10.07.2026

Hello Guys... 🤍 How are you all? Aur tumhara July kaisa jaa raha hai?

Yaar... dekhte hi dekhte July ke 10 din bhi nikal gaye. Time sach mein Rajdhani Express ki speed se bhaag raha hai.

So... let's document the day.

 

Aaj mummy ki awaaz se jaldi uthna pada because hair wash day tha. Aur finally... periods bhi khatam ho gaye! Alhamdulillah. Ab chutti ke din properly Qur'an padhungi aur namaz bhi regular padhne ka plan hai, In Sha Allah.

But this is me...

Meri life mein koi drama ho aisa ho hi nahi sakta.so aaj Mere liye sirf ek hi shampoo ka sachet rakha hua tha. Aur mere baalon mein itna oil tha ki pucho mat.

Sabse pehle maine socha chalo kapde dhone wale soap se try karte hain...

Result? Zero. 😂 #huggu Ideas of khush

Baal toh Soapy ho hi nahi rahe the. Phir maine woh eklauta shampoo use kiya...

Woh bhi almost waste. Finally body soap se try kiya toh thoda bahot clean hua.

Lekin naha kar jab baal comb kiye na… Toh white white kuch nikal raha tha . may soap hi hoga jo saaf nahi hua hoga.. Tab samajh aa gaya...

"Khush... yeh baal clean nahi hue." Ab kal dobara hair wash karna hi padega. 😂

Sach bolu? Main 23 saal ki ho gayi hoon, lekin kabhi kabhi lagta hai mujhe kuch bhi nahi aata.

But koi baat nahi...

Ek cheez bahot achhi aati hai… Masti karna. 😂 Aur honestly, woh bhi life mein equally important hai.

Jaise Shoaib Ibrahim kehte hain… "Life mein kitni bhi problems kyun na ho... khush raho aur pyaar baanto." 🤍

Ab as always… Train miss ho hi gayi. 😂 Lekin aaj maine attendance green mark karwa li.

Yaar... itna achievement feel hua! Pure July ke in 10 dino mein aaj pehli baar on time attendance lagi. Small achievement… But still an achievement. Office pahunch kar thodi padhai ki. Market update dekha… Aur aaj market dekh kar maza aa gaya. Sab kuch positive tha.

Aur bhai… Kusumgar IPO ke liye toh literally bheed lagi hui hai. 😭📈 Market close hone ke baad around 3:40 PM, ek client ka call aaya. Unhe isi IPO mein apply karna tha. K Sir ne bola,

"Har account se 2-2 lot apply karo." Maine bola, "Sir... market toh close ho gaya." Unhone bola, "Application 4 baje tak jaata hai."

Maine turant terminal open kiya… Aur application successfully ho gaya. Us moment par main bas ek hi cheez soch rahi thi… "Waah yaar... aaj kuch naya seekhne mila." ❤️

Mujhe genuinely bahot accha lagta hai jab office mein kuch naya learn karti hoon.

 

Uske baad almost 5:10 tak kaam kiya. Side mein webinar bhi chal raha tha. Work complete hua toh honestly padhne ka bilkul mann nahi tha. Kaafi thak gayi thi. Isliye sirf 2 questions solve kiye aur apna blog post kar diya. Waise mujhe woh blog bilkul pasand nahi aaya. Bahot rough tha. Main aisi blogs post karna pasand nahi karti.

Mujhe har cheez baar baar read karni hoti hai. Har line perfect karni hoti hai. Problem bas itni hai...

Main ek slow turtle hoon. 🐢😂 Aur jab saare kaam ek saath pending ho jaate hain na...

Toh perfection aur delay dono saath chalne lagte hain. Isliye socha… "Better hai post kar do." Perfect hone ka wait karte karte kabhi kabhi cheezein reh hi jaati hain.

 

Office se nikalte waqt meri aur Ki ki mast baatein hui.

Kabhi life...

Kabhi college...

Kabhi office...

