25-03-2026 | Safar Nama 🌤️💼
Hii… kaise ho sab?
Aaj meri subah uthne ki motivation simple si thi — kal chutti hai. 😄
Bas isi khushi mein main ready ho kar office nikal gayi.
Waise Tuesday, Wednesday aur Thursday woh din hote hai jahan main usually week mein ek chutti le hi leti hu.
Phir wahi routine…
office ka kaam aur kuch nahi — chalu karo dukaan. 🏢
Aaj kal main morning mein ek book padh rahi hu — The Intelligent Investor by Benjamin Graham. 📚
Book kaafi acchi lag rahi hai. Main definitely recommend karungi — lekin bilkul beginners ke liye nahi.
Agar aapko market ka thoda basic idea hai — jaise college students in TY ya graduation ke baad, especially BFM field wale, toh aap isse padh sakte ho.
Shayad aage jaakar book thodi tough ho, but abhi tak ka part kaafi interesting hai.
Aur yeh novel ya story book jaisi nahi hai ki bed par chill karte hue padh lo.
Isko proper mehnat se, notes bana kar padhna padta hai… aur haan, ChatGPT ki help bhi lagti hai. 😅
Isliye yeh time-taking process hai.
Kab complete hogi — no idea.
But ek din zaroor is book par proper post likhungi.
Book padhne ke baad phir maine dukkan chalu ki aur kaam start kiya.
Honestly bahot bore feel ho raha tha, lekin kya karein…
salary chahiye toh kaam toh karna hi padega.
Phir jab day almost end hone wala tha, tab WhatsApp group mein ek message aaya — “Performer” group mein.
Waha 2 names aur pictures share hui thi.
Pehle maine ignore kar diya aur scroll kar diya.
Phir achanak apna naam dekha.
Main literally shock mein thi —
“Yeh kya ho raha hai? Log mujhe congratulate kyun kar rahe hai?”
Sach bolu toh mujhe abhi bhi lag raha hai ki main totally undeserving hu.
Mujhe lagta hai maine itni mehnat bhi nahi ki hai.
Lekin phir bhi…
andar se 20% khushi toh hui hi.
Kyuki mera resolution bhi Alhamdulillah complete ho gaya.
Bas dil se nikla:
“Allah, bahot bahot shukr hai aapka…
mujhe har cheez dene ke liye.
I love you the most.
Aur main aur mehnat karungi.” 🤍
Sabse pehle maine screenshot liya aur Abbu ko bheja.
Unhone apni zindagi, apna paisa, apni mehnat sab kuch mere liye lagaya hai.
Isliye aaj jo bhi hu… unki wajah se hu.
Aur doosri insaan — meri Chandyaari. 🌙
Meri Aapa, jo hamesha motivate karti hai, guide karti hai aur mujhe ek better version banne mein help karti hai.
Sach mein…
main bas hamesha unke saath rehna chahti hu aur apna sab kuch unhe dena chahti hu.
Aaj ka din phir aur bhi achha lagne laga.
Ghar aakar maine Darling se bhi baat ki aur usse bhi sab share kiya.
Woh aajkal bahot hard work mode mein hai aur kaafi pareshan bhi.
Bas dua hai:
Allah usse asaani de aur uski madad kare. Ameen. 🤲
Uske baad maine bahot zyada phone chalaya —
reels pe reels. 📱😅
Phir finally laptop khola aur mera pending blog likhna start kiya.
Thodi to-do list bani…
aur phir sleep.
Aur bhai…
March mein hi itni garmi ho rahi hai — dimaag kharab ho gaya. ☀️🥵
But still…
Alhamdulillah for everything.
— Safar Nama 🌙
Jo mila usmein shukr, jo na mila usmein sabr,
Isi tarah har din likh raha hai mera Safar Nama ka safar. ✨
No comments:
Post a Comment