👉DAY 102-13-04-2026| “Ek Quote, Ek Raat aur Thoda Sa Sukoon 🌙”

13-04-2026 | MONDAY

Hii… kaise ho aap sab?

Deep breath li… aur abhi exact 8:00 PM hai.

Main phir se wapas aa gayi hu… pen aur paper ke saath… apne pending blogs likhne.

Laptop abhi bhi same condition mein hai…
aur honestly, uski wajah se bohot saari cheeze delay ho rahi hai.

Abhi thodi der pehle… mere dimaag mein ek ajeeb sa loop chal raha tha.

Ek aisa thought… jisse main sach mein darr gayi thi.

Main bas dua kar rahi thi — Allah, please isse mere dimaag se nikaal do.

Phir achanak…

Maine pen side mein rakha… phone uthaya… aur Instagram scroll karne lagi.

Aur waha mujhe ek quote dikha —

“Enjoy the space between where you are now & where you are going.”

Pata nahi kyun…
par uss ek line ne thodi si rahat de di.

Kabhi kabhi na… overthinking itni zyada ho jaati hai
ki hum khud se hi darrne lagte hai.

Main khud se pooch rahi thi…

Mujhe kis baat ka darr hai?

Agar mere paas peace hai…
toh kya mujhe aur chahiye?

Aur us “aur” ke chakkar mein…
main khud ko hi damage kar rahi hu.

Mujhe lagta hai meri thinking ability bhi slow ho rahi hai…

Aur yeh fatigue… yeh thakaan…
sirf body ki nahi hai… mind ki bhi hai.

Kabhi aapko bhi aisa feel hota hai?

Agar haan… toh please mujhe batao… iska koi “medicine” hai?

(Grown wali, sach wali baatein kabhi khatam nahi hoti… so let it be…)

Chalo… ab aaj ka din share karti hu…

Aaj boss ne mujhe cabin mein bulaya.

Friday aur Saturday chhutti di…

Aur honestly… mujhe daant ki aadat hai 😅

Isliye mujhe utna feel bhi nahi hua.

Main thodi si sad wali acting karke bahar aayi…
ek bekaar si smile ke saath.

Haan… main thodi besharam hu 😂

Aaj main surprisingly office jaldi pahunch gayi.

Par aaj ek problem thi…

Mujhe bohot zyada neend aa rahi thi.

Main control kar rahi thi…
par aankhen band hone ka naam hi nahi le rahi thi.

Aur upar se… boss mere right side mein baithe the 😭

Thoda dar bhi lag raha tha…

Phir kaam chalta raha…

Aur aaj mera 6th day tha.

Shaam mein Adi (Lil kid) ne mujhe jaldi ghar drop kar diya…

Uske liye main grateful hu.

Par sach bolu…

Iss bond mein bhi mujhe sukoon feel nahi hota.

Kabhi kabhi lagta hai…
yeh friendship drop kar du.

Kyuki kahi na kahi mujhe lagta hai
yeh log mere type ke nahi hai.

Par phir ek confusion aata hai…

Woh mere saath ache hai… kind hai…

Toh kya mujhe rehna chahiye?

Yeh “stay ya leave” ka thought hi thaka deta hai.

Par phir…

Ek jagah hai jahan mujhe sach mein sukoon milta hai.

Meri chand yaari… ❤️

I love you.

Allhumdulillah!!!!

-Safarnama......