Day 112: 23-04-2-26- dear dadii...🤍

23-04-2-26

🌙 “Ek Chhoti Si Jagah… Aur Ek Bohot Badi Yaad”

Hey… 

Aaj dil thoda heavy hai.
Ghar chhota hai… itna chhota ki kabhi kabhi lagta hai…
yaha mere emotions ke liye jagah hi nahi hai.Like royu tho kaha royu....

Isliye shayad aaj likh rahi hoon. Kyuki bolne ke liye koi nahi… Sirf Allah hai… aur yeh pages.

Aaj maine decide kiya tha ki blog nahi likhungi.
But phir laga…
Agar yeh bhi nahi likha… toh jo dil mein hai woh kahaan jaayega?

Toh aaj ka blog… kisi audience ke liye nahi hai.Yeh sirf mere liye hai… aur mere Allah ke liye.

Allah… ek baar na… Bas ek baar… meri Dadi ko mere paas bhej do.

Main unhe hug karna chahti hoon. Unhe batana chahti hoon ki… main unse kitna pyaar karti hoon.

Dear Dadi… I know hum same blood se nahi the… But sach bolu? Aap mere liye sabse zyada apni thi. ❤️

Mujhe yaad hai… Woh 2–3 months… jab main bilkul tut rahi thi  (suffering with dangue and typiod). Khane tak ki himmat nahi hoti thi.

Par aapke saath baith kar… khana khaya… aur dheere dheere… main phir se jeena seekh gayi.

Mujhe yaad hai…Aapne apni pension ke paise diye hai

Aapne kabhi mujhe force nahi kiya…to wear dupatta.Bas support kiya… silently.as you support women

Mujhe yaad hai… Aap gir gayi thi… sirf mujhe banana dene ke liye… Aur us waqt main hansi thi…

Aaj… main roti hoon.

Log kehte hai… duniya mein bohot ache log hote hai. Haan hote honge…

But mere liye… best Dadi sirf aap hi thi.

Aur aaj bhi…Aap mere thoughts ke loop mein ho.Har din. Har waqt.

 dear Dadi…
Main promise karti hoon…Main aapki kahani sabko sunaungi.

Aap hamesha mere dil mein rahogi. Aur ek din…InshaAllah… hum phir milenge.

Jannat mein. 🌙

🕊️ Dua…

Allah aapki maghfirat farmaaye.
Aapko Jannat naseeb kare.
Aapko sukoon de.

Aur jab main waha aaun…
Toh please… mujhe pehchaan lena. 🤍 Dada ko mera salaam kehna.Unki kindness mujhe abhi bhi yaad hai.

Aur mere sab logon ko…jo ab is duniya mein nahi hai… Main sabse pyaar karti hoon.

Mere loved ones chale gaye… But unki yaadein… mere saath hai.

Aur shayad… yehi yaadein hi meri asli jagah hai.

Ghar chhota ho sakta hai…Par dil mein jo jagah hoti hai na…

Woh kabhi chhoti nahi hoti.

salam and love to all...

— Safarnama 🌙💭✨