31-03-2026 | Monthly Reflection
Hii… ki haal chaal?
Aaj March ka last day hai… aur sach kahu toh onooo, March bhi chala gaya.allah-hafiz
Yeh month sach mein beautiful tha. January bhi productive tha — main bahot baar Juhu Beach gayi, meri favourite jagah. Waha ped ke paas baithna, hawa feel karna, friends ke saath time spend karna… woh moments alag hi peace dete hain.
February thoda fast tha, lekin woh bhi mast gaya. Ramadan wali vibe shuru ho gayi thi.
Aur phir March… almost 20 din Ramadan ke. Phir uske baad bhi celebration wali feeling chal rahi hai. 🌙
Shayad iss week mere ghar guests aane wale hain… lekin dil kehta hai —
Abb mat aao aur jao koi 😅
Iss month mere do pyare friends ka birthday bhi hai. Aur meri Golu behan ka bhi.
Haan, kabhi kabhi main usse irritate ho jaati hoon, even “I hate her” bol deti hoon… lekin birthday toh birthday hota hai. Kisi ko special feel karana banta hai.
Mujhe yaad hai mere birthday par usne mujhe pink-purple-white flower di thi 🌸, chocolate, cake… aur ek baar toh ek mast sa photo frame bhi gift ki thi.
Toh mera bhi dena banta hai.
Abhi 11:04 p.m. ho rahe hain aur mujhe yaad aaya ki maine monthly review likha hi nahi. Thoda regret hua… par phir socha —
Yahi likh deti hoon.
Waise bhi mere page par koi huge reader list nahi hai.
Yeh meri jagah hai.
Mera gaon.
Yaha meri marzi aur mere words ka zor hai.
🌙 My Monthly Review
Alhamdulillah.
2026 ka best month Ramadan ke saath start hua.
iss month mai bahot 11:11 and 12.12 dua ki hu ,
Maine achhe dresses pehne, bahot pictures click ki.
Office mein good performance bhi hue.
Aur meri resolution list ka pehla tick bhi mil gaya — Performer of the Month.
Sach kahu toh mujhe laga bhi nahi tha ki yeh ho jayega.like 0%
Allah ne mujhe meri best Eidi di.
Allah, you are the best — dil se thank you.
Maine aapse dua ki thi ki mujhe deen ki taraf wapas bula lo… aur aapne sach mein mujhe reinvite kiya. Thank you so much. 🤍
📓 April Preparation
April ka tracker ready hai:
Daily habit tracker ✔️
Page for “I am grateful for” daily ✔️
Page for Quote of the Day ✔️
Money tracker ✔️
Last day monthly review page ✔️
💸 Reality Check
Iss week thodi money problem hone wali hai.
10k maine ek friend ko de diye
Golu ke 1200 already meri pocket se gaye
Aaj ek aur friend ko 1100 de diye
Aur ab Abbu ko 5k dene hain
Ab pata nahi woh kaha se aayenge.
Recharge karne tak ki kangali wali situation hai.
Kabhi kabhi lagta hai main khud hi apni life hard bana rahi hoon.
Mujhe pata bhi hai ki mujhe aisa nahi karna chahiye… phir bhi kar deti hoon.
Isliye yaha document kar rahi hoon.
Taaki jab main badi ho jaungi, mujhe yaad rahe —
“This is what I was doing in my 20s.”
Lekin ek cheez ka full belief hai —
Allah madad karega.
Kahin na kahin se solution aa hi jayega.
Main kuch na kuch kar hi lungi.
Ab mujhe bas do cheezon par focus karna hai:
📚 Padhai
😊 Khush rehna
Aur honestly… aaj ka din bhi mast tha.
Aram wala. Peaceful.
Bas shaam mein thoda ajeeb sa feel hua.
Halki chakkar… body heavy jaise koi daba raha ho.
Para padhte waqt body rock jaisi lag rahi thi. Mushkil se 20 pages padhe.
Phir bed par let gayi.
Thodi der baad chai pi… aur better feel hua.
Aaj ka day “oohoo” wala tha.
Thank you Allah for making my month beautiful.
Aur aaj ka din bhi. 🤲✨
— Safarnama 🌙
No comments:
Post a Comment