20.08.2026

Hello Everyone... ❤️

Finally aaj woh din aa hi gaya... jiska mujhe March se wait tha. 🥹

Subah ke 5:30 a.m. se main jaag rahi thi, but 8 baje tak khud ko yahi bolkar sula rahi thi ki “thoda aur so leti hoon...” 😂 Phir pata nahi kaise finally himmat karke uth hi gayi.

Fatafat ready hui, hair wash kiya aur Bismillah karke ghar se nikal padi... And surprisingly, almost on time office pahunch gayi. 😂

Sach bolu toh aaj mere andar bahut mixed feelings thi — khushi bhi thi aur thodi nervousness bhi.

Kyunki jab insaan apni life mein kuch change karta hai na, toh sirf jagah nahi badalti... insaan khud bhi thoda badal jaata hai.

Mujhe lagta hai life ne mujhse kuch cheezein le li hain... kuch jagah mujhe lagta hai ki main lack kar rahi hoon. But ek cheez mujhe pata hai — Main khud par trust karti hoon.

I will build it again. ❤️

Maine office aate hi ek cup coffee order ki, kyunki last night vomiting ki wajah se main kuch kha nahi paayi thi. Aur jab garam-garam coffee mili na... uff!

Alhamdulillah, maza aa gaya. ☕️😂

Aaj main office gayi aur wahan bahut saare naye faces, naye people mile. Kuch log weird lage, kuch surprisingly positive bhi the... but somehow mujhe woh energy feel nahi hui jo pehle hoti thi.

Pata nahi kyun, ab mujhe logon se thoda ghabrahat si lagti hai. Shayad iska reason bhi pata hai... When trust breaks, even a person breaks too.

Hum waapas normal ho jaate hain, baat karte hain, smile karte hain... but jo pehle wala 10/10 trust hota hai na, woh instantly waapas nahi aata.

Phir mera first day of office tha aur honestly, koi kaam ka pressure nahi tha. So I was just chilling. 😂 Lunch ke liye ghar gayi aur Dad ke saath khana khaya.

Chicken wala salan aur soft-soft rice...

Simple sa khana tha, but pata nahi kyun, us waqt woh bahut tasty laga.

Phir thodi der baad main wapas office ke liye nikal padi. Raaste mein apne friends ko mini shoot  message bhi kar diya.

Life mein kitna bhi kuch chal raha ho... friends share karne ke baad I feel motivated..

Aaj ka best part tab tha jab maine apni feelings share ki... Aur pata hai? Mera mood literally change ho gaya.

Kabhi-kabhi bas dil ki baat kisi ke saath share kar dene se hi mann halka ho jaata hai.

Office jaana bhi aaj thoda better feel ho raha tha. Aisa lag raha tha jaise life mein ek new step-up ho raha hai. Bas dil se ek hi dua nikli —“Allah, sab aasaan kare... Ameen.” 🤲🏻

Shaam ko ghar aayi aur mere group mein chhoti-chhoti baatein start ho gayi. Main apni feelings share kar rahi thi aur phir Aaj Neet se baat hui. Yaad hai na, Neeta?

Wahi jo bachlor party mein gayi thi... 😂 Ab uski shaadi hone wali hai. Uski shaadi mein kuch problems hain, but still I am genuinely happy for her. She is happily moving forward with her life and her husband. Jab main usse last time mili thi, usne mujhe ek advice di thi.

“Whenever you get married, please paise wale se hi shaadi karna.” 😂

Uski baat sunke mujhe laga... life kitni ajeeb hai na? Har relationship ki apni struggles hoti hain. Har kisi ki life perfect nahi hoti. But despite everything, she is still trying to build her life. Aur honestly, I just pray ki Allah usse aur uske husband ko sukoon aur ek happy life de. ❤️

Then abbu ke saath kuch time spend kiya. Phir hum dono walk par gaye... aur honestly, mujhe bahut achha laga. Kabhi-kabhi na, life mein bade-bade plans ki zarurat nahi hoti.

Bas Dad ke saath ek simple si walk bhi enough hoti hai. ❤️

At this point, mujhe pata hai mere Abbu kya feel kar rahe hain. Woh har cheez openly nahi bolte, but main unhe samajhti hoon. Thoda-thoda unhe motivate karti hoon aur bas ek hi cheez kehti hoon — Trust the process of Almighty Allah. Jo hoga, achha hoga.

Bas dua karo, sab sahi ho jaayega. Alhamdulillah. 🤲🏻

Guys, yahan share karne ka reason bhi yahi hai... Aap log sirf mere readers nahi ho Somewhere, you have become a part of my inner soul too. 

Life mein hum sabke paas kabhi na kabhi mushkilein hoti hain. Kabhi doubt, kabhi stress, kabhi overthinking... But main hamesha ek cheez believe karti hoon  Positive socho.

Achha sochne se har problem solve nahi hoti, but achha sochne se dil ko umeed zaroor milti hai. Aur kabhi-kabhi wahi umeed humein aage le jaati hai. Believe me. ❤️

Aaj hum walk par gaye, bahut saari baatein ki... Aur phir last mein Apple Liye mein fruit wale uncle se ₹10 ka discount bhi le liya. 😂

Abbu ko dates chahiye the. Mostly Ammi hi shopping karti hain, toh Father-Daughter duo ko rates ka kya hi idea! 😂

Hum dono ko laga 250 grams ka box ₹120 ka hoga... But bhai, woh nikla ₹150 ka! So obviously, hum dono ne Ammi ko blame kar diya. 😂

Typical us. 😂 Aur guess what? Aaj mujhe ek beautiful sa chand dikha. Bohot beautiful...

MashaAllah. 🌙✨Chand ki woh shine aur nature ki beauty dekhkar mujhe genuinely bahut happiness milti hai. Phir hum dono ghar aa gaye. Maine Apple taste kiya... Aur taste tha — less than average. 😂

Phir Abbu ne khana khaya — salad, rice aur tandoori roti. Namaz ka time tha, but heavy food ki wajah se thoda lazy feel ho raha tha. Aur bhai, mera dimaag toh already kharab ho chuka tha. 😂

Maybe isi liye mujhe index mein positive aur negative change calculate karna nahi aa raha tha. 😂

But thoda-thoda samajh aa gaya... Phir maine apna doubt clear karne ke liye Sir se poocha ki Energy aur Power Index mein actual difference kya hota hai. Maine unse options bhi sikhane ko bola. Aur Sir ne kabhi mana nahi kiya... So finally, I will learn that too.  Next, main bahut koshish kar rahi thi sone ki...

But neend hi nahi aa rahi thi. Phone bhi use nahi kar rahi thi, phir bhi mera brain sleep ke liye ready hi nahi tha. Kabhi-kabhi na, body tired hoti hai but dimaag ke andar thoughts ka traffic chalu hota hai. 😂

Finally... raat ke 3 baje neend aa hi gayi.

Alhamdulillah. ❤️ And that's how another little chapter of my life came to an end... Maybe kuch cheezein abhi samajh nahi aa rahi hain.

Maybe kuch cheezein time ke saath samajh aayengi. But filhaal...

I trust myself. I trust the process. And most importantly, I trust Allah. 🤍

— Safarnama ✨