22-03-2026 | Second Day of Eid
Assalamualaikum guys…
Sabko 2nd Eid bahot bahot Mubarak! 🌙✨
Aaj Sunday hai… aur Sunday toh waise bhi mera favourite day hota hai. Upar se Eid bhi saath mein — matlab sone pe suhaga.
Aaj ki subah full late aur aaram wali thi.
Lekin phir plan bana ki aaj relatives ke ghar jaana hai.
Sach kahu toh mujhe relatives ke ghar jaana bilkul pasand nahi hai, phir bhi jaana padta hai.
Mummy ne seedha daant diya:
“Tum log doston ke saath toh proper ghoomte ho, lekin rishtedaron ke ghar nahi jaa sakte?”
Aur meri mummy ka nature aisa hai ki mana karna easy nahi hota.
So jaana toh padega hi.
Phir main ready hui, mast pictures click ki, aur hum total 5 log nikle —
Mummy, Fawdi, Kallo, Lala aur main.
Do auto lene pade.
Aur jis auto mein hum 3 behne baithe the, usmein toh bas behas hi chalti rahi.
Lekin jaise taise hum nikal gaye.
Raste mein mujhe mera college bhi dikha, aur honestly mujhe achha laga.
Kabhi kabhi woh jagah jise hum hate karte hai…
woh bhi dil ke kisi kone mein apni jagah bana leti hai.
Aur sach kahu toh main college ke liye grateful hu, kyunki wahi mujhe mere 4Lyfers mile.
Sabse pehle hum Badi Ammi ke ghar gaye.
Lekin woh toh apni bahu ke ghar gayi hui thi, aur unki bahu aur family bhi mall jaane ke liye ready ho rahe the.
Isliye hum wahan sirf 5 minute baithe aur phir nikal gaye.
Uske baad hum gaye Phuppu ke ghar.
Lekin yahan bhi twist…
Phuppu bhi ghar par nahi thi.
Aur mujhe yeh thoda ajeeb laga, kyunki humne unhe kal raat hi inform kiya tha ki hum aa rahe hai.
Kabhi kabhi mujhe lagta hai ki hamari family mein log Badi Ammi se thoda zyada hi darte hai.
Aur sach kahu toh mujhe yeh cheez samajh nahi aati.
Mere Abbu aur main aise nahi hai.
Hum itna darne wale log nahi hai — aur mujhe yeh baat achhi lagti hai.
Lekin family relationships thode complicated hote hai.
Kabhi kabhi lagta hai mere do faces hai —
ek jo family ke liye smile karta hai,
aur ek jo andar se thoda sa hurt hota hai.
Kabhi kabhi mujhe kisi ko hug karne ka bhi mann nahi karta…
na salam karne ka.
Lekin phir bhi main karti hu.
Kyuki yeh khoon ka rishta hai.
Aur Ammi-Abbu ki wajah se relationships maintain karna padta hai.
Shayad waqt ke saath log bhi badal jaate hai… aur hum bhi.
Wahan mere cousins, unke husband-wife aur babies sab the.
House full tha… lekin honestly mujhe kaafi boring lag raha tha.
Phir finally 10:30 ke aas paas hum wahan se nikle aur ghar aa gaye.
Agar pura din dekhu toh —
starting aur ending achhi thi… beech ka part thoda boring.
But still…
Alhamdulillah for the day.
Har din apne saath kuch na kuch sikha kar hi jaata hai.
— Safar Nama 🌙
No comments:
Post a Comment