Aur phir wahi Saturday office ka dukh. 😂 Hum dono ko Saturday office aana bilkul pasand nahi hai. Hum dono office Roz aane ka motivation same hai… "Bas Saturday aur Sunday jaldi aa jaaye." 😭 Aur mujhe genuinely lagta hai hum dono ki vibes bahot match karti hain. Bas Allah se ek hi dua hai… Office ke baad bhi humara connection aise hi bana rahe. Ameen. 🤍

 

Ghar pahunchi toh itni garmi thi ki bas… Aur upar se maine black suit pehna tha. Usmein aur bhi zyada garmi lag rahi thi.

Completely drained feel kar rahi thi. Lekin ghar aate hi ek aur scene shuru ho gaya. Mere Abbu...

Hamesha bachchon ko push karte rehte hain. Especially aaj kal Dara ko.

Aur honestly… Mujhe comparison bilkul pasand nahi. Main jaanti hoon parents humare bhale ke liye hi bolte hain. Lekin kisi ek bachche ko doosre se compare karna mujhe kabhi sahi nahi laga. Fight karna solution nahi hota. Aur Dara bhi uss time almost ro hi rahi thi. Toh maine usse bola, "Chal mere saath walk par. Mujhe waise bhi kuch samaan lena hai."

Aur woh turant maan gayi. ❤️

 

Sabse pehle hum garden gaye. Aur main seedha bhaag kar swing par chadh gayi. 😂 Sach bataun...

Jhoola jhulne ke baad lagta hai stress body se bahar nikal raha hai. Pehle ke comparison mein mera stress level waise bhi bahot kam ho gaya hai. Shukr Alhamdulillah. Life ki bahot si cheezein mujhe thodi late samajh aayi hain… Lekin samajh toh aayi. Aur mere liye wahi sabse badi baat hai.

me

 

Thodi der baad Dara boli, "Mujhe periods aa gaye." Maine bola, "Chal ghar chalte hain." 😂 Yaar… Hum girls ke periods bhi na… Kabhi best friend lagte hain aur kabhi biggest enemy. Main toh har month wait karti hoon… "Aaja bhaiiii..." 😂 Hum dono aram aram se baate karte hue ghar ki taraf chal diye. Mujhe Dara ke saath apna bond bahot pasand hai. Hum ek dusre ke… Dost bhi hain... aur jaan ke dushman bhi. 😂❤️ Woh bilkul chhoti bacchi jaisi hai. "Appi yeh dilana..." "Appi woh dilana..."

Aur main… "Beta... next time pakka." 😭😂

 

Phir hum Noble Medical gaye. Waise medicines toh milti hi hain… Lekin mujhe wahan ke snacks aur chhoti chhoti khane ki cheezein dekhna bahot pasand hai. 😂 Waise asli reason toh gift wrapping paper lena tha… Aur wahi reason maine Ammi ko ghar se nikalne ke liye diya tha. 🤭

bought this..

insights~

 

Aaj ka funniest moment… Main bhaag kar weighing machine ke paas gayi. Socha weight check karti hoon.  Lekin machine ki wire hi connected nahi thi. 😭😂 Main bas hasne lagi aur wahan se nikal gayi.

 

Ghar aakar fresh hui. Thoda sa blog likha. Phir Ammi ne dinner ke liye bulaya.Aaj toh maine bed par hi dinner kar liya.

Aur ab main aaram se bed par let kar yeh blog complete kar rahi hoon.

 

Guys maine ghar aakar dara se puchi .. Periods aaye and she said No.. Abb yeh wali every girl knowa..

Thank you, Dara... 🤍 Aaj mere saath walk par aane ke liye. School ki yaadein yaad karke bahot accha laga.

Kabhi kabhi life ko special banane ke liye kisi bade event ki zarurat nahi hoti. Bas ek acchi walk...

Ek pyari conversation… Ek jhoola… Aur kisi apne ke saath hasi.

Kabhi kabhi bas itna hi kaafi hota hai.

Alhamdulillah. 🌸

– Safarnama 🤍

 

.GIFT.