uthe… aur brush karte hi sabki zubaan par ek hi word tha — biryani.
Main bas dekh rahi thi aur soch rahi thi, “Subah subah uth kar kaun garam-garam biryani khata hai?”
Lekin ek rule clear tha — fatiya kiye bina kuch nahi milega.
Toh izzat se pehle chai piyo ☕, phir nahaao, aur phir Jumma ki namaz ada karo.
Aaj ka din thoda special bhi tha.
Almost ek saal ho gaya mujhe office mein kaam karte hue, lekin yeh pehla Jumma tha jab mujhe holiday mila. Main bahot khush thi… lekin meri saari khushi ek second mein khatam ho gayi.
Kyuki mujhe periods start ho gaye. 😅
Mujhe pata bhi nahi tha, warna shayad pehle hi dua kar leti. Lagta hai Eid ki biryani thodi zyada hi garam ho gayi mere body ke liye.
Serious note par… aaj hamare yaha fatiya bhi tha.
Ramadan mein jo bhi padhai aur ibadat humne ki thi, woh sab humne baksha. Ab woh kis ke naam par gayi — Allah hi jaane.
Ek taraf biryani aur fatiya ki khushi, aur dusri taraf pending kaam ka tension.
Subah se shaam tak main bas kaam hi karti rahi.
Aur mera laptop… uff! Itna slow processing karta hai ki kabhi kabhi lagta hai abhi ke abhi utha ke phod du.
Lekin phir sochti hoon — agar yeh bhi tod diya toh jo thoda bahot kaam ho raha hai, woh bhi nahi hoga.
Aaj maine monthly mails bheje, blog complete kiya, aur ek poem bhi likhi.
Aur sach kahu… woh poem abhi bhi mere mind mein loop mein chal rahi hai.
Mujhe khud yakeen nahi hota ki main aisi poems likh sakti hoon.
Mere paas Dara baithi thi. Usne meri poem padhi… aur uska expression exactly waise hi tha jaise readers ka hota hai — jab koi character unke dil ko touch kar leta hai.
Lagbhag 60 seconds tak woh usi emotional zone mein thi.
Aur us moment mein mujhe realize hua —
I love this feeling.
Mujhe writer banna hai.
Mere paas stories banane ki quality hai. Main instantly funny story bana sakti hoon.
Lekin ek deep emotional story jo logon ko feel karwa sake — woh abhi bhi thoda difficult lagta hai.
Shayad ek aur raasta hai…
Kisi se pyaar karna.
Lekin honestly… uss jahannam mein jaane ka shauk nahi hai. 😅
Aaj ka ek funny struggle bhi tha.
Story ready thi… lekin usse page par proper represent karne mein half day nikal gaya.
Kabhi kabhi writing sirf likhna nahi hota… usko sajana bhi hota hai.
Aur phir pata hi nahi chala — shaam ho gayi.
Pura din bas laptop, kaam aur biryani ke beech nikal gaya.
Ab garmi bhi start ho gayi hai.
Mujhe walk par bhi jaana hai… lekin abhi tak kuch start hi nahi hua.
Lagta hai life ko restart button chahiye.
But still—
Alhamdulillah for the day.
— Safarnama ✨
No comments:
Post a Comment